Lúkas 6:44 - Uhokri Gahegbetawni Nukune akak Sawmus

⁴⁴ Ku wis hiyap pahakti amutri eg ka sarayh guw kabaynovwima, nikwe in huwewe wot ku eg amutri ka kabaynoma. Ke puduku akatbe ke iveybe egkis ka sarayh guwkis kabaynovwima kema figuma kema uvama.

Uhokri Gannasan

⁴⁴ Ku wis hiyá pahakti amutri eg ka sarayh guw kabaynopwima, nikwe in huwewe wot ku eg amutri kane kabaynoma. Ke puduku akatbe ke ipeybe egkis ka sarayh guwkis kabaynopwima kema “figuma” kema “uvama”.

Lúkas 6:44 Iomraidhean Croise

Matews 12:33

— Ku yis hiyap nah keh kabayka, nikwe yis hiyak ku nah kibeyne hiyeg. In ke ahbe akat. Ku pariye ah akat kabaynowa, eg sarayh guw kabaynovwi guw. Egme ah akat ku pariye kane kabaynoma, guw kawnata kabaynovwima. Ku wis hiyap pahakti amutri sarayh guw kabaynovwi, nikwe wis hiyak ku egu amutri kabaynowa.

Matews 7:16

Nah akkite yit ku samah yis hiyakgikis baki igkis giwntakwatma Uhokri. Ku yis hiyap ku igkis ka kehnema Uhokri gibetki, nikwe yis hiyakgikis ku igkis ka giwntakma Uhokri. Ku wis hiyap pahakti amutri eg ka sarayh guw kabaynovwima, nikwe wis hiyak ku egu amutri ka kabaynoma. Ke puduku akatbe ke iveybe egkis ka sarayh guwkis kabaynovwima kema “uva”ma kema “figu”ma.

Matews 7:20

Hene, hawata yis hiyaknek ku pariye hiyeg kane kibeynevwima ku aysaw yis hiyap ini mbayka ku pariye pes giwntakkis.

Tiyagu 3:12

Hawata akiw madikte ah kewyekuye. Madikte ip kewyekuye. Egkis ka kew ku pariye kane guwkisma. Hawata akiw pahatra parewni ka sarayh un kisevye payegbitaknema akak kiteye.

Judas 1:12

Ku aysaw yis Jesus gihiyegavu pahadguvu adahan amnihekne pawtak, igkis danuh atere hawata ke wotbe igkis Jesus gihiyegavube. Heneme igkis he mbeyhenenen yihiyekemni. Igkis ka hiyak ku pariye maraki. Igkis ax ka kiyatha pahavwi. Igkis kiye he givitkisnen. Igkis kewa tipbe dig ahakwa un wis ka hiyak ku aysaw wis sigihwe guvitit. Mmanawa wixwiy ka hiyak ku aysaw wixwiy ikaw hawata ke igkisbe. Gihiyekemnikis waditnevyenen yuma kabayka nibet. Ini gihiyekemnikis kewa ukuhnebe ku pariye yumanene mwok nibet. In atekekbetwiye ke ukuhnebe warebdi abet mayg. Igkis hiyeg waditnevyenen ke amutribe ku pariye kane kew. Kawa, igkis mbayte akiw. Igkis yumahwatbaki gidahankis dehetniki. Igkis kewa pahakti ah akatbe ku pariye warekwika pahatte payak akak guhanpabet.