Lúkas 8:10 - Uhokri Gahegbetawni Nukune akak Sawmus

¹⁰ Igme kaytwa giwnkis: — Hiyeg amadgayavu inin kote hiyakte ku samah Uhokri gikumadukan. Yisme Uhokri akkamnihni ta yitnek. Igkisme ka akkaka ta gitkis. Ta gitkis nah awna patuwesbuhkanen iwit. Hiyawa igkis iki gitewkis nimkanit kabayntiwa heneme ka paduk ta abetit gihiyekemnikis. Hiyawa igkis ataybiswa nit kabayntiwa heneme igkis ka pukuhin.

Uhokri Gannasan

¹⁰ Igme kaytwa giwnkis: ―Hiyeg amedgenepwi inin kote hiyakte ku samah Uhokri gikumadukan. Yisme Uhokri akkamnihni ta yitnek. Igkisme ka akkaka ta gitkis. Ta gitkis nah awna patuwesbuhkanen yuwit. Hiyawa igkis ikí gitewkis nimkanit kabayhtiwa henneme ka paduk ta abetit gihiyakemnikis. Hiyawa igkis ataybiswa nit kabayhtiwa henneme igkis ka pukuhpin.

Lúkas 8:10 Iomraidhean Croise

Sawmus 25:14

Ig Kiyavwiye Uhokri Dehetniye darihwak gikakkis neras ku pariye kane taraksekere gikak. Ig akka gitkis madikte gihiyekemni adahan ku samah igkis misakwa pasamrak pawtak gikak.

Matews 11:25

Pisenwa gawnan inakni ig Kiyavwiye Jesus piriyepkaw ta git Uhokri. Ig awna: — Kibeyne, Niguh. Pis en akivara. Pis waxri akivara. Nah kabayhap awaku ku samah pis ka akka pihiyekemni gitkis hiyeg hiyakemniyevwi. Gitkisme neras kene bakimnayhbe yumanene gihiyekemnikis giwntekneswa, atere pis akka pihiyekemni.

Matews 16:17

Igme Kiyavwiye Jesus kaytwa giwn: — Simawh, pis ku pariye kiyavwiye Joawh gikamkayh, pis ka pibunugasima. Mmanawa ka hiyegima amadgaya inin akki pit inakni. Ignewa Wigwiy inurikyene ku pariye ekkepni pit.

Markus 4:11

Igme kaytwa giwnkis: — Hiyeg amadgayavu inin ignes kote hiyakte ku samah Uhokri gikumadukan. Yisme Uhokri akkamnihni ta yitnek. Igkisme ka akkaka ta gitkis. Ta gitkis nah awna patuwesbunkanen iwit.

Markus 4:12

Hiyawa igkis iki gitewkis nimkanit kabayntiwa heneme ka paduk ta gitiwrikutkis. Hiyawa igkis ataybiswa nit kabayntiwa heneme igkis ka pukuhin. Ayge nikwe igkis ka wages gihiyekemnikis adahan igkis bayahminaka ariw gitaraksankis.

Joawh 12:40

“Kiyavwiye Uhokri sabukkise giwtyakkis marihwa igkis ka hiyap ku pariye hiyakemniki inyewatnene. Ig dahkise gihiyekemnikis marihwa igkis ka pukuha ku pariye hiyakemniki inyewatnene. Wake ka henema, igkis wageskam gihiyekemnikiskam igme makniwigkiskam.”

Romanus 16:25

Kibeyne gidahan Uhokri. Ig detye adahan ikene wawaygiwiy ku samah nah kuwis akki yit abet nunetni gidahan Kiyavwiye Jesus Cristo. Minikwak hiyeg kote hiyakte inakni kibeyne inetit gimin Kiyavwiye Jesus.

1 Koríntyus 12:11

Igwata pahavwiwa Uhokri Gitip ignewa iki uvititwiy madikte ini gannu. Ig ibakha gannu givuwiwkis mpuse hiyeg ku samah gimawkan.

Kolosénses 2:2

Numawkan yis iw yawaygi. Numawkan yis pahatwowa yihiyekemni. Numawkan yis batekak pawtak. Numawkan yis hiyak Uhokri gihiyekemni kabayntiwa kiyesrad kahadbe yis iveg givitit Kiyavwiye Uhokri kabayntiwa. Ayge nikwe yis hiyak ini ku pariye Kiyavwiye Uhokri ka akki gitkis hiyeg minikweknenevwi. Yis hiyak igyewa Cristo.

1 Timótyu 3:16

Henewatbaki in. Ini Uhokri gihiyekemni in kabayntiwa in. Minikwak hiyeg ka hiya avuhpak. Kurinme wixwiy hiyak. Inneki keh wixwiy paksig han: “Ig Cristo wageswe igyewa hiyeg ihtikekne amadgaya inin. Hawata ig Uhokriwa ig. Ig gitiphewne Uhokri inurikyene. Ig ekkepka ta gitkis madikte ahj inurikyene. Hawata ig ekkepka ta gitkis madikte hiyegviyenevwi amedgene inin. Ig amavaka gavitkis hiyeg muwapuw amadga inin. Hawata ig amavaka inurikut akak madikte gikiytani.” Henewatbaki wixwiy kiyatig wavanwekwey.