Lúkas 7:26 - Uhokri Gahegbetawni Nukune akak Sawmus

²⁶ Ba yivewkan ku yis utivgi Uhokri gawneve ayge? Henewa. Ignewa Uhokri gawneve yis uti. Heneme ig mpiybeta Uhokri gawnevevu pitatyevwi mmanawa ig ekkene ku Uhokri gikumadukan kuwis ahawkanavrik.

Uhokri Gannasan

²⁶ Ba yipewkan ku yis utipri Uhokri gawnepe ayge? Hennewa. Ignewa Uhokri gawnepe yis utí. Henneme ig mpiybeta Uhokri gawnepepu pitatyepwi mmanawa ig ekkene ku Uhokri gikumadukan kuwis ahawkanaprik.

Lúkas 7:26 Iomraidhean Croise

Lúkas 1:76

Pis nukamkayh, pis kanumkanek Kiyavwiye Uhokri inurikyene gawneve mmanawa pis danuh gavitkiya Ukivarawiynek adahan pis ahegbeteviye madikte avit gaytni.

Lúkas 16:16

— Ig amekene Moís gikumadukan in yikannuhten gimin Uhokri. Ignes Uhokri gawnevevu pitatyevwi igkis hawata yikannuhtenwata he danuhe git Joawh Batistamni. Kurime usuhnewa ekkene ini kibeyne inetit ku Uhokri gikumadukan ahawkanavrik kuwis danuh. Kuri hiyeg mpiksewnekuye kawih ini gikumadukan.

Lúkas 20:6

Heneme ku wixwiy kaytwa giwn ku ig uti gikumadukan he giwntakisnen hiyeg amadgayavu inin, nikwe madikte neras hiyeg ay padaktevwiynek. Mmanawa gitkis ig Joawh Batistamni ignewa Uhokri gawneve.

Lúkas 7:25

Mmahpa yivewkan yis utivgi ayge? Mmah yivewkankama ku yis utivgi akak gisimsa kibeyne mitibete? Kawa. Hiyeg ku pariye kasimsavu mitibete ku pariye igisavye ignes ka misakwa amadga amatap. Igkis misakwa ariku ikivarat givin barewyewatnene.

Lúkas 7:27

Mmanawa ig Joawh Batista ignewa ku kamin Uhokri gannasan kinetihwa. Inakni gannasan akka wot ku pariye Uhokri awna ta git gikamkayh. Giwn: “Nah awahkiste pahavwi nuwatni pavitkiya adahan ig ahegbetene madikte pavit.” Henewatbaki inakni iwit awna gimin Joawh Batista.

Joawh 5:35

Ig Joawh Batista ig kewa paha abukribe adahan uguhne yihiyekemni. Yisme ayta ganwat ke yube kabubuk aharitne gibutni. Heneme yis ka iha giwn madiktema.