Lúkas 7:16 - Uhokri Gahegbetawni Nukune akak Sawmus

¹⁶ Madikte hiyeg hiyapni hene, igkis avisasew. Igkis kibeyhenes Uhokri. Igkis awna: — Kibeyne. Pahavwi Uhokri gawneve kuwis kahayak ubetwiy. Kuri Uhokri parak abet uhawkanwiy wixwiy gihiyegavu.

Uhokri Gannasan

¹⁶ Madikte hiyeg hiyapni henne, igkis apisasew. Igkis kibeyhenes Uhokri. Igkis awna: ―Kibeyne. Pahapwi Uhokri gawnepe kuwis kahayak ubetwiy. Kuri Uhokri parak abet uhawkanwiy wixwiy gihiyegapu.

Lúkas 7:16 Iomraidhean Croise

Sawmus 65:9

Ku samah pis keh muwok wayk, pis akka ku pis avuriwnene waxri hawata pis kehnene in humaw igisye kibeyne adahan amutri. Kiyavwiye Uhokri, pis kivunsa warik akak un, ku samah pihiyekemni ayap pit, hene pis keh in waxri ka araymuhtrunisima amutri adahan axka.

Matews 15:31

Neras hiyeg hiyapni hene ku samah monavye awna, kidubetavye wadithaw, miyavuvye wew, motavye hiyap, igkis hiyapni hene, igkis wakaymnibdi. Igkis awna: — Uwohkigawiy wixwiy izhaewyenevwi ig ka gabayisima ka gidatnisima!

Matews 21:11

Neras hiyeg ku pariye kabubuknene ganwa igkis kaytwa giwnkis: — Ner Uhokri gawneve Kiyavwiye Jesus. Ig ariwntak paytwempu Nazaré aynte Galileyamnaw.

Matews 28:8

Egkis hiyapni hene, egkis pese kibehtenwa arikutak gimew. Egkis avise, heneme egkis hawata ka aynsima batek. Egkis sigise ta gimkatkis Kiyavwiye Jesus gikannuhnivwi adahan akkanokis inakni ahj ginetni ta gitkis.

Matews 9:8

Madikte hiyeg kabubuknene ayge igkis hiyapni hene, igkis wakaymnibdi. Igkis awna: — Kibeyne, Kiyavwiye Uhokri, ku samah pis ike pannu hene ta git pahavwi amadgaya inin.

Lúkas 1:65

Madikte misekwenevwi ayge igkis time inakni gak hene, igkis wakaymnibdi gidahan ka aynsima. Inakni inetit gimin ibekhewvi muwapuw avitiw ini waxribdi ayge Judeyamnaw.

Lúkas 1:68

— Kibeyne gidahan Kiyavwiye Uhokri, ku pariye uwohkigawiy wixwiy izhaewyenevwi. Ig kuwis parak abet uhawkanwiy wixwiy gihiyegavu. Kuri ig keh wixwiy isahptaw.

Lúkas 19:44

Avim ini igkis umahavevyi. Igkis mehe yivinek madikte. Igkis ka ikis pohownema tip pavitmintak akak guyaki tip. Yis hiyap madikte ini mbeyne awaku yis mahikohpen avim inin ku aysaw nah danuh atan adahan yamnihten.

Lúkas 2:20

Igkisme muwtohvutnevwi igkis diyuhe akiw. Igkis kibeyhenes Uhokri. Igkis awna: — Uhokri ka gabayisima ukakwiy. Kibeyne adahan madikte ku pariye hiyapkiska wotwiy ku avim inin. In inyewa ku samah ner ahj gakkan wotwiy.

Lúkas 24:19

Igme ayavgikis: — Pariye danuh? Igkisme kaytwa giwn: — Ku pariye danuh git Jesus, ner Nazaréyene. Ig Uhokri gawneve. Ig keh kibeynenen annut. Ig awna kibeynenen iwit. Uhokri ay gikak. Madikte hiyeg kiyatig.

Lúkas 5:26

Madikte hiyeg hiyapni hene, igkis wakaymnibdi. Igkis kabayha Uhokri akak madikte gavisnikis. Igkis awna: — Usuh ka hiyapti akebi inin. Kabahte usuh ka ihpin.

Lúkas 5:8

Ig Simawh Pedru hiyapni hene, ig tuguhkiswe mabuw givetunat Kiyavwiye Jesus. Ig awna git: — Ayguhwanaba nuwntak, Kiyavwiye, mmanawa nah patehwevye hiyeg. Nah yuma nukiytanisima pitivut.

Lúkas 7:15

Aynewa ig awayg kannikew, ig kavusa awna. Ayteke ig Kiyavwiye Jesus ekkevgi ta gut ginag.

Lúkas 7:39

Ner farisew ku pariye gawnesetni Kiyavwiye Jesus atere ig hiyapni hene, ig awna abetpi gihiyekemni. Giwn: — Mmahki ig isaksa nor tino powkemnivyo daxtig? Wake igyewa Uhokri gawnevebe, nikwekam ku samah ig hiyavgu, ig hiyakkam ku samah guhiyekemni mbeyevye.

Lúkas 8:37

Neras jerasayenevwi timapni hene, igkis madikte aya git Kiyavwiye Jesus adahan ig tivik ayteke mmanawa igkis avisasew gibohri ka aynsima. Igme Kiyavwiye Jesus hiyapni hene, ig katapte amadgat gihmun adahan ig diyuhpiye ta pahambakat akiw.

Lúkas 9:19

Igkisme kaytwa giwn: — Gaytakkis ikipi ku pis Joawh Batista kannikew akiw. Gaytakkisme ikipi ku pis amekene Eliyas. Igkisme gaytakkis hiyeg ikipi ku pis pahavwi gaytakkis Uhokri gawnevevu pitatyevwi kannikew akiw.

Joawh 1:21

Igkis timapni hene, igkis awna: — Pariyenekap nikwe? Ba pisnewa amekene Eliyas kannikaw akiw? Igme kaytwa giwnkis: — Kawa. Nah kawnata amekene Eliyasma. Igkisme awna: — Ba pisnewa ner Uhokri gawneve ku kamin minikwak amekene Moís kinetihwa ku ig awahkiska atanek? Igme kaytwa giwnkis: — Kawa. Nah kawnata ignema.

Joawh 1:25

Ayge nikwe igkis ayavgi: — Ku pis ka Cristoma, ku pis ka amekene Eliyasma, ku pis kawnata Uhokri gawnevema, kariwntak pis uti pikumadukan adahan pis kaywa hiyeg? Ba piwnteknewa?

Joawh 4:19

Egme kaytwa giwn: — Kiyavwiye, kuri nah hiyakpi ku pis Uhokri gawneve.

Joawh 6:14

Neras hiyeg hiyapni hene ku Kiyavwiye Jesus kehe ini annut giwtrikkis, igkis awna: — Oo! Ner igyewa Uhokri gawneve ku kamin amekene Moís kinetihwa minikwak, ku ig aytanek amadgat inin.

Joawh 9:17

Igkis kavusa ayapte ner makniwtinene ariw gimotpen. Igkis ayavgi: — Ya pis? Mmahpa ig pit, ner awayg ku pariye piviyhetni? Igme kaytwa giwnkis: — Nutuh ig Uhokri gawneve.

Attus 5:5

Ig Ananiyas timapni hene, ig tuguhe miyapte. Madikte hiyeg ku pariye ayge timepbetnenes igkis hiyapni hene, igkis avisasew ka aynsima.

Attus 7:37

Hawata akiw ig ner amekene Moís ku pariye tukuhpika gavitkis hiyeg, ignewa kinetihwa gimin Cristo gitkis amekenegben. Ig awna gitkis: — Aysawnemenek Kiyavwiye Uhokri awahkisnek pahavwi gawneve kewa nahbe, adahan ig ekkene Kiyavwiye Uhokri giwn yit. Ig waytakwiy ukebyiy.

Gálatas 1:24

Igkis timapni hene, igkis kabayha Kiyavwiye Uhokri nudahan.