Lúkas 5:22 - Uhokri Gahegbetawni Nukune akak Sawmus

²² Ig Kiyavwiye Jesus hiyapni hene ku samah gihiyekemnikis, ig awna ta gitkis: — Mmahkay yis pukuhpaw nubohri hene?

Uhokri Gannasan

²² Ig Kiyapwiye Jesus hiyapni henne ku samah gihiyakemnikis, ig awna ta gitkis: ―Mmahkay yis pukuhpaw nubohri henne?

Lúkas 5:22 Iomraidhean Croise

Sawmus 139:2

Pis hiyap madikte ku pariye nukehni. Pis hiyap ku aysaw nah batahkiswa. Pis hiyap ku aysaw nah kannikaw. Hiyawa nah piyawakad piw, heneme pis hiyak ku pariye ay abet nuhiyekemni.

Matews 12:15

Igme Kiyavwiye Jesus hiyak ku pariye gikehnikis. Ig hiyapni hene, ig tivik ariwntak ini iwetrit. Ka aynsima hiyeg kuruwnene gihavu butte. Ayge ig makniwe madikte ku pariye kakahribdavye.

Matews 12:25

Igme Kiyavwiye Jesus hiyak ku pariye abet gihiyekemnikis. Nikwe ig awna gitkis: — Ku hiyeg avitya pahanene waxri ku ignesweke kerbetkis, igkis madikekenek. Paytwempuyenevwi hawata, ku ignesweke kerbetkis, igkis ka ayivwi akiw. Pakebyekne hawata, ku ignesweke kerbetkis, igkis kawnata ayivwi akiw.

Matews 9:4

Ig Kiyavwiye Jesus hiyakni hene ku samah gihiyekemnikis, ig awna ta gitkis: — Mmahkay yis ivegminene yihiyekemni amin mbeyevye hiyakemniki hene?

Markus 8:17

Igme Kiyavwiye Jesus timapni hene, ig awna gitkis: — Mmahpaki yis yivewkan ku nah awna inakni awaku yis yuma yibuguta? Mmah yis kote pukuhpate ku nah ka kiyimwihwa aharit naxni? Mmah yihiyekemni pet?

Lúkas 24:38

Ig hiyapni hene, ig awna gitkis: — Mmahki yis ka aynsima wadisasew? Mmahki yis matekbeta yihiyekemni?

Lúkas 5:21

Neras farizewkis gikakkis neras kannuhekevutnevwi igkis timapni inakni giwn hene, igkis kinetihwa gimin pawtak. Giwnkis: — Pariyenekig ner awayg? Yuma pahavwinema hiyeg hiya ubayamnihkawiy ariw utaraksanwiy gikak Uhokri. He ignewa Uhokri hiya ubayamnihkawiy. Ig ner miyathene Uhokri ku samah ig awna inakni hene.

Lúkas 5:23

Mmah yivewkan ku in mahiko nudahan nah bayahminig ariw gitaraksan? Ku yis hiyap nah hiya gikankasak nah keh ig wew akiw, ininkata akiw nah ka dat adahan nah bayahminig ariw gitaraksan?

Attus 5:3

Igme Pedru hiyapni hene, ig awna git: — Kiyavwiye Ananiyas, mmahki pis isakse Satanas kawihpep? Mmahki pis arehwa akak Kiyavwiye Uhokri Gitip gitew? Pis darihe abusku piwasra akakuravig pidahan heneme pis ikawvari ke wotbe pis ikepnibe madiktehbe gidahankis Jesus gihiyegavu. Pis wasaymew. Pis ka iki madiktema nor karukri.

Ebréws 4:12

Mmanawa Kiyavwiye Uhokri giwn detye. In keh ka aynsima annut. In padukte ariw pahamku iwan pebkaknano guyaw. Egme pahamku iwan paduk tahan warikwit ku kiney ukisut avatiptakni. He eg parak tahan abetit uvirik. Inme Kiyavwiye Uhokri giwn in padukte akiw. In paduk ku kiney udehetni patiptak akak uhiyekemni. In ivega ku pariye abet uhiyekemni avit uyakni.

Apokalípsi 2:23

Hawata akiw nah umahavenek neras ku pariye kene gukamkayuvwibe ku pariye amevenevwi hiyeg gikankis guhiyekemni. Ayge nikwe madikte Jesus gihiyegavu hiyaknek ku nahnewa hiyak ku pariye ay avit hiyeg giyaknikis ku pariye abet gihiyekemnikis. Ku pariye hiyeg keh mbayka, mbaykanewa nah ikinek gitkis.