Lúkas 7:13 - Uhokri Gahegbetawni Nukune akak Sawmus

¹³ Ig Kiyavwiye Jesus hiyapni hene, ig ka aynsima kayah gudahan. Ig awna gut: — Ka muwaka tih.

Uhokri Gannasan

¹³ Ig Kiyapwiye Jesus hiyapni henne, ig kaayhsima ig kayah gudahan. Ig awna gut: ―Ka muwaka tih.

Lúkas 7:13 Iomraidhean Croise

Sawmus 103:13

Ku samah pahavwi igti ka gabaysima gikak gikamkayh, hene hawata ig Kiyavwiye Uhokri ka gabaysima gikakkis ku pariye kiyathig.

Sawmus 86:15

Heneme pis, Kiyavwiye, pis amnihka ahawkri. Pis ka aynsima pamnihra hawata ka piyaknisima. Pis hawata kibeyne, pis ka kinisakatruvyema.

Sawmus 86:5

Kiyavwiye, pisnewa kibeyne. Pis hawata bayahminakevutne. Pis kadahan ka aynsima pamnihra gikakkis ku pariye piriyepkewnevwi ta pit.

Markus 8:2

— Neras hiyeg kuwis misekwe ay ukakwiy mpana hawkri. Gimanakis madike kuwis. Nah wakaymni gidahankis.

Lúkas 10:1

Ayteke ariwnteke ini ig Kiyavwiye Jesus kaniy nawenyevwi hiyeg akiw adahan igkis humaw giwatnivwi. Igkis ntewnehker madikwa gikebikis gikakkis piyana gawnakis (72). Ig gibekheptenkis piyenmempi adahan igkis atak avitit mpuse paytwempu pitati gavit.

Lúkas 11:1

Avim ini hawkri ig Kiyavwiye Jesus piriyepkewne amun paha iwetrit. Pisenwa giviryepkawni, pahavwi gaytakkis gikannuhnivwi aya git: — Kiyavwiye, uya kannuh usuh piriyepkaw ku samah Joawh Batistamni, ig kannuh gikannuhnivwi piriyepkaw.

Lúkas 11:39

Ig Kiyavwiye Jesus hiyap ku samah ig wakaymni hene, ig awna git: — Yis farisewviyene yis barewarikave yigobla akak yimewkan. Ku pariye awkinenwa yivitiw ini yis barewha. Abetme yihiyekemni yis patahwavye. Yihiyekemni kivun akak amevwiki hawata akak mbeyevye hiyakemniki.

Lúkas 12:42

Igme Kiyavwiye Jesus kaytwa giwn: — Nah awna gidahankis madikte hiyeg ku pariye ikewnevwi ke kibeynevwibe ibukti. Ku pahavwi ibukti hiyakemniye, ku ig kis adahan gikivara iveg givitit, nikwe ku gikivara tivikwiye, avit gitepkemni igme avuriwkis gibukvig nawenyevwi ta git. Pisenwa nikwe ig tivik. Igme gibuk misekwe. Ig ikene gimanakis mpuse hawkri.

Lúkas 13:15

Igme Kiyavwiye Jesus kaytwa giwn: — Yis ikawnamah ke wotbe yis kibeynevwibe hiyeg bawa yihiyekemni pi mbayte giwkis nawenyevwi hiyeg. Abetwa samdi yis wateknekuye yivig pak, yivig kaway ariwntak gaxkegkis adahan yis giwaxwitnikis arit un adahan igkis higepnes un ayge.

Lúkas 17:5

Ayteke ariwnteke ini igkis giwatnivwi kinetihwenes gikak Kiyavwiye Jesus, igkis awna git: — Kiyavwiye, uya kiyesih ukamaxwan givitit Uhokri.

Lúkas 17:6

Igme awna gitkis: — Wake yis kamaxwa givitit aynesnibe akiw, madikte yayapni humaw yitkam. Hiyawa yikamaxwan nopsesa, ayesi kewa paha amutri ayakbe, ke “mostad” ayakbe, hiyawa in aynesawa, heneme yayapni humaw yitkamnek. Yis ikkam adahan yis awna gut nor ah akat nopsadnano, “Ah, pis higihwa ayteke payak akak pihampabet. Su mutuhwa tahan parahwokwat.” Ku aysaw yis awna inaknikam, eg higihwakam ayteke.

Lúkas 18:6

Ayteke ig Kiyavwiye Jesus awna gitkis gikannuhnivwi: — Timapnay ku samah ner hiyaptigi ku pariye kane kibeynema ig ihe guwn nor ku pariye amnihswano git takunipti.

Lúkas 19:8

Ayteke Zakew kannikew ayge giwtrikkis hiyeg, ig awna git Kiyavwiye Jesus: — Kiyavwiye, nah kakanhawte ta gitkis madiptavye abusku newkanbet. Hawata akiw ku nah katiwnihkise git pahavwi mpiynevevye, nah diyuhkiste gikakura awenyan mpiy akiw paxkavut avitmin akiw.

Lúkas 22:61

Avimnewa ini ig Kiyavwiye Jesus iveganaw ta gimkanit Pedru. Igme Pedru hiyapni hene, ig kiye inakni ku pariye Kiyavwiye Jesus giwn kuhwekwa ta git amin: “Avit takarak awna pahaywowa gawnanek, pisme ayipa wihwe nuwhunek mpamavut.”

Lúkas 24:3

Egkis hiyapni hene, egkis pareke aterenewa arikut gimew. Heneme egkis ka uti Kiyavwiye Jesus givit ayge.

Lúkas 24:34

Ku samah igkis danuhantenwa atere, igneskit awna gitkis: — Kiyavwiye Jesus kuwis hiyapkiswe git Simawh Pedru! Inyewatbaki ig kuwis kannikew!

Lúkas 7:12

Igkis danuh atere kennesa anumekut ini paytwempu alapota, ig sarayh givegi, ig hiyap pahabu hiyeg. Igkis avuhekwiyevwi. Igkis avuhpiye pahavwi awayg miyaviye. Ig pahavu madankuno gukamkayh, ig pahavwiwatnen. Ka aynsima hiyeg paytwempuyenevwi ayge gukak. Eg tihano ka aynsima.

Lúkas 7:14

Ayteke ig danukwa kennesa arimkat ner awayg gitiy, ig dax ini gitiy. Igkisme ku pariye gihiyetnivwi igkis misekwe. Ayteke ig Kiyavwiye Jesus awna: — Awayg, nah awna pit. Kannikaw.

Lúkas 7:19

Igkisme danuh atere, igme awna gitkis: — Su yi iwasa Kiyavwiye Jesus baki ignewatma ner ku pariye nehmnikuhpiye nuhavuh butte. Ba kawk, ba wixwiy wahap pahavwi nawenyewa ku pariye nehmnikuhpiye nuhavuh butte akiw?

Lúkas 8:52

Madikte hiyeg ayge tihenekuye, igkis kadniyes guharit ka aynsima. Ig Kiyavwiye Jesus hiyapni hene, ig awna gitkis: — Ka yi muwaka tih. Nor bakimni ka miyó. Himak eg.

Joawh 11:2

Egu kiyavuno Mahi ku pariye imihatinano Kiyavwiye Jesus akak imihgi eg manpusa gikugku akak gusemnu. Ignewa gegni Lazaru ku pariye kakahrip.

Joawh 11:3

Egkis gisamuvwi hiyapni hene, egkis wasavanew gimin Kiyavwiye Jesus. Egkis awna: — Kiyavwiye, ner pikagmada kakahrip.

Joawh 20:13

Igkis awna gut: — Kiyavuno, mmahki pis tihavu ayge? Egme kaytwa giwnkis: — Awaku igkis iwe nukivara. Nah ka hiyak ku kit igkis sarayhpig.

Joawh 20:15

Ayge ig awna gut: — Kiyavuno, mmahki pis tihavu ayge? Pariye pivegvan? Egme guvewkankam ku ig amutri akavriwtenkam. Eg awna git: — Kiyavwiye, ku pis iwevgi, uya akki nutuh ku kit pis sarayhpig kahadbe nah atere iwevgi.

Joawh 4:1

Avim ini neras farizewkis kinetni Kiyavwiye Jesus gak ku ig kaywa hiyeg kibite giw Joawh Batista. Igkis kinetni arak ku kibite hiyeg wageswevye gikannuhnivwi Kiyavwiye Jesus.

Joawh 6:23

Ayteke nawenyevwi hiyeg danuh atere pahabakat amadga gihmunkis. Igkis ariwntak paytwempu Tiberiyades. Igkis danuh atere ku kiney amaka Kiyavwiye Jesus keh annut ig kabayha Kiyavwiye Uhokri adahan gimanakis, madikte hiyeg axnekuye niwntak.

1 Koríntyus 7:30

Pahavwime ku pariye kadniye amawka ku ig ka ikatuswa arit gikadniyi mpiynevevyema. Pahavwime ku pariye batekye amawka ku ig ka ikatuswa arit batekka mpiynevevyema. Pahavwime ku pariye isimwiyi gewkanbet amawka ku ig ka ikatuswa arit gewkanbet mpiynevevyema.

1 Tesalonisenses 4:13

Kuri nukebyuvwi, usuh ikene yinetni kahadbe yis hiyak ku pariye danuhnek gitkis neras Jesus gihiyegavu ku pariye kuwisnene miyarap. Usuh ikene yinetni kahadbe yis ka barukiswepma. Hiyeg kane Uhokriyanvuma ignes barukiswa ka aynsima mmanawa gitkis yuma kabayka akiw gidahankis gikebyuvwi miyaravye. Wixwiyme ka henema.

Ebréws 2:17

Adahanikwa ini ig wageswa ihtikekne hawata ke wixwiy gikebyuvwibe. Pugamawka ig keh hene kahadbe ig humaw kibeyne awnamnihkevutne udahanwiy git Kiyavwiye Uhokri. Ku samah ig wageswa ihtikekne nikwe ig ka aynsima kayahte udahanwiy. Awaku ini ig humaw kibeyne awnamnihkevutne wowtrikwiy wixwiy hiyeg. Ig hawata humaw kibeyne awnamnihkevutne giwtrik Kiyavwiye Uhokri awaku ig keh Kiyavwiye Uhokri gibetki. Ig wadithebdih uhawkanwiy gikak Kiyavwiye Uhokri akak ku samah ig katiwnihe utaraksanwiy gikak.

Ebréws 4:15

Ig wawnamnihtenwiy ig pukuha ukayhawni kabayntiwa mmanawa ig kuwis mpiye abetiw ini. Ig kuwis hiyap mbeyne. Ig kuwis hikekka adahan ba ig taraksa hawata ke wixwiybe. Igme yuma gitaraksan.