Lúkas 6:12 - Uhokri Gahegbetawni Nukune akak Sawmus

¹² Ayteke ariwnteke ini ig Kiyavwiye Jesus tivik ta avitit paha waxri imuwadnene adahan ig piriyepkewne. Hewke tiyegem ig piriyepkewne git Uhokri ayge.

Uhokri Gannasan

¹² Ayteke ariwnteke ini ig Kiyapwiye Jesus tipik ta apitit pahá waxri imuwadnene adahan ig piriyepkewne. Hewke tiyegim ig piriyepkewne git Uhokri ayge.

Lúkas 6:12 Iomraidhean Croise

Sawmus 22:2

Nuwohkiga, puwivak nah kanumpi, pisme ka kaytwa nuwnuh. Nah kanumpi tiyegem, heneme nuhiyekemni ka karisahwa.

Matews 5:1

Ku aysaw ig Kiyavwiye Jesus hiyap ka aynsima hiyeg kabubuk ayge, ig wagehe avitit paha waxri imuwvitnene. Ayge ig batahkiswe adahan gikannuhtenkis. Igkisme gikannuhnivwi atere pahadguhwa ganwat.

Matews 6:6

Pisme ku aysaw pis piriyepkaw amawka pis piriyepkaw avawyewa ariw hiyeg marihwa pis ka humaw kawantivyema akak ini piviryepkawni. Parak tahan arikut pahayku xam sabuk lapot. Ayge pis piriyepkaw ta git Wigwiy ku kiney ignewa hiyapi, ayge nikwe ignewa timap piwn ig iki kabayka ta pitnek.

Markus 1:35

Hewke kabeyweke ig Kiyavwiye Jesus kannikew, ig tivik avawyewa ku kiney yumanene hiyeg. Ayge ig piriyepkewne.

Markus 3:13

Ayteke ariwnteke ini ig Kiyavwiye Jesus wagehe ta avitit paha waxri imuwadnene. Ayge ig pahadguhe neras ku pariye ig muwaka.

Markus 6:46

Igme misekwe ayge adahan ig ekkewviye ta gitkis neras hiyeg. Pisenwa gekkewven, ig wagehe avitit paha waxri imuwadnene adahan ig piriyepkewne atere.

Lúkas 5:16

Kiberevut ig higihwa piyawakad ku kiney yumanene hiyeg adahan ig piriyepkewne git Uhokri.

Lúkas 6:11

Neras hiyeg givetunyavu hiyapni hene, igkis ka aynsima dagawne. Gitkis ig taraksevye hiyeg. Nikwe igkis ahegbete ginetnikis pawtak adahan ku samah igkis keh gikak Kiyavwiye Jesus.

Lúkas 6:17

Pisenwa igkis muhuke payak gikak Kiyavwiye Jesus. Ig Kiyavwiye Jesus misekwe amun asababan. Ka aynsima gikannuhnivwi ayge ganwa. Ayteke pahabunene hiyeg kabubuknene danuh atere git. Igkis ayta aytontak Judeyamnawtak, aytontak Jerusalémtak, aytontak akigbimnatak parahwokwa ku kiney paytwempu Tiru akak Sidoh.

Lúkas 9:18

Avim ini hawkri ig Kiyavwiye Jesus piriyepkewne ig pahapo. Igkisnewa gikannuhnivwi ayge gikak. Ayge ig ayavgikis: — Pariyeki givewkankis hiyeg ikanuh nah kuri?

Lúkas 9:28

Ayteke ariwnteke ini pahay paka, ig Kiyavwiye Jesus iwe Pedru gikak Tiyagumni, gikak Joawh adahan igkis atak gihapti. Ig awna gitkis: — Uyay atak piriyepkaw. Igkis wagehe avitit paha waxri imuwadnene.

Lúkas 9:29

Igkis danuh atere, ig Kiyavwiye Jesus kavusa piriyepkaw. Ayge ig uniyehwe gihivak nawenyewa akiw. Gisimsa wageswe barewye tigigihwe.

Joawh 6:3

Igme igkit danuh giwkis. Ig wagehe avitit paha waxri imuwadnene. Ayge ig batahkiswe. Igkisme gikannuhnivwi batabdawak** ayge gikak.

Kolosénses 4:2

Nukebyuvwi, nah aya yit, ikatuswanay avanenekwa arit piriyepkawka. Ka yi muwaka ehwa nikak. Kabayhanabay Kiyavwiye Uhokri abet ini yiviryepkawni.

Ebréws 5:7

Ku samah ig Kiyavwiye Jesus ihtikeknete ay amadga inin, ig kayah hawata ke wixwiybe. Avim ini ig amnihswe git Kiyavwiye Uhokri ku pariye ignewa hiya giwiwhka abetitak miyaka. Ig piriyepkaw git akak madikte giwakemni. Ig suke gikantak. Ig tihene kihaw. Igme Kiyavwiye Uhokri timep giviryepkawni mmanawa gayapni abet giviryepkawni in adahan ig keh Kiyavwiye Uhokri gibetkinen.