Lúkas 5:21 - Uhokri Gahegbetawni Nukune akak Sawmus

²¹ Neras farizewkis gikakkis neras kannuhekevutnevwi igkis timapni inakni giwn hene, igkis kinetihwa gimin pawtak. Giwnkis: — Pariyenekig ner awayg? Yuma pahavwinema hiyeg hiya ubayamnihkawiy ariw utaraksanwiy gikak Uhokri. He ignewa Uhokri hiya ubayamnihkawiy. Ig ner miyathene Uhokri ku samah ig awna inakni hene.

Uhokri Gannasan

²¹ Nerras farisewkis gikakkis nerras kannuhekeputnepwi igkis timapni inakni giwn henne, igkis kinetihwa gimin pawtak. Giwnkis: ―Pariyenekig ner awayg? Yuma pahapwinama hiyeg hiyá ubayamnihkawiy ariw utaraksanwiy gikak Uhokri. He ignewa Uhokri hiyá ubayamnihkawiy. Ig ner miyathene Uhokri ku samah ig awna inakni henne.

Lúkas 5:21 Iomraidhean Croise

Sawmus 103:3

Pisnewa bayahminan ariw madikte nutaraksan hawata pis makniwhun ariw madikte nukahribdi.

Sawmus 130:4

Heneme pis bayahmina usuh ariw utaraksan. Inneki keh usuh ihpa piwn.

Sawmus 32:5

Ayteke nah hiyapni hene, nah ekke nutaraksan pit. Nah ka yamahpin piw akiw. Nah awna: “Nah akkate nutaraksan git Kiyavwiye.” Henewa nah kehpin. Kibeyne, avim ini pisme bayahminevun ariw madikte nutaraksan.

Sawmus 35:5

Keh igkis humaw ke ahamnabe bohka gavit kamaygviye ta gitivut Ahj, Uhokri giwatni, ku aysaw ig keryenek gikakkis.

Matews 26:65

Ig muwvegviyene gikivarakis timapni hene, ig sigke gisimsa adahan areketni gidagoni avatra ku samah Kiyavwiye Jesus awna gitkis inakni iwit. Ig awna: — Ig ikewne ke wotbe ig Uhokri gikamkayhbe. Ig makuksene Uhokri. Pariyeki umawkanwiy akiw? Wixwiy ka muwaka hiyeg akki wotwiy ariknawnema Jesus gitaraksan akiw! Kuwis ig makukse Uhokri ay wotrikwiy. Yiswa kuwis timapni akak yitaybi.

Matews 9:3

Avimnewa ini ka aynsima kannuhekevutnevwi amin amekene Moís gikumadukan igkis ayge. Gaytakkis timapni inakni Kiyavwiye Jesus giwn, igkis awna gimin ginaktinkis. Giwnkis: — Ner awayg ikewne ke wotbe ig Uhokribe bawa ig ka Uhokrima. Ig miyathene Kiyavwiye Uhokri ku samah ig awna inakni hene.

Lúkas 3:8

Kawa. Ini yikewven ka kinisgi. Amawka ku yis inyewa wages yihiyekemni ariw yitaraksan. Kavusanabay wew wadit. Ini yiwewni waditye ininewa areketni ku yis inyewa wages yihiyekemni. Hawata akiw, ka yi muwaka awna: “Wixwiy hiyeg judeyenevwi wixwiy amekene Abraawh gihiwhivwi. Amun ini wixwiy kuwis Kiyavwiye Uhokri gihiyegavu. Ayge nikwe ig Kiyavwiye Uhokri ka aminama ariw utaraksanwiy. Ig hiyavwiy kewa kibeynevwibe giwtrik.” Ka ik adahan yis awna inakni hene. In ka ariknawnema ku wixwiy amekene Abraawh gihiwhivwi. Ka innema keh wixwiy isahptaw. Ik adahan Uhokri keh nor tip humaw amekene Abraawh gihiwhivwi.

Lúkas 5:17

Avim ini hawkri ig Kiyavwiye Jesus kannuhne hiyeg. Ka aynsima farizewkis gikakkis kannuhekevutnevwi amin amekene Moís gikumadukan igkis batebdebdih ayge ganwa. Igkis pes avititak madikte paytwempu aytontak Galileyamnawtak, aytontak Judeyamnawtak, aytontak Jerusalémtak. Ig Kiyavwiye Jesus kannuhekne ayge, Uhokri gidatni ay givit adahan ig piyihekne.

Lúkas 5:22

Ig Kiyavwiye Jesus hiyapni hene ku samah gihiyekemnikis, ig awna ta gitkis: — Mmahkay yis pukuhpaw nubohri hene?

Lúkas 7:49

Neras hiyeg ganwayevwi igkis timapni hene, igkis awna gimin ginaktinkis. Giwnkis: — Pariyenekig ner hiyeg? Mmahkama he utaraksanwa gikak Uhokri ig bayahminaw ariw?

Joawh 10:33

Igkisme kaytwa giwn: — Usuh ka padakpi avatrama kibeyne annut. Usuh padakpi avatra ku samah pis makuksebdihne Kiyavwiye Uhokri. Pis he awaygnen amadgaya inin, heneme pis ikawvari ke wotbe pis Uhokribe.

Romanus 8:33

Wixwiynewa Uhokri gihiyegavu gibetkivu. Ignewa Uhokri kuwis kehe wixwiy kewa kibeynevwibe giwtrik. Pariye hiyeg hiya ukamyahkawiy kuri ta git Uhokri? Yuma pahavwinema.