Lúkas 6:13 - Uhokri Gahegbetawni Nukune akak Sawmus

¹³ Hewke akiw ig pahadguhe gikannuhnivwi. Igkisme danuh atere git. Ayge nikwe ig kaniybete gaytakkis madikawku gikebikis gikakkis piyananene gawnakis (12). Ig awna gitkis: — Kuri, yisnewa nuwatnivwi.

Uhokri Gannasan

¹³ Hewke akiw ig pahadguhe gikannuhnipwi. Igkisme danuh atere git. Ayge nikwe ig kaniybete gaytakkis madikawku gikebyikis gikakkis piyana gawnakis (12). Ig awna gitkis: ―Kuri yisnewa nuwatnipwi.

Lúkas 6:13 Iomraidhean Croise

Matews 10:2

Nah akkite wowhu yit: Pitatye kiyavwiye Simawh ku pariye kewye Pedru gikak gisamwi kiyavwiye Andre. Ayteke Tiyagumni gikak gisamwi kiyavwiye Joawh ku pariye Zebedew gikamkayuvwi.

Matews 19:28

Igme Kiyavwiye Jesus awna gitkis: — Aysawnemenek abet nukune hawkri nah, ku pariye wageswe awayg amadgaya inin, nah bat akak madikte nukiytani amadga nevwi kiyatyo ku kiney adahan nah hiyekne gikakkis hiyeg. Avim ini yis ku pariye wewnevwi nukakuh yis hawata batnek amadga yevwi kiyatyo madikawkunono gukebikis akak pisoya gawnakis (12) adahan yis hiyekne gikakkis neras hiyegiviyenevwi izhaewyenevwi madikawkunene gikebikis gikakkis piyana gawnakis (12). Ihanabay inakni nuwnuh. Henewatbaki in.

Matews 9:36

Avim ini ig sarayh givegi ta gimkatkis hiyeg kabubuknekis ayge. Ig kayah avit giyakni. Ig kayah gidahankis ku samah igkis kimare ginaktinkis, igkis yuma gawaygikis. Igkis ayge kewa muwtohbe ku pariye yumanene gikivarakis gikavriwtenkis.

Markus 6:30

Ig Kiyavwiye Jesus giwatnivwi igkis pisenwa gannivwikis, igkis diyuhe ta gimkanit. Igkis akki git madikte ku pariye gikehnitnenkis madikte ku pariye gakkankis gitkis hiyeg.

Markus 6:7

Ayteke pisenwa ig Kiyavwiye Jesus pahadguhe giwatnivwi madikawkunene gikebikis gikakkis piyananene gawnakis (l2) ta gimkanit. Ayge ig gawahkiswitnikis muwapuw. Nikwe ig gibekheptenkis piyenmempi adahan igkis atak avitit mpuse paytwempu. Ayteke ig ike kumadukaki gitkis adahan igkisme pekkiswiye wavitye givititakis hiyeg.

Lúkas 11:49

Inneki keh ig Uhokri awna: “Nah awahkis nawenyevwi nawnevevu akiw nah awahkis nawenyevwi nuwatnivwi akiw atere giminkis nuhiyegavu. Gaytakkis umahavepkanek. Gaytakkisme hiyapkiska mbeyne gitkisnek.” Ig awna inakni akak madikte gihiyekemni.

Lúkas 22:30

Avim ini yis axnek payak nukakuh yis higapnek payak nukakuh aynte ku kiney nukumadukan. Hawata yis batnek amadga yevwi kiyatyo adahan yis hiyekne gikakkis madikte izhaewyenevwi.

Lúkas 6:14

Ig kaniy: Simawh ku pariye ig kuwis sarayh giw Pedru, Simawh gisamwi Andre, amekene Tiyagumni, Joawh, Filip, Bartolomew,

Joawh 4:33

Igkis timapni hene, igkisweke kinetihwa pawtak: — Mmah nawenyewatma hiyeg kuwis ewke gimana git?

Attus 1:13

Igkis danuh atere, igkis wagehe arikut paha payt avahnap inuteknene. Ini giwskekikis Pedru gikakkis Joawh, Tiyagumni, Andre, Filip, Tome, Bartolomew, Matews, Tiyagu ku pariye amekene Alfew gikamkayh, Simawh Zeloti, Judas ku pariye Tiyagu gisamwi.

Efésyus 2:20

Madikte Kiyavwiye Uhokri gihiyegavu igkis kewa paha paytbe gidahan Kiyavwiye Uhokri. Neras Uhokri gawnevevu pitatyevwi gikakkis Uhokri giwatnivwi igkis humaw kewa ini payt awakube. Igme Jesus Cristo ig humaw ke payt akoksabe ku pariye pi awaygte ariw madikte. Wixwiyme humaw ke abukabetbe ke avinvitbe ku pariye wagahkisbetaki givititkis.

Efésyus 4:11

Aytohtak inuriktak ig kakanhaw gitkis hiyeg. Ig iki givititkis waytakwiy gannu adahan ignes humaw Uhokri giwatnivwi. Givititkisme waytakwiy ig iki gannu adahan ignes humaw Uhokri gawnevevu. Givititkisme waytakwiy akiw ig iki gannu adahan ignes wagesnes hiyeg gidahan Kiyavwiye Uhokri. Givititkisme waytakwiy akiw ig iki gannu adahan ignes giwewkistenkis gihiyegavu. Givititkisme waytakwiy akiw ig iki gannu adahan ignes gikannuhtenkis gihiyegavu.

Ebréws 3:1

Nikwe nukebyuvwi kibeynevwi, yis ku pariye Kiyavwiye Uhokri kaniy adahan yis humaw inurikyenevwi, uyay iki utewiy gitnen Kiyavwiye Jesus. Ig Uhokri giwatni adahan ig kinetihwene wotwiy gidahan. Ig hawata wawnamnihtenwiy adahan ig kinetihwene git Kiyavwiye Uhokri udahanwiy. Ignewa ku kavit wixwiy kamaxwa. Ignewa ku pariye wixwiy ikaw gihiyegavu.

2 Pedru 3:2

Nah muwaka yis kiye Kiyavwiye Uhokri gawnavevu pitatyevwi giwnkis. Hawata nah muwaka yis kiye giwnkis neras Uhokri giwatnivwi yimin ku pariye kuwis ekke yit Ukivarawiy Wamnihtenwiy gikumadukan.

Apokalípsi 12:1

Ayteke pahat annut hiyapkiska nutuh aynte inurik. Ayge nah hiyap pahavu tino, eg kasimsavu akak kamuw. Hawata nah hiyap kayg anavi gukugku. Guyuw ay gutewha in kadahan madikawku warukma akak pisaya arawna (12) akebi.

Apokalípsi 18:20

Yisme yis inurikyenevwi, yis ka muwaka kadni. Hiyawa yis batek awaku ku samah ini paytwempu biyuke. Yis Uhokri gihiyegavu, hiyawa yis batek. Yis Uhokri giwatnivwi, yis Uhokri gawnevevu, hiyawa yis batek. Mmanawa ig Uhokri hiyapkise gitkis neras paytwempuyenevwi avatra ku pariye gitaraksankis yikak.

Apokalípsi 21:14

Ini paytwempu niyaranwa bat avitmin madikawku tip akak pikana arawna (12) akebi. In iyar akamaxten. Mpuse tip iyar akamaxten tamak akak pahavwi giw gaytakkis ner Muwtohyan giwatnivwi madikawkunene gikebikis gikakkis piyananene gawnakis (12).