Lúkas 8:15 - Uhokri Gahegbetawni Nukune akak Sawmus

¹⁵ Egnesme nor amutri ayak ku pariye tuguhe ta abetit waxri kibeyne waxri egnesbaki arakak gidahankis hiyeg ku pariye timap nuwnuh ignes kamaxni kabayntiwa. Gihiyekemnikis inyewa kibeynewa. Igkis ka isahkiswa nuwhu aynesnima. Ayge nikwe igkis keh Uhokri gibetki kabayntiwa. Amun ini nikwe igkis humaw kewa pahakti amutribe ku pariye kew kabayntiwa.

Uhokri Gannasan

¹⁵ Egnesme no amutri ayak ku pariye tuguhe ta abetit waxri kibeyne waxri egnesbaki arakak gidahankis hiyeg ku pariye timá nuwnhu ignes kamaxni kabayhtiwa. Gihiyakemnikis inyerwa kibeynewa. Igkis ka isahkiswa nuwhu aynesnima. Ayge nikwe igkis keh Uhokri gibetki kabayhtiwa. Amun ini nikwe igkis humaw kewa pahakti amutribe ku pariye kew kabayhtiwa.

Lúkas 8:15 Iomraidhean Croise

Sawmus 119:11

Nah kiyenenekwa piwn abet nuhiyekemni kahadbe nah ka taraksa pikak.

Sawmus 51:10

Barewvitanuba ariw nuvathawni. Nukunehnaba nuhiyekemni akiw. Ka ba isaksa nah taraksa akiw.

Matews 24:13

Ka sam. Ku yis ka isahkiswa nuwhunek he amaksemni hawkri, yis isahptawnek.

Lúkas 11:28

Igme kaytwa guwn: — Pi kabayte wis awna: “Ku pariye hiyeg timepnevwi Uhokri giwn, ihpenevwi Uhokri giwn ignesnewa ka aynsima gibunugakis.”

Lúkas 6:45

Ke wixwiy hiyegbe. Ku pariye kibeynewa hiyeg igi ivegminene gihiyekemni adahan kabaykanenwa. Nikwe he kabaykanen pes giwntak. Pahavwime ku pariye mbeyevye hiyeg igi ivegminene gihiyekemni adahan mbaykanenwa. Nikwe he mbaykanen pes giwntak. Mmanawa ku pariye ay avit uyakni innewa wis awnin.

Lúkas 8:14

Egnesme nor amutri ayak ku pariye tuguhe ta abetit pudukuvwi, egnesbaki arakak gidahankis hiyeg ku pariye timap Uhokri giwn ignes amavin. Heneme kibeye, kibeye, igkis pi ikatuswate adahan arikna amadgaya inin. Igkis kinikiswate arit igiska, arit batekka amadgaya inin. Ayge nikwe igkis ka kannuhwa keh Uhokri gibetki. Amun ini nikwe igkis humaw waditnevyenen kewa pahakti amutribe ku pariye sarayh guw, heneme egkis ka kahawkan ivat egkis kigise madikte.

Lúkas 8:16

Ayteke ig awna gitkis akak pahatwa iwit patuwesbuhka akiw. Giwn: — Nuwnuh kewa pohow abukribe adahan uguhne hiyeg gihiyekemnikis. Wis ka hakis abukri adahan wis asabkeptenma anavi suwyeg. Ine wis kawnata hakisgu adahan ayempitnima ta anavit payt abukaveyni. Kawa. Wis ikigu ta inut akekrit adahan eg uguhno madikte hiyeg ku pariye parekwiye ta uvinekut.

Joawh 14:15

— Ku yis batek nukakuh, ihpanabay nuwnuh.

Joawh 15:10

Nah iha Wigwiy giwn. Takunipti nah keh ig batek nukakuh. Yis hawata ku yis iha nuwnuh takunipti, yis keh nah bateknenekwa yikaknek.

Romanus 2:7

Ku pariye hiyeg tiviknene kehnene kabayka, igkis mpiksewnenes aharit Uhokri gibereswan, igkis mpiksewnenes aharit Uhokri gikiytani, igkis mpiksewnenes aharit gaymahwankis gimun Uhokri, akebi neras hiyeg utinek kabayka dehetniki.

Romanus 6:22

Kurime yis isahptew ariw ini mbayka akumadukan adahan yis kumadukaka gavit Uhokri. Yis ik adahan yis miniw ariw yikehni mbayka adahan yis kehne kabayka. Inineki keh yis uti kabayka dehetnikinek.

Romanus 7:18

Nah hiyakni ku nuhiyekemni amadgaya inin ku in kuwis patehwevye, yuma kabayka ay nibet. Mmanawa nah kehkere kabayka, heneme nah ka hiya nikehka.

Romanus 7:4

Nukebyuvwi, wixwiy hawata kewa nor tinobe. Minikwak wixwiy kumadukasaw arit amekene Moís gikumadukan. In ke wotbe wixwiy maripkewne nikak. Inme gikumadukan kewa ugihgiwiybe. Kurime wixwiy kewa pahavu tinobe ku pariye kuwis miyop giw gugihgi. Ku samah ig Cristo umahkiswe in ke wotbe wixwiywatbe miyap payak gikak ayge. Kuri wixwiy kuwis isahptew ariw amekene Moís gikumadukan adahan wixwiy wageswa gidahan pahavwiwa akiw. Kuri wixwiy gidahan Cristo ku pariye kannikasepka ariwntak gimiremni. Ku samah wixwiy pahavwiwa gikak Cristo, amun ini nikwe kabayka gidahan Uhokri pes wowntakwiy.

Romanus 8:25

Wixwiyme, ini kabayka ku pariye wixwiy wahepnene in kote danuhte. Heneme wixwiy kiyaknihwa adahan wixwiy wahepnene ku aysaw in danuhnek adahan wixwiy humaw avigkutavrik ku samah Uhokri gimawkan.

1 Koríntyus 7:19

Mmanawa ku wis hiwhka uvit, in ka ariknawnema. Ku wis ka hiwhkama uvit, in kawnata ariknawnema. Ininewa Uhokri gimawkan adahan wixwiy ihpa gikumadukan.

Efésyus 2:8

Innewa gamnihra keh wixwiy isahptaw ariw uvathawniwiy awaku ku samah wixwiy kamaxwene givitit Cristo. In ka ariwntakma umaviswanwiy wowntaknema. In ayta giwntak Kiyavwiye Uhokri. In gikan wotwiy he wamnihkawiynen.

Filipénses 1:11

Numawkan yis kehnenekwa kabayka ayta giwntak Jesus Cristo. Ayge nikwe Kiyavwiye Uhokri kiyathaka ig kabayhaka avanenekwa.

Kolosénses 1:10

Ku yis kamax ini gihiyekemni, inneki keh yis ikaw Uhokriyanbetnewa. Ayge amun ini nikwe yis keh ig bateke gimin. Ayge yis ka waditnevyenentima, yis kehne madikte kabayka. Ayge yis hiyeknewa Kiyavwiye Uhokri kabayntiwa.

Kolosénses 1:6

Inakni kibeyne inetit ku pariye danuh yit minikwak, in kuri ibekhewvi muwapuw amadga wayk. In wagesne hiyeg gihiyekemnikis muwapuw hawata ku samah in wagesne yidahan yihiyekemni. Mmanawa ku samah yis timap inakni inetit minikwak, ku samah yis inyewa pukuhpe ini Kiyavwiye Uhokri gamnihra, ayge inakni inetit kavusa wages yihiyekemni.

Ebréws 10:36

Amawka ku yis mpiksaw keh Kiyavwiye Uhokri gibetki aynesa akiw kahadbe pisenwa yis darih madikte ini kabayka ku pariye Kiyavwiye Uhokri gikaksan udahanwiy yis ka biyuk nikak.

Ebréws 2:1

Kiyavwiye Uhokri gikamkayh ka gikiytanisima. Amawka nikwe ku wis kiyenenekwa inakni inetit gimin ku pariye kuwisnene ekkepka wot ku nawenetke wis miyehpig. Ku wis miyehpig, wis humaw ke pahamku umuhbe ku pariye ka wanak kabayntiwatma eg bohpika avit amiyan.

Tiyagu 1:4

Nikwe kamaxwanabay givitit Kiyavwiye Uhokri kabayntiwa akak madikte yikamaxwan. Ayge nikwe yis huwitnek avigkutavriknawa ku samah Kiyavwiye Uhokri gimawkan. Nikwe yuma ariknawnema muwekne yit.

1 João 2:3

Ku wis ihpene ariwn Uhokri gikumadukan, nikwe innewa areketni wot ku wis inyewa gihiyekten Kiyavwiye Uhokri.