Lúkas 7:44 - Uhokri Gahegbetawni Nukune akak Sawmus

⁴⁴ Ayteke ig iveg gumkat nor tino. Ig awna git Simawh: — Ba pis hiyap nor tino? Ku aysaw nah pareke pivinekut pis ka iki un aynesnima nutuh adahan nah sukuhkugewne. Egme nor tino eg sukuhkugevun akak gukantak, eg manpuse nukugku akak gusemni.

Uhokri Gannasan

⁴⁴ Ayteke ig ipeg gumkat no tino. Ig awna git kiyapwiye Simawh: ―Ba pis hiyá no tino? Ku aysaw nah parak pipinekut pis ka ikí un aynesnima nuthu adahan nah sukuhkugewne. Egme no tino eg sukuhkugan akak gukantak, eg manpuse nukugku akak gusemnu.

Lúkas 7:44 Iomraidhean Croise

Lúkas 7:38

Eg paberetusaw ta gikimpurit. Eg biyuk gukan, eg suke gukantak ayge. Ig Kiyavwiye Jesus gikugku sabapti awaku nor tino gukantak. Ayge eg manpusano gikugku akak gusemni, eg ayhpoka gikugku. Ayteke eg imihepni akak ini imihgi.

Lúkas 7:43

Igme Simawh kaytwa giwn: — Ke nutuhbe ner awayg ku pariye gimatiwnihni pi kiyestenene. Igme Kiyavwiye Jesus awna git: — Henewa. Piwnavriknawa.

Joawh 13:5

Ig dimuke un amadgat pohow beysin. Ayteke nikwe ig sukuhkuge gikannuhnivwi pahavwimpi. Ig manpuse ukugku akak gisevyeta ku pariye waneknene ay gibutikmin.

1 Timótyu 5:10

Amawka ku eg hiyakan ku eg avanenekwa kehno kabayka. Amawka ku eg kuwis aymuh gukamkayuvwi kabayntiwa. Amawka ku eg kuwis amava hiyeg kabayntiwa guvinekut. Amawka ku eg kuwis hiyak gikakkis gukebyuvwi Jesus gihiyegavu akak madikte kiyathaki. Amawka ku eg kuwis amnih ku pariye hiyeg hiyepnevwi mbeyne. Amawka ku eg kuwis ikatuswa adahan eg kehno kabayka gidahankis madikte hiyeg.

Tiyagu 2:6

Yisme mayhke ner madiptivye. Yis kiyatha he igisyenen. Ka ba yis hiyap ku ignesnewa igisavye ku pariye gibetkikis kinisyi, igkisnewa ku pariye tarakiswey givetunat hiyaptigi adahan igkis yikamyehpitni git?