Lúkas 8:13 - Uhokri Gahegbetawni Nukune akak Sawmus

¹³ Egnesme nor amutri ayak ku pariye tuguhe ta abetit tivebdi egnesbaki arakak gidahankis hiyeg ku pariye timap nuwnuh ignes amavin akak madikte gibetkikis, heneme igkis ka kamax inakni nuwnuh kabayntiwatma abet gihiyekemnikis. In humaw kewa pahakti amutribe ku pariye yumanano guhanpabet eg ka dep miyó. Igkis batek akak nuwnuh adahan aynesa hawkri. Ayteke ku aysaw igkis hiyap mbeyne, aynewa igkis miniw ariw nuwnuh.

Uhokri Gannasan

¹³ Egnesme no amutri ayak ku pariye tuguhe ta abetit tipebdi egnesbaki arakak gidahankis hiyeg ku pariye timá nuwnhu ignes amapin akak madikte gibetkikis, henneme igkis ka kamax inakni nuwnhu kabayhtiwatma abet gihiyakemnikis. In humaw kewa pahakti amutribe ku pariye yumanano guhampabet eg ka dep miyó. Igkis batek akak nuwnhu adahan aynessa hawkri. Ayteke pase igkis hiyá mbeyne, aynewa igkis miniw ariw nuwnhu.

Lúkas 8:13 Iomraidhean Croise

Markus 6:20

Mmanawa ig Erodis avisemun gibohri Joawh Batista awaku ig hiyakni ku ig waditye hiyeg, ig hiyakni ku ig Kiyavwiye Uhokri gihiyega. Ayge nikwe ig avuriwkisgi ariku parakseket. Ku aysaw ig timap Joawh Batista kinetihwa git, ig matekbet gihiyekemni heneme ig batek timap giwn.

Lúkas 8:12

Gaytakkis hiyeg kewa ini ahinbe. Ignes timap nuwnuh ayteke wavitye danuh atere gitkis. Ig wiwhpiye nuwnuh abetitak gihiyekemnikis marihwa igkis ka iha inakni nuwnuh kahadbe igkis ka isahptaw.

Lúkas 8:14

Egnesme nor amutri ayak ku pariye tuguhe ta abetit pudukuvwi, egnesbaki arakak gidahankis hiyeg ku pariye timap Uhokri giwn ignes amavin. Heneme kibeye, kibeye, igkis pi ikatuswate adahan arikna amadgaya inin. Igkis kinikiswate arit igiska, arit batekka amadgaya inin. Ayge nikwe igkis ka kannuhwa keh Uhokri gibetki. Amun ini nikwe igkis humaw waditnevyenen kewa pahakti amutribe ku pariye sarayh guw, heneme egkis ka kahawkan ivat egkis kigise madikte.

Joawh 15:2

Ignes nuhiyegavu igkis pahavwiwa nukakuh hawata ku samah amutri atawnibdi pahaktiwa akak akat. Heneme gaytakis ka inyewatma pahavwiwa nukakuh. Igkis ka kehkere nubetki. Igkis kewa atawnibdibe huruhravyebe ku pariye kane kew. Ig Wigwiy hiyak gikakkisnek. Ku samah pahavwi amutrivutne tigah atawnibdi huruhravye, hawata ig Wigwiy giwiwhpitnikis neras ku pariye kane kehkere nubetki. Nerasme ku pariye kehnevwi nubetki, ig hiyak gikakkis hawata. Igkis kewa atawnibdibe ku pariye kewtino. Ig amutrivutne sagahpewa gamutra atawnibdi ku pariye kewyovwi kahadbe egkis wadiswa egkis kew kibite akiw. Hawata ig Wigwiy sagahbeta gihiyekemnikis ariw givathawnikis neras ku pariye kehnevwi nubetki kahadbe igkis keh nubetki ka aynsima akiw.

Joawh 15:6

Ku pahavwi ka pahavwiwatma nukakuh, aysawnemenek ig padekwikanek ke pahat ah atawnibe ku pariye huruhruvye. Ke atawnibdibe huruhravye ku pariye pahadgupihka, in padekwika ariwtrikut tiket, in bukehpika.

Joawh 5:35

Ig Joawh Batista ig kewa paha abukribe adahan uguhne yihiyekemni. Yisme ayta ganwat ke yube kabubuk aharitne gibutni. Heneme yis ka iha giwn madiktema.

1 Koríntyus 13:2

Hiyawa nah kabunuga akak Uhokri gannu adahan nah awnene iwit ku pariye pes giwntakwa Uhokri. Hiyawa nah hiyak madikte ku pariye nehmnikuhpiye. Hiyawa nah hiyak madikte hiyakemniki. Hiyawa nah kabunuga akak nukamaxwan adahan nah higihkise waxri imuwadnene akak nubiyunenwa. Heneme ku nah yuma Uhokri gamnihra ay nuvituh, amun ini nah ka ariknawnema.

1 Koríntyus 15:2

Inneki keh yis isahptew ariw yivathawni adahan yis danuhne git Uhokri. Heneme ku yis isahkiswe ariw inakni nunetni, nikwe ini ku samah yis kamaxwe nivitit pitatye in he waditnevyenen, in ka keh yis isahptaw.

Gálatas 3:1

Aa, yis hiyeg galasiyenevwi. Yis ka hiyakwa hawkri aynesnima. Minikwak ku aysaw usuh aynete yibet, usuh akki yit huwewe ku samah ig Kiyavwiye Jesus Cristo daddahkiswe aminat giyakni adahan ignewa keh wixwiy danuh git Kiyavwiye Uhokri. Pariyevahki hiyeg miyehkise inakni yit akak giyahmara?

Gálatas 3:4

Mmah madikte inakni unetni danuh yit mmah adahan waditnevyenen? Ka hiyap inma danuh adahan waditnevyenenma.

Efésyus 3:17

Adahan ig Cristo misakwa kabayntiwa ay avit yiyakni awaku ku samah yis kamaxwene givitit. Numawkan yis amava gamnihra kabayntiwa adahan in misakwa ay yivit ku samah ah ahanpabet mutuhwa kabayntiwa waykekut, in ka isahkiswa niw aynesnima.

Kolosénses 1:23

Ig keh wixwiy barewvitye hene awaku ku samah wixwiy kamaxwene givitit Cristo. Heneme amawka ku wixwiy tiviknene gikak, wixwiy ka isahkiswa giw. Amawka ku ini ukamaxwanwiy awaygye ativut madikte ku pariye ayta tuguhkiswiye uhiyekemniwiy. Amawka ku wixwiy ka tuguhkis ukamaxwanwiy givititak Cristo. Yis kamaxwe givitit minikwak ku aysaw yis time inakni Kiyavwiye Uhokri ginetni gidahan. Kuri madikte hiyeg amadga wayk timepnekuye inakni ginetni. Kibeyne, nah Pol, nah awahkiska gavit Kiyavwiye Uhokri adahan nah nakkamnihten gitkis hiyeg.

Kolosénses 2:7

Kamaxwanay givitit Cristo kabayntiwa hawata ku samah ah ahanpabet mutuhwa kabayntiwa waykekut. Aymuhwanay akak gihiyekemni. Misakwanay kabayntiwa akak ini yikamaxwan ku samah yis kuwis kannuhka. Ka yi isahkisni aynesnima. Amun ini kabayhanay Kiyavwiye Uhokri akak madikte yibetki.

1 Tesalonisenses 3:5

Awaku ini mbeyne nah kiyimare. Inneki keh nah awahkis kiyavwiye Timotyu atere yimin. Ku samah nuyakni ka karisawnema, nah awahkisgi adahan ig iwasavyi ku samah yikamaxwan ayge. Nah avise yikak ku nawenetke Satanas matekbete yihawkan. Wake ig keh henebe, nikwekam madikte wannivwi umaviswan ayge yibet in waditnevyenenkam.

1 Timótyu 1:19

Amawka pis kamaxwa kabayntiwa givitit Cristo. Amawka hawata pis avuriw pihiyekemni akak kibeyne hiyakemniki. Gaytakis hiyeg ka henema. Igkis hiyak ku pariye kane kabay adahan igkis keh, heneme igkisnewa mpiksaw kehni. Igkis awna: “Ka sam nah keh hene.” Ayge nikwe igkis miyehe gikamaxwankis. Igkis ikaw ke pahavwibe hiyeg ig awna: “Ka sam nah huwitha nuhmun abetiw tip.” Heneme ig sigihwenek. Ig biyuk akak gihmunek. Hennebaki igkis biyuk akak gikamaxwankis.

Ebréws 10:39

Wixwiyme ka henema, nukebyuvwi. Wixwiy ka miniw giw he wixwiy biyuk giw. Kawa. Wixwiy kewa nerasbe ku pariye kamaxwenevwi givitit igkis aymuhwa gimun Kiyavwiye Uhokri adahan avanenekwa.

Tiyagu 2:26

Nah kehte pahat abektey akiw akak uvitwiy. Ku yuma ner awnparinene ay uvitwiy, nikwe wixwiy miyarevye. Hawata ukamaxwanwiy, ku wixwiy kamaxwa givitit Kiyavwiye Jesus, heneme ku wixwiy ka wew akak gihiyekemni, nikwe ini ukamaxwanwiy in humaw ke miyaviyebe.

2 Pedru 2:20

Ku hiyeg kuwis hiyak Ukivarawiy Wamnihtenwiy Jesus Cristo kabayntiwa, ku igkis kuwis isahptaw ariw givathawnikis amadgaya inin, heneme ku igkiswa wanakminaw nikak akiw, ku igkis isaksew nit akiw, nikwe giwskawnikis pi mbayte ariw pitatye akiw.

2 Pedru 2:22

ay pahat iwit patuwesbunka ku pariye kawih gidahankis. In awna: “Pewru hikak. Ayteke ig diyuh amin gihikakni, ig axwin akiw. Pakir sukuhptepka. Ayteke ig diyuh abetit ibug akiw adahan ig guguhptaw abet akiw.” Nikwe hawata neras ku pariye diyuhpiye butte giw Kiyavwiye Uhokri.

1 João 2:19

Igkis neras hiyeg pes ubetitakwiy wixwiy Jesus gihiyegavu bawa igkis ka igkisyewatma Uhokriyanvuma. Wake igkis igkisyewatbe Uhokriyanvube, nikwekam igkis gidukweneswa kawohkigahaw git Kiyavwiye Jesus hawata ke wixwiybe. Heneme igkis kuwis pese ubetitakwiy. Ini areketni huwewe ku igkis ka igkisyewatma Uhokriyanvuma.

Judas 1:12

Ku aysaw yis Jesus gihiyegavu pahadguvu adahan amnihekne pawtak, igkis danuh atere hawata ke wotbe igkis Jesus gihiyegavube. Heneme igkis he mbeyhenenen yihiyekemni. Igkis ka hiyak ku pariye maraki. Igkis ax ka kiyatha pahavwi. Igkis kiye he givitkisnen. Igkis kewa tipbe dig ahakwa un wis ka hiyak ku aysaw wis sigihwe guvitit. Mmanawa wixwiy ka hiyak ku aysaw wixwiy ikaw hawata ke igkisbe. Gihiyekemnikis waditnevyenen yuma kabayka nibet. Ini gihiyekemnikis kewa ukuhnebe ku pariye yumanene mwok nibet. In atekekbetwiye ke ukuhnebe warebdi abet mayg. Igkis hiyeg waditnevyenen ke amutribe ku pariye kane kew. Kawa, igkis mbayte akiw. Igkis yumahwatbaki gidahankis dehetniki. Igkis kewa pahakti ah akatbe ku pariye warekwika pahatte payak akak guhanpabet.