Lúkas 7:9 - Uhokri Gahegbetawni Nukune akak Sawmus

⁹ Ig Kiyavwiye Jesus timapni inakni giwnkis hene, ig wakaymni ka aynsima. Ig wagestaw, ig awna ta gitkis neras ku pariye kane aynsima gihavu butte. Giwn: — Ner suwtat kane izhaewyenema ig pi kamaxwate ta nuvitit mpiya madikte nukebyuvwi izhaewyenevwi. Nah ka hiyapti pahavwinema izhaewyene gikamaxwan kema nerma. Ihanabay inakni nuwnuh. Henewatbaki in. Ayteke ig awna ta gitkis ner suwtat gikivarakis giwatnivwi. Giwn: — Hiyawa yis diyuhe git.

Uhokri Gannasan

⁹ Ig Kiyapwiye Jesus timapni inakni giwnkis henne, ig wakaymni kaayhsima. Ig wagestaw, ig awna ta gitkis nerras ku pariye kaneayhsima gihapu butte. Giwn: ―Ner suwtat kane israelyenema ig pi kamaxwate ta nupitit mpiya madikte nukebyupwi israelyenepwi. Nah ka hiyapti pahapwinama israelyene gikamaxwan kema nerma. Ihanabay inakni nuwnhu. Hennewatbaki in. Ayteke ig awna ta gitkis ner suwtat gikiparakis giwatnipwi. Giwn: ―Hiyawa yis diyuhe git.

Lúkas 7:9 Iomraidhean Croise

Matews 15:28

Ig Kiyavwiye Jesus timapni hene, ig awna gut: — Kiyavuno, pis ka aynsima pikamaxwan. In danuh ta pit ku samah payapni nutuh. Ig awna inakni, aynewa gukamkayh makniw.

Matews 8:10

Ig Kiyavwiye Jesus timapni inakni hene, ig wakaymni ka aynsima. Ig awna ta gitkis neras ku pariye kane aynsima gihavu butte. Giwn: — Ner suwtat kane izhaewyenema ig pi kamaxwate ta nuvitit mpiya madikte nukebyuvwi izhaewyenevwi. Nah ka hiyapti pahavwinema izhaewyene gikamaxwan kema nerma. Henewatbaki in.

Matews 9:33

Igme hiyapni hene, ig pekkise ner wavitye givititak. Ku aysaw ig wavitye pes ayteke givititak ner awayg, ig awayg kavusaw awna. Neras hiyeg kabubuknene ayge igkis hiyapni hene, igkis wakaymnibdi ka aynsima. Igkis awna: — Usuh kote hiyapte akebi inin ay Izhaewamnaw.

Lúkas 7:10

Ayteke nikwe igkis diyuhe git. Igkis danuh atere givinekut, igkis ute gibuk makniw kuwis.

Lúkas 7:50

Igme awna ta gut nor tino: — Pis isahptew awaku ku samah pis kamaxwa ta nuvitit. Hiyawa pis tivik akak kabayka.

Lúkas 7:8

Ig hiyakni mmanawa ig hawata ig kakivara. Ig kumaduka nawenyevwi suwtat akiw hawata. Ku ig awna ta git pahavwi: “Su tivik”, igme iha giwn ig tivik. Ku ig awna ta git pahavwiwa akiw: “Ba ayta”, igme iha giwn ig ayta. Ku ig kawatni gibuk, igme hawata ig iha giwn. Henewatbaki ig suwtat gikivarakis awna.