Lúkas 8:14 - Uhokri Gahegbetawni Nukune akak Sawmus

¹⁴ Egnesme nor amutri ayak ku pariye tuguhe ta abetit pudukuvwi, egnesbaki arakak gidahankis hiyeg ku pariye timap Uhokri giwn ignes amavin. Heneme kibeye, kibeye, igkis pi ikatuswate adahan arikna amadgaya inin. Igkis kinikiswate arit igiska, arit batekka amadgaya inin. Ayge nikwe igkis ka kannuhwa keh Uhokri gibetki. Amun ini nikwe igkis humaw waditnevyenen kewa pahakti amutribe ku pariye sarayh guw, heneme egkis ka kahawkan ivat egkis kigise madikte.

Uhokri Gannasan

¹⁴ Egnesme no amutri ayak ku pariye tuguhe ta abetit pudukupwi, egnesbaki arakak gidahankis hiyeg ku pariye timá Uhokri giwn ignes amapin. Henneme kibeye kibeye igkis pi ikatuswate adahan arikna amadgaya inin. Igkis kinikiswe arit igiska arit batekka amadgaya inin. Ayge nikwe igkis ka kannuhwa keh Uhokri gibetki. Amun ini nikwe igkis humaw waditnepyenen kewa pahakti amutribe ku pariye sarayh guw henneme eg kigise madikte.

Lúkas 8:14 Iomraidhean Croise

Matews 13:22

Inme amutri ayak ku pariye tuguhpiye abetit pudukuvwi, innebaki arakak gidahan pahavwi ku pariye timap Uhokri giwn ig amavin kabayntiwa. Heneme ig pi ikatuswete adahan arikna amadgaya inin. Ig kinikiswate arit igiska amadgaya inin. Ayge nikwe Uhokri giwn mpithaka abet gihiyekemni. Ig ka kannuhwa keh Uhokri gibetki. Amun ini nikwe ig awayg humaw waditnevyenen kewa pahakti amutribe ku pariye kane kew.

Markus 4:19

Henneme igkis pi ikatuswete adahan arikna amadgaya inin. Igkis kinikiswete arit igiska amadgaya inin. Igkis miyarhawte aharit arakembet arikna mpiy giw Uhokri. Ayge nikwe Uhokri giwn mpithaka abet gihiyekemnikis. Igkis ka kannuhwa keh Uhokri gibetki. Amun ini nikwe igkis hiyeg humaw waditnevyenen ke pahakti amutribe ku pariye kane kew.

Lúkas 16:13

Pahavwi ibukti ka hiya igma kakivarahaw gitkis piyana gikivaravu hehpekuyema, mmanawa ig pi batektenek gikak pahavwi mpiya pahavwi. Ig miniwkam giw pahavwi adahan ig kannivwiye gidahan pahavwiwa. Wixwiy hawata akiw. Ka hiya wixwiyma mpiksaw keh Uhokri gibetki hehpekuyema ku samah wixwiy mpiksewne aharit igiska amadgaya inin udahanwiy. Amawka ku wixwiy kaniy pahavwiwa adahan wixwiy kakivarahaw git.

Lúkas 21:34

— Misakwanabay ahegbet avanenekwa avit ini hawkri danuh. Ka yi muwaka ikatuswa arit amadgaya inin. Ka yi muwaka ikatuswa arit fet arit uwkihwaki. Nawenetke pahaye adahan in hawkri danuh yis ka iknima.

Lúkas 8:13

Egnesme nor amutri ayak ku pariye tuguhe ta abetit tivebdi egnesbaki arakak gidahankis hiyeg ku pariye timap nuwnuh ignes amavin akak madikte gibetkikis, heneme igkis ka kamax inakni nuwnuh kabayntiwatma abet gihiyekemnikis. In humaw kewa pahakti amutribe ku pariye yumanano guhanpabet eg ka dep miyó. Igkis batek akak nuwnuh adahan aynesa hawkri. Ayteke ku aysaw igkis hiyap mbeyne, aynewa igkis miniw ariw nuwnuh.

Lúkas 8:15

Egnesme nor amutri ayak ku pariye tuguhe ta abetit waxri kibeyne waxri egnesbaki arakak gidahankis hiyeg ku pariye timap nuwnuh ignes kamaxni kabayntiwa. Gihiyekemnikis inyewa kibeynewa. Igkis ka isahkiswa nuwhu aynesnima. Ayge nikwe igkis keh Uhokri gibetki kabayntiwa. Amun ini nikwe igkis humaw kewa pahakti amutribe ku pariye kew kabayntiwa.

Lúkas 8:7

Gaytakkisme gamutra ayak tuguhe avuwit pudukuvwi. Egnes pudukuvwi hiyenpi payegbitak akak gamutra. Egkis tuwathe gamutra he egkis miyorap.

Joawh 15:6

Ku pahavwi ka pahavwiwatma nukakuh, aysawnemenek ig padekwikanek ke pahat ah atawnibe ku pariye huruhruvye. Ke atawnibdibe huruhravye ku pariye pahadgupihka, in padekwika ariwtrikut tiket, in bukehpika.

1 Timótyu 6:17

Ikinaba gihiyekemnikis hiyeg ku pariye igisavye akak gewkanbetkis amedgene inin adahan igkis ka ikaw kabaytema giwkis nawenyevwi hiyeg. Awnanaba gitkis adahan igkis ka iveg avitit gikakurakis, ku pariye kane ik adahan wis iveg nivitit. Awnanaba gitkis adahan igkis iveg givititnen Kiyavwiye Uhokri. Ig Kiyavwiye Uhokri ka mavukwiyema, ig iki wotwiy madikte kabayka akak madikte gibetki kahadbe wixwiy batek.

2 Timótyu 4:10

Mmanawa kabahte yumahwa hiyeg ay nukakuh. Ig Demas ig kuwis miniw nuwhu. Ig pi batekte akak kabayka amadgaya inin mpiya giw Kiyavwiye Uhokri. Ig kuwis tivik avitit paytwempu Tesalônika. Igme kiyavwiye Kiresenti tivik avitit Galasiyamnaw. Igme kiyavwiye Titu aynte paytwempu Dalmaziya.

Ebréws 6:1

Uyay ikaw kiyavwiyebetnewa abet uhiyekemniwiy. Uyay ka misakwa henenwatma akak ini akavuska hiyakemniki gimin Cristo ku pariye kuwisnene yis kannuhka nimin. Uyay tiviknene kannuhwenene amin Uhokri gihiyekemni akiw. Nah ka kannuhyi akiw amin ku samah amawka wixwiy wages uhiyekemniwiy ariw ukehbetanwiy ku pariye waditnevyenen, adahan wixwiy kamaxwene givitit Kiyavwiye Uhokri.