Lúkas 6:22 - Uhokri Gahegbetawni Nukune akak Sawmus

²² — Ka aynsima kabayka ay yidahanek ku aysaw hiyeg yamiyhetni avatra ku samah yis nuhiyegavu nah ku pariye wageswe awayg amadgaya inin. Ku aysaw igkis tukuhwe yiw, ku aysaw igkis arewhatay, ku aysaw igkis mbayha yiw nuvatra, ka sam. Yis uti ka aynsima kabayka nikwe.

Uhokri Gannasan

²² ―Kaayhsima kabayka ay yidahannek ku aysaw hiyeg yamiyhetni apatra ku samah yis nuhiyegapu nah ku pariye wageswe awayg amadgaya inin. Ku aysaw igkis tukuhwe yiw, ku aysaw igkis arewatay, ku aysaw igkis mbayha yiw nupatra, ka sam. Yis utí kaayhsima kabayka nikwe.

Lúkas 6:22 Iomraidhean Croise

Matews 10:18

Avim ini yis kamiyepkanek ta gitkis hiyaptigi ta gitkis yikivaravu. Yis waxwepka ta givetunatkis avatra ku samah yis nuhiyegavu. Ka sam. Ini humaw yihawkanavriknek adahan yis awnene nudahan ay givetunkis. Ayge yis awnene nudahan givetunkis hiyeg judeyenevwi hawata givetunkis hiyeg kane judeyenevwima.

Matews 10:22

Ayge madikte hiyeg amiyhevyinek awaku ku samah yis nuhiyegavu. Ka sam. Ku yis ka isahkiswa nuwhunek danuhte amaksemni hawkri, yis isahptawnek.

Matews 10:39

Ku pahavwi ka miniwkere ariw gihiyekemni amadgaya inin, igi biyuk akak gaymahwannek giwntak Kiyavwiye Uhokri. Henneme ku pahavwi miniw ariw gihiyekemni amadgaya inin nudahan, igi darih gaymahwan giwntak Kiyavwiye Uhokri adahan avanenekwa.

Lúkas 20:15

Ayteke nikwe igkis tukuhpig ayteke amadgatak giwasra igkis umehpig. Pisenwa gawnan inakni iwit patuwesbuhka, ig Kiyavwiye Jesus awna gitkis: — Uyay akka nutuh. Pariye yivewkan ig was akivara keh gikakkis neras akavriwten giwasra nikwe?

Lúkas 21:17

Ayge madikte hiyeg amiyhevyinek awaku ku samah yis nuhiyegavu.

Lúkas 6:21

— Ka aynsima kabayka ay yidahanek yis ku pariye kayah ku pariye yimawkanitnene giwntak Uhokri kuri akak inin ku samah yis aynete amadga inin. Ayge nikwe ig iki yitnek madikte ku pariye yis aharit. — Ka aynsima kabayka ay yidahanek yis ku pariye sukanevwi yikantak gidahan Uhokri kuri akak inin ku samah yis aynete amadga inin. Ayge nikwe yis batekyenek.

Joawh 12:42

Gaytakisme hiyeg ihe Kiyavwiye Jesus giwn he igkiswa gaytakis uwewkisten. Heneme igkis ka ekkewkere ku igkis kamaxwa givitit awaku igkis avisemun gibohrikis neras farizewkis. Igkis avise ku nawenetke igkis ka isaksaka parak arikut leglis akiw.

Joawh 16:2

Aysawnemenek hiyeg ivukevyi abetitak givahdukawnikisnek. Avim ini igkis umehpey. Gitkis igkis kehne Kiyavwiye Uhokri gibetki.

Joawh 17:14

Nah kuwis ekke piwn gitkis kahadbe igkis kannuh wew akak pihiyekemni. Ayge nikwe neras kane Uhokriyanvuma amedgenevwi inin igkis ka batek gikakkis. Mmanawa gihiyekemnikis ka patiptak gikakkis hawata ku samah uhiyekemni ka patiptak gikakkis.

Joawh 7:7

Hiyeg amedgenevwi inin ka amiyhay. Nahme ignes amiyhanan. Igkis amiyhanan awaku ku samah nah ekkene gitkis gikehnikis mbeyevye.

Joawh 9:34

Igkisme awna git: — Pis taraksevye ku samah pis amadgat wayk. Pariyenekap pis? Ka pisnema hiya ukannuhka. Su tivik aytaki. Ka ba diyuh atan Uhokri givinekut akiw. Ayge nikwe igkis ivukevgi.

Attus 22:22

Igkis hiyeg timapni inakni iwit hene, igkis ka timepkere giwn akiw. Igkis kavusa kabiman akak madikte gihawnakis. Igkis awna: — Pugamawka ig umehpika. Ka kis adahan ig misakwa ay amadga wayk akiw.

Attus 24:5

Ner awayg Pol ig sigimwikevutne ig. Ig dakuhwesene hiyeg judeyenevwi muwapuw amadga wayk. Ig gihwitentenkis neras hiyeg taraksavye kewye nazareyenevwi.

Attus 9:16

Ku avim inin nahwa akki gitnek ku samah ig hiyap mbeyne ka aynsima nudahanek.

Tiyagu 1:12

Ku pahavwi ka isaksaw arit mbayka avim ini ku aysaw ig abetnewa mbeyne, igi uti kabaykanek. Mmanawa ku aysaw ig hiyapka ku ig ka taraksa, nikwe ikaka git ini gitiwni dehetniki ku pariye Kiyavwiye Uhokri ikakse gitkis gihiyegavu ku pariye igkisyewa batekyevwi gikak.

1 Pedru 3:14

Ku hiyeg hiyapkis mbayka wotwiy awaku ku samah ig ka batek akak ukehniwiy kabayka, ka sam. In wageswa ka aynsima kabayka udahanwiynek. Ka yi muwaka avis gibohrikis. Ine kawnata yi muwaka kiyimwihwa gikakkis.