Lúkas 8:1 - Uhokri Gahegbetawni Nukune akak Sawmus

¹ Ayteke ariwnteke ini ig Kiyavwiye Jesus mpiye muwapuw avuwiw paytwempu nopsadmin, avuwiw paytwempu nopsanyupnene akiw. Ayge ig kinetihwene amin Uhokri gikumadukan. Igkisme giwatnivwi madikawkunene gikebikis gikakkis piyananene gawnakis (12) igkis atak gihapti.

Uhokri Gannasan

¹ Ayteke ariwnteke ini ig Kiyapwiye Jesus mpiye muwwapu apuriw paytwempu nopsadmin apuriw paytwempu nopsanyupnene akiw. Ayge ig kinetihwene gimin Uhokri gikumadukan. Igkisme giwatnipwi madikawkunene gikebyikis gikakkis piyana gawnakis (12) igkis atak gihapti.

Lúkas 8:1 Iomraidhean Croise

Matews 11:1

Pisenwa inakni gawnan ig Kiyavwiye Jesus awahkise giwatnivwi muwapuw neras madikawkunene gikebikis gikakkis piyana gawnakis (12). Ayteke nikwe ig tivik gihavukis ta avitit mpuse paytwempu adahan ig kannuhekne adahan ig ekkene Uhokri giwn ta gitkis hiyeg aygnenevwi.

Matews 13:19

Ku pahavwi timap nuwnuh amin Uhokri gikumadukan heneme ku ig ka ikatuswa nudahan, nikwe ner mbeyevye gihiyekemni ig Satanas ig danuh atere git. Ig wiwhpiye inakni nuwnuh abetitak gihiyekemni. Ayge nikwe inakni nuwnuh humaw kewa ini amutri ayakbe ku pariye tuguhpiye avigkut ahin.

Matews 4:23

Ayteke ariwnteke ini ig Kiyavwiye Jesus wew muwapuw ay Galileyamnaw. Ig kannuhekne arikuw judeyenevwi gileglisakis. Ig ekkene kibeyne inetit amin ku samah Uhokri kumaduka hiyeg. Hawata ig makniwene hiyeg ariw madikte karaytviyene ariw madikte mabimnakatru.

Matews 9:35

Ayteke ariwnteke ini ig Kiyavwiye Jesus mpiye muwapuw avuwiw paytwempu nopsadmin, avuwiw paytwempu nopsanyupnene akiw. Ayge ig kannuhekne ariku judeyenevwi gileglisakis. Ig ekkene inakni kibeyne inetit amin Uhokri gikumadukan. Ig makniwene hiyeg ariw madikte karaytpiyene, ariw madikte mabimnakatru.

Markus 1:39

Ayteke nikwe ig wew muwapuw Galileyamnaw. Ayge ig ekkene Kiyavwiye Uhokri giwn ariku judeyenevwi gileglisakis. Hawata ig pekkis wavitye givititakis hiyeg.

Lúkas 1:80

Ayteke ariwnteke ini ig bakimni aymuhwe. Ig kawih Uhokri gihiyekemni kabayntiwa. Ayteke barew gikivay kuwis ig tivik misekwe amadgate amatap ku kiney yumanene hiyeg misakwa. Ayge ig misekwe he ku aysaw gihawkanavrik danuh adahan ig ekkene Uhokri gihiyekemni ta gitkis hiyeg izhaewyenevwi.

Lúkas 20:1

Avim ini hawkri ku samah Kiyavwiye Jesus kannuhekne ayge ariku leglis, ig ekkene Uhokri ginetni ayge, neras muwveg kiyatyevwi gikakkis neras kannuhekevutnevwi amin amekene Moís gikumadukan gikakkis neras judeyenevwi giwewkistenkis igkis patiptakig atere.

Lúkas 4:18

“Kiyavwiye Uhokri kuwis kawihkiswen gikak Gitip. Ig kaniyven adahan nah ekkene kabayka ta gitkis hiyeg ku pariye kane hiyak kabayka. Ig awahkisun adahan nah ikene gawaygikis ta gitkis hiyeg ku pariye yumanene gawaygikis. Ig awahkisun adahan nah watakminavevye neras ku pariye wanaminamnevye. Ig awahkisun adahan nah keh motavye hiyap. Ig awahkisun adahan nah woka kabayka gidahankis hiyeg ku pariye hiyepne mbeyne.

Lúkas 9:6

Pisenwa inakni gawnan, igkisme tivik muwapuw paytwempuriw. Igkis ekkenes Kiyavwiye Jesus ginetni. Igkis makniwenes hiyeg muwapuw.

Attus 10:38

Yis kuwis time gak Kiyavwiye Jesus Nazaréyene. Yis time gak ku samah Kiyavwiye Uhokri kawihkise Gitip givitit, ig ike gannu givitit. Ayteke nikwe ig Kiyavwiye Jesus tivik muwapuw kehne kabayka. Ig makniwe madikte ku pariye hiyepnevwi mbeyne giwntak wavitye gikivarakis. Ig makniwa madikte mmanawa ig Kiyavwiye Uhokri ay gikak.

Attus 13:32

Ku avim inin usuh ay adahan ekkene inakni kibeyne inetit yit. Minikwak ig Kiyavwiye Uhokri ikakse pahavwi wamnihtenwiy gitkis uhawkrivwiy amekenegben.

Romanus 10:15

Hawata akiw ku ner pahavwi ka awahkiska giminkis hiyeg, nikwe ig ka hiya igma kinetihwa gitkis. Henewa in ku samah Uhokri gannasan awna. In awna: “Ku pahavwi waywe ewkne kibeyne inetit, batekkanewa ku samah ig danuh wot.”