Lúkas 5:8 - Uhokri Gahegbetawni Nukune akak Sawmus

⁸ Ig Simawh Pedru hiyapni hene, ig tuguhkiswe mabuw givetunat Kiyavwiye Jesus. Ig awna git: — Ayguhwanaba nuwntak, Kiyavwiye, mmanawa nah patehwevye hiyeg. Nah yuma nukiytanisima pitivut.

Uhokri Gannasan

⁸ Ig kiyapwiye Simawh Pedru hiyapni henne, ig tuguhkiswa mabuw gipetunat Kiyapwiye Jesus. Ig awna git: ―Ayguhwanaba nuwntak, Kiyapwiye, mmanawa nah patehwepye hiyeg. Nah yuma nukiythanisima pitiput.

Lúkas 5:8 Iomraidhean Croise

Matews 17:6

Igkisme gikannuhnivwi timapni inakni hene, igkis tuguhkiswebdi mabuw ta waykborit, igkis wakaymnibdi mpiynevevye.

Matews 2:11

Ayteke igkis danuh atere, igkis pareke arikut ini payt. Ayge igkis ute ig bakimni gukak ginag Mahi. Igkis hiyapni hene, igkis paberetusew gitivut. Igkis kiyathevgi. Ayteke igkis woka gikiyesnikis igkis kakanhew git karukri wahano, akak imihgi, akak ah adidkan imihnevye kewye “miha”.

Matews 8:8

Igme suwtat gikivarakis kaytwa giwn: — Kawa, Kiyavwiye. Nah patehwevye hiyeg. Nah yuma nukiytanisima pitivut adahan pis parak nuvinekut. Kiyavwiye, pis karayt akivara. Ku pis he awnevi aytontak piyawakad, ikeyvi. Nubukuh makniwnek.

Lúkas 5:7

Igkis hiyapni hene, igkis base givemkuyavukis ayta gimkatkis adahan ignesme gayavetnikis. Igkisme danuh atere, igkis kivunse mmuknamte umuh akak im. Egnes umuh kivunvevye akak im. Egkis kaba digise.

Lúkas 5:9

Ig ka aynsima wakaymni awaku ku samah igkis kamax ka aynsima im. Gihiyegavu hawata wakaymnibdi.

Joawh 11:32

Egme kiyavuno Mahi danuh atere git Kiyavwiye Jesus. Eg hiyavgi, eg paberetusaw gikimpuwit. Eg awna git: — Kiyavwiye, wake pis aybe amakohnokwabe, negni ka miyakam.

1 Koríntyus 13:12

Ku akak inin wixwiy hiyap Uhokri aynesa wenpunesa ke hiyegbe waruwahwenebe amadga waruw tigahbovye. Wixwiy hiyap henenwa. Heneme aysawnemenek wixwiy hiyavak gikak Uhokri pahepkataknek. Kuri nah hiyakgi aynesawa. Heneme aysawnemenek nah hiyakgi kabayntiwanek hawata ku samah ig hiyakun.

Apokalípsi 1:17

Nah hiyavgi hene, nah tuguhkiswe mabuw gikimpurit ke miyaviyebe. Igme hiyapni hene ig sarayhe giwak kihehaptak nuvitit. Ig awna nutuh: — Ka muwaka avis. Nahnewa akavuska. Nahwata amaksemni. Yuma pahavwinema navitkignema. Yumahwata ewka nuwenuh akiw.