Lúkas 7:34 - Uhokri Gahegbetawni Nukune akak Sawmus

³⁴ Nahme nah ku pariye wageswe awayg amadgaya inin, nah danuh atan nah ka henema. Nah ka maxhaw, nah higap win. Heneme kawnata hiyeg amavan. Igkis awna: “Ka ba yis hiyap ner awayg kayhpiye kahigvekevye? Ig gibetki darihwak gikakkis ladwan hawata gikakkis hiyeg kane kibeynevwima akiw. Ig kawnata kibeynema.”

Uhokri Gannasan

³⁴ Nahme nah ku pariye wageswe awayg amadgaya inin, nah danuh atan nah ka hennema. Nah ka maxhaw, nah higap win. Kawnata hiyeg amapan. Igkis awna: “Ka ba yis hiyá ner awayg kayhpiye kahigpekepye? Ig gibetki darihwak gikakkis ladwan gikakkis hiyeg kane kibeynepwima akiw. Ig kawnata kibeynema.”

Lúkas 7:34 Iomraidhean Croise

Matews 11:19

Nahme nah ku pariye wageswe awayg amadgaya inin, nah danuh atan nah ka henema. Nah ka maxhaw, nah higap win. Heneme kawnata hiyeg amavan. Igkis awna: “Ka ba yis hiyap ner awayg kayhpiye kahigvekevye? Ig gibetki darihwak gikakkis ladwan, gikakkis hiyeg kane kibeynevwima akiw. Ig kawnata kibeynema hiyeg.” Ka sam. Ku pariye hiyeg hiyeknevwi hiyakemniki ignesnewa ka mahikohnek Uhokri gihiyekemni. Igkis amavinnek.

Matews 5:46

Amnihnabay yivetunyavu. Ku yis amnih nerasnen ku pariye yamnihten nawenevwime yis ka amnihgikis mmah yis yivewkan Uhokri iki yit kabayka adahan ini? Kawa. Mmanawa madikte hiyeg kuwis kehnekuye hene. He hiyeg kakehniyevwi keh.

Matews 9:11

Neras farizewkis hiyapni hene, igkis awna gitkis gikannuhnivwi. Giwnkis: — Mmahki ner yikannuhten axne darihwekne gikakkis ladwan, gikakkis hiyeg akiw kane kibeynevwima hiyeg? Wake ig kibeyne hiyegbe, ig ka axkam gikakkis gikebikis neras hiyeg.

Lúkas 11:37

Ig Kiyavwiye Jesus kannuhekne ayge, pahavwi farisew danuh atere git. Ig awna git: — Uya atak ax nukakuh. Igme Kiyavwiye Jesus ihe giwn. Ig tivik gihapti ta givinekut. Ig danuh atere, ig batahkiswe ahumwa axtet.

Lúkas 14:1

Ayteke ariwnteke ini ig Kiyavwiye Jesus tivik axne ta git pahavwi farisew. Igme pahavwi gaytakkis giwewkistenkis. Igme Kiyavwiye Jesus atak atere samdi abet. Ig danuh atere, hiyeg ayge avuriwgi kabayntiwa ba ig piyihak abet samdi.

Lúkas 15:2

Neras farizewkis gikakkis neras kannuhekevutnevwi amin amekene Moís gikumadukan igkis hiyapni hene, igkis minimnihekbet gimin Kiyavwiye Jesus. Igkis awna: — Ner hiyeg darihwak gikakkis hiyeg kane kibeynevwima.

Lúkas 19:7

Neras hiyeg hiyapni hene, igkis minimnihekbet gimin Kiyavwiye Jesus. Igkis awna: — Ig darihwekne gikak pahavwi ku pariye kane kibeynema.

Lúkas 5:29

Ayteke ariwnteke ini ig Levi kehe axka ariku givin adahan ig kiyathene Kiyavwiye Jesus. Ayge ka aynsima ladwan gikakkis nawenyevwi hiyeg akiw ku pariye ikaka kane kibeynevwima hiyeg igkis ahegiw payak gikakkis.

Lúkas 7:33

Mmanawa ig Joawh Batista danuh atan, ig maxhewne ig ka higap win. Ignesme hiyeg ka amavig. Igkis awna: “Ig wavitye givit.”

Lúkas 7:35

Ka sam igkis awna numinuh hene. Ku pariye hiyeg hiyeknevwi hiyakemniki ignesnewa ka mahikoh Uhokri gihiyekemni ignes amavinek.

Lúkas 7:36

Ayteke ariwnteke ini pahavwi farisew danuh atere. Ig awna git Kiyavwiye Jesus: — Uya atak ax nukakuh kuwewanek. Igme Kiyavwiye Jesus ihe giwn. Ig tivik atere givinekut. Ig danuh atere, ig batahkiswe ahumwa axtet.

Joawh 12:2

Ayge hiyeg kehe axka adahan kiyathene Kiyavwiye Jesus. Eg Marta kuwegwano gidahankis madikte hiyeg ayge. Igme kiyavwiye Lazaru ayge gikakkis neras ku pariye ahumwenevwi axtet gikak Kiyavwiye Jesus.

Joawh 2:2

Ig Kiyavwiye Jesus awnesepka atere payak gikakkis gikannuhnivwi. Nikwe igkis tivik, igkis danuh atere, igkis fetya ayge.