Lúkas 7:39 - Uhokri Gahegbetawni Nukune akak Sawmus

³⁹ Ner farisew ku pariye gawnesetni Kiyavwiye Jesus atere ig hiyapni hene, ig awna abetpi gihiyekemni. Giwn: — Mmahki ig isaksa nor tino powkemnivyo daxtig? Wake igyewa Uhokri gawnevebe, nikwekam ku samah ig hiyavgu, ig hiyakkam ku samah guhiyekemni mbeyevye.

Uhokri Gannasan

³⁹ Ner farisew ku pariye gawnesetni Kiyapwiye Jesus atere ig hiyapni henne, ig awna abetpi gihiyakemni. Giwn: ―Mmahki ig isaksa no tino powkemnipyo daxtig? Waké igyerwa Uhokri gawnepebe, nikwekam ku samah ig hiyapru, ig hiyakkam ku samah guhiyakemni mbeyepye.

Lúkas 7:39 Iomraidhean Croise

Matews 20:16

Ayteke pisenwa gawnan inakni iwit, ig Kiyavwiye Jesus awna: — Inaknibaki arakak adahan ku samah aysawnemenek ka aynsima hiyeg ku pariye ikaka yumanene gikiytanikis ay amadga inin, aysawnemenek yuma hiyeg pi kiyatte mpiyigkis. Hawata akiw ka aynsima hiyeg ku pariye ikaka pi kiyatte mpiy pahavwi, aysawmenemek ignes ka mpiya pahavwinema hiyeg.

Matews 21:11

Neras hiyeg ku pariye kabubuknene ganwa igkis kaytwa giwnkis: — Ner Uhokri gawneve Kiyavwiye Jesus. Ig ariwntak paytwempu Nazaré aynte Galileyamnaw.

Markus 7:21

Mmanawa abetitak uhiyekemni ayteke pes mbeyevye hiyakemniki, mehka imunti, amevwiki, umahaka, powkemniki,

Lúkas 12:17

Ig hiyapni hene, ig ivegminene gihiyekemni ig awna: “Mmahpa nah keh kuri? Nah yuma iwetrit adahan bayehne nahakavu ariw.”

Lúkas 15:2

Neras farizewkis gikakkis neras kannuhekevutnevwi amin amekene Moís gikumadukan igkis hiyapni hene, igkis minimnihekbet gimin Kiyavwiye Jesus. Igkis awna: — Ner hiyeg darihwak gikakkis hiyeg kane kibeynevwima.

Lúkas 16:3

Igme ner awayg timapni hene, ig awna ginaktin: “Mmah nah keh kuri? Nukivara ka muwakavun akiw adahan nah kannivwi gidahan. Kitak nah uti naxninek? Nah yuma nudatni adahan nah kannivwiye awiyka. Nah marenpi makahpaw awptihan.

Lúkas 18:4

Pitatye ig ka amnihgu. Heneme amaksemni ig awna ginaktin: “Henewa nah ka kiyata ariknawnema, ine hiyeg ine Uhokri.

Lúkas 3:8

Kawa. Ini yikewven ka kinisgi. Amawka ku yis inyewa wages yihiyekemni ariw yitaraksan. Kavusanabay wew wadit. Ini yiwewni waditye ininewa areketni ku yis inyewa wages yihiyekemni. Hawata akiw, ka yi muwaka awna: “Wixwiy hiyeg judeyenevwi wixwiy amekene Abraawh gihiwhivwi. Amun ini wixwiy kuwis Kiyavwiye Uhokri gihiyegavu. Ayge nikwe ig Kiyavwiye Uhokri ka aminama ariw utaraksanwiy. Ig hiyavwiy kewa kibeynevwibe giwtrik.” Ka ik adahan yis awna inakni hene. In ka ariknawnema ku wixwiy amekene Abraawh gihiwhivwi. Ka innema keh wixwiy isahptaw. Ik adahan Uhokri keh nor tip humaw amekene Abraawh gihiwhivwi.

Lúkas 7:16

Madikte hiyeg hiyapni hene, igkis avisasew. Igkis kibeyhenes Uhokri. Igkis awna: — Kibeyne. Pahavwi Uhokri gawneve kuwis kahayak ubetwiy. Kuri Uhokri parak abet uhawkanwiy wixwiy gihiyegavu.

Lúkas 7:37

Ayge avit ini paytwempu pahavu tino powkemnivyo. Eg time Kiyavwiye Jesus gak ku ig ayge axne gimun ner farisew. Eg hiyapni hene, eg iwe imihgi ariku paha atiy kehka tip seyno, eg tivik. Eg danuh atere git Kiyavwiye Jesus.

Lúkas 7:38

Eg paberetusaw ta gikimpurit. Eg biyuk gukan, eg suke gukantak ayge. Ig Kiyavwiye Jesus gikugku sabapti awaku nor tino gukantak. Ayge eg manpusano gikugku akak gusemni, eg ayhpoka gikugku. Ayteke eg imihepni akak ini imihgi.

Lúkas 7:40

Igme Kiyavwiye Jesus hiyak abet gihiyekemni, ig kaytwa giwn. Ig awna git: — Simawh, nah muwaka akka pit pahat arikna. Igme kaytwa giwn: — Kiyavwiye, uya akka nutuh.

Joawh 4:19

Egme kaytwa giwn: — Kiyavwiye, kuri nah hiyakpi ku pis Uhokri gawneve.

Joawh 7:12

Ayge ka aynsima hiyeg minimnihekbet pawtak gimin Kiyavwiye Jesus. Gaytakis awna: — Ig kibeyne awayg. Gaytakisme awna: — Kawa. Ig kinisne hiyeg.

Joawh 9:24

Igkis farizewkis hiyapni hene, igkis watihevgi akiw. Ig danuh atere, igkis awna git: — Ka ba muwaka kabayha Jesus. Usuh hiyakni ku ig taraksevye. Kabayha Uhokrinen.