Lúkas 5:26 - Uhokri Gahegbetawni Nukune akak Sawmus

²⁶ Madikte hiyeg hiyapni hene, igkis wakaymnibdi. Igkis kabayha Uhokri akak madikte gavisnikis. Igkis awna: — Usuh ka hiyapti akebi inin. Kabahte usuh ka ihpin.

Uhokri Gannasan

²⁶ Madikte hiyeg hiyapni henne, igkis wakaymnibdi. Igkis kabayha Uhokri akak madikte gapisnikis. Igkis awna: ―Usuh ka hiyapti akebyi ini. Kabahte usuh ka ihpin.

Lúkas 5:26 Iomraidhean Croise

Matews 12:23

Neras hiyeg hiyapni hene, igkis wakaymnibdi. Igkis kinetihwa pawtak. Igkis awna: — Mmah ig ukivarawiy ku pariye wixwiy wahepne? Ignewatbaki!

Matews 28:8

Egkis hiyapni hene, egkis pese kibehtenwa arikutak gimew. Egkis avise, heneme egkis hawata ka aynsima batek. Egkis sigise ta gimkatkis Kiyavwiye Jesus gikannuhnivwi adahan akkanokis inakni ahj ginetni ta gitkis.

Matews 9:8

Madikte hiyeg kabubuknene ayge igkis hiyapni hene, igkis wakaymnibdi. Igkis awna: — Kibeyne, Kiyavwiye Uhokri, ku samah pis ike pannu hene ta git pahavwi amadgaya inin.

Markus 2:12

Aynewa ig awayg kannikew, ig iwe gisivamna. Ig tivik wew giwtrikneswa hiyeg. Igkisme hiyapni hene, igkis wakaymnibdi. Igkis kabayha Kiyavwiye Uhokri. Igkis awna: — Usuh ka hiyapti akebi inin. Kabahte usuh ka ihpin.

Lúkas 1:65

Madikte misekwenevwi ayge igkis time inakni gak hene, igkis wakaymnibdi gidahan ka aynsima. Inakni inetit gimin ibekhewvi muwapuw avitiw ini waxribdi ayge Judeyamnaw.

Lúkas 5:8

Ig Simawh Pedru hiyapni hene, ig tuguhkiswe mabuw givetunat Kiyavwiye Jesus. Ig awna git: — Ayguhwanaba nuwntak, Kiyavwiye, mmanawa nah patehwevye hiyeg. Nah yuma nukiytanisima pitivut.

Lúkas 7:16

Madikte hiyeg hiyapni hene, igkis avisasew. Igkis kibeyhenes Uhokri. Igkis awna: — Kibeyne. Pahavwi Uhokri gawneve kuwis kahayak ubetwiy. Kuri Uhokri parak abet uhawkanwiy wixwiy gihiyegavu.

Lúkas 8:37

Neras jerasayenevwi timapni hene, igkis madikte aya git Kiyavwiye Jesus adahan ig tivik ayteke mmanawa igkis avisasew gibohri ka aynsima. Igme Kiyavwiye Jesus hiyapni hene, ig katapte amadgat gihmun adahan ig diyuhpiye ta pahambakat akiw.

Attus 4:21

Igkisme gikivarakis hiyapni hene, igkis puwimehpigkis akiw. Pisenwa igkis isahkiswigkis. Igkis ka hiya gisamanakkis adahan igkis bukihni giwkis mmanawa igkis avise ku nawenetke neras hiyeg paytwempuyenevwi hayruke gikakkisnek givatrakis. Mmanawa madikte hiyeg kibeyhenes Kiyavwiye Uhokri ayge awaku ku samah ner awayg makniw.

Gálatas 1:24

Igkis timapni hene, igkis kabayha Kiyavwiye Uhokri nudahan.