Lúkas 6:11 - Uhokri Gahegbetawni Nukune akak Sawmus

¹¹ Neras hiyeg givetunyavu hiyapni hene, igkis ka aynsima dagawne. Gitkis ig taraksevye hiyeg. Nikwe igkis ahegbete ginetnikis pawtak adahan ku samah igkis keh gikak Kiyavwiye Jesus.

Uhokri Gannasan

¹¹ Nerras hiyeg gipetunyapu hiyapni henne, igkis kaayhsima dagawne. Gitkis ig taraksepye hiyeg. Nikwe igkis ahegbete ginetnikis pawtak adahan ku samah igkis keh gikak Kiyapwiye Jesus.

Lúkas 6:11 Iomraidhean Croise

Matews 16:7

Igkis timapni hene, igkis kinetihwa pawtak amin inakni giwn. Igkis awna: — Ig awna inakni awaku wixwiy ka ewk bugut ayta uhaptiwiy.

Matews 21:45

Neras muwveg kiyatyevwi gikakkis neras farizewkis igkis timapni inakni iwit patuwesbuhka hene, igkis pukuhpe ku ig awna inakni iwit giminkis ku samah igkis tukuhptevgi.

Lúkas 4:28

Igkis hiyeg arikunevwi ini leglis igkis timapni inakni iwit hene, igkis ka aynsima dagawne git Kiyavwiye Jesus ku samah ig kinetihwa amin ku samah Uhokri pi kavigsate hiyeg kane judeyenevwima giwkis hiyeg judeyenevwi.

Lúkas 6:10

Ig awna inakni, ig ivegvusa madikte hiyeg ayge. Ayteke ig awna ta git ner awayg kidubetwiye giwak. Giwn: — Tarak piwak. Igme tareke giwak. Aynewa giwak makniw.

Lúkas 6:12

Ayteke ariwnteke ini ig Kiyavwiye Jesus tivik ta avitit paha waxri imuwadnene adahan ig piriyepkewne. Hewke tiyegem ig piriyepkewne git Uhokri ayge.

Joawh 11:47

Ayteke nikwe ariwnteke ini neras muwveg kiyatyevwi kehe givahdukawnikis gikakkis neras farizewkis adahan igkis ahegbetenes ginetnikis. Igkis awna: — Mmah wixwiy keh? Ner awayg keh ka aynsima annut.

Joawh 7:1

Ariwnteke ini ig Kiyavwiye Jesus muwaptise Galileyamnaw. Ig ka atekere avitit judeyamnaw mmanawa neras judeyenevwi giwewkistenkis ivegvenene adahan giwmasepten. Awaku ini ig misekwe ayge Galileyamnaw.

Attus 26:11

Ayteke nah tivik danuhpene kiberevut arit madikte judeyenevwi gileglisakis. Ayge nah keh mbeye hawkri gikakkis Jesus gihiyegavu. Nah mpiksaptihpigkis adahan igkis tukuhwe giw Kiyavwiye Jesus. Avim ini nah ka aynsima dagawne gitkis. Nnaktin wagewge. Nikwe nah haraksevgikis muwapuw adahan nah hiyapkisne mbeyne gitkis.

Attus 4:15

Ayteke nikwe igkis hiyapni hene, igkis pekkise Pedru gikak Joawh kabaywakat adahan igkis ahegbetenes ginetnikis igkiswonas.

Attus 4:19

Igme Pedru gikak Joawh igkis kaytwa giwnkis: — Mmah yis yivewkan kabayte giwtrik Kiyavwiye Uhokri adahan usuh ihpate yiwn ariw Kiyavwiye Uhokri giwn? Hiyawa yiswa kaniy.

Attus 5:33

Igkis gikivarakis timapni hene, igkis dagawnhewbetkis, igkis awna: — Uyay umahkiswigkis. — Uyay.

Attus 7:54

Igkis judeyenevwi gikivarakis timapni hene, igkis dagawnhewbetkis ka aynsima git amekene Estevawh. Gidagonikis keh igkis kagah gaybukis.

2 Timótyu 3:9

Heneme igkis ka hiya gisamanak Kiyavwiye Uhokri. Aysawnemenek madikte hiyeg hiyaknek ku samah igkis yuma gannukis gitivut Kiyavwiye Uhokri hawata ku samah minikwak madikte hiyeg hiyak ku samah Janes gikak Jambres yumahwata gannukis gitivut amekene Moís.