Lúkas 5:30 - Uhokri Gahegbetawni Nukune akak Sawmus

³⁰ Neras farizewkis gikakkis neras kannuhekevutnevwi amin amekene Moís gikumadukan igkis hiyapni hene, igkis himehe Kiyavwiye Jesus gikannuhnivwi. Igkis awna gitkis: — Mmahkay yis axne yis darihwekne gikakkis ladwan hawata gikakkis hiyeg akiw kane kibeynevwima? Wake yis kibeynevwibe hiyeg, yis ka axkam gikakkis gikebikis neras hiyeg.

Uhokri Gannasan

³⁰ Nerras farisewkis gikakkis nerras kannuhekeputnepwi amin amekene Moís gikumadukan igkis hiyapni henne, igkis himehe Kiyapwiye Jesus gikannuhnipwi. Igkis awna gitkis: ―Mmahkay yis axne yis darihwekne gikakkis ladwan gikakkis hiyeg akiw kane kibeynepwima hiyeg? Waké yis kibeynebe hiyeg, yis ka axkam gikakkis gikebyikis nerras hiyeg.

Lúkas 5:30 Iomraidhean Croise

Matews 5:46

Amnihnabay yivetunyavu. Ku yis amnih nerasnen ku pariye yamnihten nawenevwime yis ka amnihgikis mmah yis yivewkan Uhokri iki yit kabayka adahan ini? Kawa. Mmanawa madikte hiyeg kuwis kehnekuye hene. He hiyeg kakehniyevwi keh.

Matews 9:11

Neras farizewkis hiyapni hene, igkis awna gitkis gikannuhnivwi. Giwnkis: — Mmahki ner yikannuhten axne darihwekne gikakkis ladwan, gikakkis hiyeg akiw kane kibeynevwima hiyeg? Wake ig kibeyne hiyegbe, ig ka axkam gikakkis gikebikis neras hiyeg.

Markus 2:16

Neras kannuhekevutnevwi amin amekene Moís gikumadukan ku pariye farizewkis igkis hiyapni hene ku ig axne gikakkis ladwan gikakkis hiyeg ku pariye ikaka kane kibeynevwima hiyeg, igkis hiyapni hene, igkis awna ta gitkis gikannuhnivwi. Giwnkis: — Mmahki ig axne darihwekne gikakkis ladwan gikakkis hiyeg kane kibeynevwima hiyeg? Wake ig kibeyne hiyegbe, ig ka axkam gikakkis gikebikis neras hiyeg.

Markus 7:3

Mmanawa neras fareswkis gikakkis madikte judeyenevwi giwewkistenkis akiw, igkis kiyatha amekenegben gihiyekemnikis, igkis sukokaw kabayntiwa avit igkis ax. Ku igkis ka sukokaw hene, igkis ka ax. Ta gitkis ini keh igkis humaw barewvit giwtrik Kiyavwiye Uhokri.

Markus 9:16

Igme ayavgikis: — Pariye yinetni gikakkis neras kannuhekevutnevwi ayge?

Lúkas 18:11

Ig farisew tabire ayge giwtrikkis hiyeg ig piriyepkaw pahapo. Ig awna: “Kibeyne Uhokri, nah kabayhap ku samah nah ka keh mbayka kema nawenyevwi hiyegma. Nah ka amepyema, nah ka taraksevyema, nah kawnata powkemnivyema. Kibeyne, nah ka kema nerma ladwanma.

Lúkas 19:7

Neras hiyeg hiyapni hene, igkis minimnihekbet gimin Kiyavwiye Jesus. Igkis awna: — Ig darihwekne gikak pahavwi ku pariye kane kibeynema.

Lúkas 5:17

Avim ini hawkri ig Kiyavwiye Jesus kannuhne hiyeg. Ka aynsima farizewkis gikakkis kannuhekevutnevwi amin amekene Moís gikumadukan igkis batebdebdih ayge ganwa. Igkis pes avititak madikte paytwempu aytontak Galileyamnawtak, aytontak Judeyamnawtak, aytontak Jerusalémtak. Ig Kiyavwiye Jesus kannuhekne ayge, Uhokri gidatni ay givit adahan ig piyihekne.

Lúkas 5:21

Neras farizewkis gikakkis neras kannuhekevutnevwi igkis timapni inakni giwn hene, igkis kinetihwa gimin pawtak. Giwnkis: — Pariyenekig ner awayg? Yuma pahavwinema hiyeg hiya ubayamnihkawiy ariw utaraksanwiy gikak Uhokri. He ignewa Uhokri hiya ubayamnihkawiy. Ig ner miyathene Uhokri ku samah ig awna inakni hene.

Lúkas 7:34

Nahme nah ku pariye wageswe awayg amadgaya inin, nah danuh atan nah ka henema. Nah ka maxhaw, nah higap win. Heneme kawnata hiyeg amavan. Igkis awna: “Ka ba yis hiyap ner awayg kayhpiye kahigvekevye? Ig gibetki darihwak gikakkis ladwan hawata gikakkis hiyeg kane kibeynevwima akiw. Ig kawnata kibeynema.”

Lúkas 7:39

Ner farisew ku pariye gawnesetni Kiyavwiye Jesus atere ig hiyapni hene, ig awna abetpi gihiyekemni. Giwn: — Mmahki ig isaksa nor tino powkemnivyo daxtig? Wake igyewa Uhokri gawnevebe, nikwekam ku samah ig hiyavgu, ig hiyakkam ku samah guhiyekemni mbeyevye.

Attus 23:9

Ayge nikwe kadukmanka ka aynsima. Gaytakis neras kannuheknevutnevwi farizewkis igkis kannikaw igkis awnamnih Pol. Igkis awna: — Ner awayg usuh ka hiyap mbaynema gikehni. Nawenetke pahavwi anmapti ba pahavwi ahj kinetihwe gikak avigku ahin.