Lúkas 6:21 - Uhokri Gahegbetawni Nukune akak Sawmus

²¹ — Ka aynsima kabayka ay yidahanek yis ku pariye kayah ku pariye yimawkanitnene giwntak Uhokri kuri akak inin ku samah yis aynete amadga inin. Ayge nikwe ig iki yitnek madikte ku pariye yis aharit. — Ka aynsima kabayka ay yidahanek yis ku pariye sukanevwi yikantak gidahan Uhokri kuri akak inin ku samah yis aynete amadga inin. Ayge nikwe yis batekyenek.

Uhokri Gannasan

²¹ ―Kaayhsima kabayka ay yidahannek yis ku pariye kayah ku pariye yimawkanitnene giwntak Uhokri kuri akak inin ku samah yis aynete amadga inin. Ayge nikwe ig ikí yitnek madikte ku pariye yis aharit. ―Kaayhsima kabayka ay yidahannek yis ku pariye sukanepwi yikantak gidahan Uhokri kuri akak inin ku samah yis aynete amadga inin. Ayge nikwe yis batekyenek.

Lúkas 6:21 Iomraidhean Croise

Sawmus 107:9

Mmanawa ig gibetki iki un gitkis arabyuvyevwi hawata ig iki kibeyne axka gitkis ku pariye mativwevyevwi. Henewatbaki ig!

Sawmus 119:136

Nah suka nukantak ka aynsima awaku nawenyevwi hiyeg ka ihpekere pikumadukan.

Sawmus 143:6

Pimkanit nah tarak nuwakuh akak piriyepkawka; kewa waxribe arabyuvye un, nah arabyu piharit avititak nuyakni.

Sawmus 17:15

Nahme hiyapinek, mmanawa pis hiyavun nah kibeyne piwtrik; hawata, ku aysaw nah wadisnek amun nawenyewa nuvituh, nah bateknek ka aynsima awaku ku samah nah kuwis ay pivetun, pisme ay nukakuh.

Sawmus 28:7

Ig Kiyavwiye Uhokri ignewa nudatni, ignewa numaptenten ariw mbeyne; nah kamaxwa givitit avititak nuyakni. Ig Kiyavwiye Uhokri ignewa ayavan; inneki keh nah ka nubetkisima hawata nah paksig akak avat adahan kabeyhene giw!

Sawmus 65:4

Ka aynsima kabayka gidahankis neras ku pariye pikanyanvu, gidahankis neras ku pariye pis waxwa atan adahan igkis misakwa pimun ay pivinwa. Usuh bateke uminuh akak ini kibeyne ariknebdi ku pariye arikuya pivin, akak ini kabayka ariwntak pivin barewvitye.

Matews 5:4

Ka aynsima kabaykanek gidahankis hiyeg ku pariye kadniyevwi adahan givathawnikis. Mmanawa ayge nikwe Uhokri aydhaptihgikisnek.

Matews 5:6

Ka aynsima kabaykanek gidahankis hiyeg ku pariye mpiksewnevwi adahan igkis wew wadit. Mmanawa ayge nikwe Uhokri iki gitkisnek ini ku kaharit igkis mpiksaw.

Lúkas 1:53

Ig iki ka aynsima kabayka gitkis hiyeg ku pariye kayehnevwi ku pariye gimawkanitnenes giwntak Kiyavwiye Uhokri. Heneme ig ka iki ariknawnema gitkis hiyeg ku pariye ikewnevwi ku yuma arikna muwekne gitkis.

Lúkas 6:20

Ayteke ig Kiyavwiye Jesus sarayh givegi ta gimkatkis gikannuhnivwi. Ig awna gitkis: — Ka aynsima kabayka ay yidahanek yis ku pariye ikewnevwi yumanene yawaygi yiwnteknewatma. Ayge nikwe yis kawih Uhokri gikumadukanek.

Lúkas 6:22

— Ka aynsima kabayka ay yidahanek ku aysaw hiyeg yamiyhetni avatra ku samah yis nuhiyegavu nah ku pariye wageswe awayg amadgaya inin. Ku aysaw igkis tukuhwe yiw, ku aysaw igkis arewhatay, ku aysaw igkis mbayha yiw nuvatra, ka sam. Yis uti ka aynsima kabayka nikwe.

Lúkas 6:25

— Akayih. Ka aynsima mbayka ay yidahanek yis ku pariye ka kayah yimawkanitnene giwntak Uhokri kuri akak inin ku samah yis aynete amadga inin. Aysawnemenek yis kayahninek. — Akayih. Ka aynsima mbayka ay yidahanek yis ku pariye batekyevwi kuri akak inin ku samah yis aynete amadga inin. Aysawnemenek yis ka batek akiw. Yis suka yikantaknek.

Joawh 11:35

Ig Kiyavwiye Jesus hiyapni hene, ig suke gikantak.

Joawh 4:10

Igme kaytwa guwn: — Wake pis hiyakbe ku pariye Kiyavwiye Uhokri ik adahan iki pit, wake pis hiyakbe ku pariyene nah, nikwekam pis makahpawkam un nutuh. Nahme ikkam pit un ku pariye keh pis aymuhwa adahan avanenekwa.

Joawh 6:35

Igme Kiyavwiye Jesus kaytwa giwnkis: — Nahnewa yimana ku pariye keh yis aymuhwa adahan avanenekwa. Ku pahavwi amavan, igi bateknek ke pahavwibe ku pariye ax kabiha. Ig ka mativwati abet gihiyekemni akiw. Ku pahavwi kamaxwa nuvitit, ig ka arabyuti abet gihiyekemni akiw.

1 Koríntyus 4:11

Kuviknene usuh hiyepnene mbeyne. Usuh yuma umana. Usuh yuma uhigvan. Usuh yuma ukawihni. Usuh biwhka. Usuh wewnamah yuma uvinuh.

2 Koríntyus 11:27

Nah kannivanene nah mpiksewnene he nah ka kahawkan adahan nah himak. Nah kamax ka aynsima mativwa, nah kamax ka aynsima arabyuki. Nah mpiyasa ka aynsima hawkri yuma numana. Nah minetvi ka aynsima, heneme nah yuma nudagmanvit.

2 Koríntyus 12:10

Nah batek nunaktin ku samah nah yuma nannuhsima. Hiyawa nah mahivwihpika, hiyawa muweke arikna nutuh, hiyawa nah hiyapkiska mbeyne nutuh, hiyawa nah matekbetepka nuhawkan, hiyawa madikte ini danuh nutuh awaku nah ay giwaku Cristo, heneme in ka sam nutuh. Nah nudukwenewa batek nunaktin. Mmanawa ku aysaw nah yuma nannuhsima nuwnteknema, ayge amun ini nikwe nah ka aynsima nannuh, mmanawa ig Uhokri ay nukakuh.

2 Koríntyus 6:10

Inpawa usuh abet kadniki, heneme usuh avanenekwa bateknenekwa unaktin. Usuh madiptavye, heneme usuh igisenene hiyeg ka aynsima akak Uhokri Gitip gihiyekemni. Usuh yuma ariknawnema ay umunuh, heneme usuh kadahan madikte kabayka inyewatnene ay umunuh.

Tiyagu 1:12

Ku pahavwi ka isaksaw arit mbayka avim ini ku aysaw ig abetnewa mbeyne, igi uti kabaykanek. Mmanawa ku aysaw ig hiyapka ku ig ka taraksa, nikwe ikaka git ini gitiwni dehetniki ku pariye Kiyavwiye Uhokri ikakse gitkis gihiyegavu ku pariye igkisyewa batekyevwi gikak.

Apokalípsi 21:3

Ayteke nah timap pahat ikuvimnat ka ahawnasima pes ayteke ahumwatak Uhokri gevwi. In awna: — Kuri han pitatit Uhokri kavinwene ay gibetkis hiyeg amadgayavu inin. Ig misekwene gikakkis. Igkisme gihiyegavu. Igme giwohkigakis. Kibeyne, Uhokriwa ay gimunkis kuri.

Apokalípsi 7:16

Igkisme ka mativwanek akiw. Igkis kawnata arabiyunek akiw. Kamuw ka bukahgikis akiw. Yuma awahka hiya gibukakkis akiw.