Lúkas 8:21 - Uhokri Gahegbetawni Nukune akak Sawmus

²¹ Igme Kiyavwiye Jesus kaytwa giwn, ig awna gitkis hiyeg: — Ku pariye timepnevwi Uhokri giwn, ku pariye ihpenevwi inakni giwn, egnes nah ikiygukis ke nnaguhbe, ignesme awaykemni nah ikiygikis ke nukebyuvwibe.

Uhokri Gannasan

²¹ Igme Kiyapwiye Jesus kaytwa giwn, ig awna gitkis madikte hiyeg ayge. Giwn: ―Ku pariye timepnepwi Uhokri giwn, ku pariye ihpenepwi inakni giwn, egnes nah ikiygukis ke nnaghube, ignesme awaykemni nah ikiygikis ke nukebyupwibe.

Lúkas 8:21 Iomraidhean Croise

Matews 17:5

Ku samah ig awnehpiye inakni iwit hene, pahaye adahan paha ukuhne kane amuwyisima biwhe givititkis. Ayteke paha ikuvimnat awna gitkis aytontak abetitak ini ukuhne. In awna: — Ner nukamkayh nubetki. Ig keh nah batek ka aynsima. Ataybiswanabay git.

Matews 25:40

Nahme yikivara kaytwa giwnkisnek: “Minikwak ku aysaw yis amnihe pahavwi nukebyi ku pariye yumahwatnene gikiytani, amun ini nikwe yis kuwis amnihpen.”

Matews 25:45

Ayge nikwe nahme yikivara kaytwa giwnkisnek: “Ku samah yis ka amnih pahavwinema nukebyi ku pariye yumahwatnene gikiytani, amun ini nikwe yis kawnata amnihun.”

Matews 28:10

Igme Kiyavwiye Jesus awna ta gutkis: — Ka yi muwaka avis. Su yi atak kinetihwa ta gitkis nukebyuvwi adahan igkis atak ta avitit Galileyamnaw. Ayge igkis hiyavunnek. Egkis timapni hene, egkis tivik.

Lúkas 8:15

Egnesme nor amutri ayak ku pariye tuguhe ta abetit waxri kibeyne waxri egnesbaki arakak gidahankis hiyeg ku pariye timap nuwnuh ignes kamaxni kabayntiwa. Gihiyekemnikis inyewa kibeynewa. Igkis ka isahkiswa nuwhu aynesnima. Ayge nikwe igkis keh Uhokri gibetki kabayntiwa. Amun ini nikwe igkis humaw kewa pahakti amutribe ku pariye kew kabayntiwa.

Lúkas 8:20

Pahavwi hiyeg ayge hiyapni hene, ig awna ta git: — Kiyavwiye, pinag ay kabaywak gikakkis pisamwivwi. Egkis ayta danuhpanokis pit.

Joawh 13:17

Kuri yis hiyak kabayntiwa ku samah ini nuhiyekemni. Ku yis wew akak ini tuwatka, yis uti ka aynsima kabaykanek.

Joawh 20:17

Igme awna gut: — Ka ba daxtan, mmanawa nah kote wagahte git Niguh. Su atak gitkis nukebyuvwi. Uya akki gitkis ku nah me wagehemet git Niguh gitwata Yig, git nuwohkiga, gitwata yiwohkiga.

2 Koríntyus 5:16

Kuri nikwe uhiyekemniwiy nukunewa akiw. Han pitatit wixwiy ka iki hiyeg henenwatma akiw awakunenwatma ku pariye uhiyvanwiy ay amadga inin. Minikwak nah iki Kiyavwiye Cristo henenwa, heneme kuri nah ka ikigi hene akiw.

2 Koríntyus 6:18

Nah humawnek yig, yisme humawnek nukamkayuvwi. Henewatbaki ig Ukivarawiy detye awna.

Tiyagu 1:22

Heneme amawka ku wixwiy ka ininewatma wixwiy timap giwn. Amawka hawata ku wixwiy iha inakni giwn. Ku wis ikiy ku wis he timepi giwn ikevyi kuwis wis isahptaw, ayge nikwe wis kinis uvitwa.

1 João 2:29

In huwewe wotwiy ku Kiyavwiye Uhokri keh kabaykanen. Nikwe ku pahavwi keh kabaykanen, igi Uhokriyan.

3 João 1:11

Nukagmada, ka muwaka ikaw kema ner awaygma gihiyekemni mbeyevye hiyakemniki. Ahempanaba hiyeg ku pariye gihiyekemnikis kibeyne. Pahavwi ku pariye gibetki keh kabayka, igi Uhokriyan. Pahavwime ku pariye gibetki keh mbayka, igi ka hiyak Kiyavwiye Uhokri aynesnima.