Lúkas 7:6 - Uhokri Gahegbetawni Nukune akak Sawmus

⁶ gme Kiyavwiye Jesus timapni hene, ig tivik gikakkis. Kennesmin gidawnan arimkanit givin, ner suwtat gikivarakis awahkise gikagmadavu atere gimin. Igkisme danuh atere, igkis awna git: — Kiyavwiye, ner suwtat gikivarakis wasavanaw pimin. Giwn ku ig ka muwaka adahan ig mpithebdih pihawkan. Ig awna ku ig patehwevye hiyeg. Ig yuma gikiytanisima pitivut adahan pis parak givinekut.

Uhokri Gannasan

⁶ Igme Kiyapwiye Jesus timapni henne, ig tipik gikakkis. Kennesmin gidawnhan arimkanit gipin, ner suwtat gikiparakis awahkise gikagmadapu atere gimin. Igkisme danuh atere, igkis awna git: ―Kiyapwiye, ner suwtat gikiparakis wasapanaw pimin. Giwn ku ig ka muwaka adahan ig mpithebdih pihawkan. Ig awna ku ig patehwepye hiyeg. Ig yuma gikiythanisima pitiput adahan pis parak gipinekut.

Lúkas 7:6 Iomraidhean Croise

Matews 20:28

Amawka ku yis ikaw hawata ke nahbe. Nah, ku pariye wageswe awayg amadgaya inin, nah ka ayta adahanma hiyeg keh kabayka nudahan heneme nah ayta adahanikwa nah kehne kabayka gidahakis hiyeg. Hawata akiw nah ayta adahan nah umahkiswene gidukwenavrikkis hiyeg kahadbe ignes isahptaw.

Matews 3:11

Ayteke ig Joawh Batista awna gitkis madikte hiyeg. Giwn: — Nah kawihkis un yivitit adahan areketni ku yis wagese yihiyekemni ariw yitaraksan. Heneme pahavwi nehmnikuhpiye nuhavu butte igi kaywaynek akak igyewa Uhokri Gitip adahan ig kawihkis gidahanwa gihiyekemni akak gannu yivitit. Yaytakme ig kawihkisnek tiket yivitit. Igi ka aynsima gikiytani mpiyan. Nah yumahwa nukiytani gitivut adahan nah ayavig hiyuh gikaswatni.

Markus 5:24

Ig Kiyavwiye Jesus timapni hene, ig tivik gihapti. Ka aynsima hiyeg tivik gihapti. Ig waywe dahebdi gikakkis.

Lúkas 5:8

Ig Simawh Pedru hiyapni hene, ig tuguhkiswe mabuw givetunat Kiyavwiye Jesus. Ig awna git: — Ayguhwanaba nuwntak, Kiyavwiye, mmanawa nah patehwevye hiyeg. Nah yuma nukiytanisima pitivut.

Lúkas 7:4

Igkis tivik, igkis danuh atere, igkis amnihswe git Kiyavwiye Jesus akak madikte giwakemnikis. Igkis awna git: — Uya amnih ner suwtat gikivarakis. Ig muwaka adahan pis amnihgi. Ig kibeyne hiyeg.

Lúkas 7:5

Ig batek ukakwiy wixwiy hiyeg judeyenevwi. Ig kuwis kehkis paha payt leglis udahanwiy.

Lúkas 7:7

Ine ig ka kis ayta kinetihwa pikak. Kiyavwiye, ig hiyak ku pis karayt akivara. Ku pis he awnevi aytontak piyawakad, ikeyvi. Gibuk makniwnek.

Lúkas 8:49

Ku samah ig Kiyavwiye Jesus awnempiye inakni iwit hene, pahavwi awayg danuh atere. Ig ayta givinwatak ner leglis akivara. Ig atere ewkne inetit git. Giwn: — Pikamkayh ayipa miyop. Ka muwaka wewkis ukannuhtenwiy waditnevyenen.

Attus 10:38

Yis kuwis time gak Kiyavwiye Jesus Nazaréyene. Yis time gak ku samah Kiyavwiye Uhokri kawihkise Gitip givitit, ig ike gannu givitit. Ayteke nikwe ig Kiyavwiye Jesus tivik muwapuw kehne kabayka. Ig makniwe madikte ku pariye hiyepnevwi mbeyne giwntak wavitye gikivarakis. Ig makniwa madikte mmanawa ig Kiyavwiye Uhokri ay gikak.

Tiyagu 4:10

Tuwatasawnabay gitivut Kiyavwiye Uhokri. Ayge nikwe ig iki yawayginek akak yikiytani.

Tiyagu 4:6

Ig Kiyavwiye Uhokri Gitip detye adahan ikene wawaygiy ka aynsima adahan wixwiy ka iha ku pariye uvitwiy gayapni wotwiy. Inneki keh Uhokri gannasan awna: “Kiyavwiye Uhokri suguh neras ku pariye kane kumadukasewkere git. Heneme ig iki gawaygikis neras ku pariye tuwatasewviye gitivut.