Lúkas 5:14 - Uhokri Gahegbetawni Nukune akak Sawmus

¹⁴ Ayteke ig Kiyavwiye Jesus awna git: — Ka ba kinetihwa ta arit hiyeg avigkuya ahin amin ku samah pis makniw. Su atak wade gimkanit muwveg. Akkanaba pivit ta git kahadbe ig iwasap ig hiyap ku pis makniw. Ayteke pis kakanhaw git Uhokri adahan igme barewvithap ariw pivathawni ku samah amekene Moís awna minikwak adahan areketni ta gitkis hiyeg ku pis inyewa makniw. Igme timapni inakni hene, ig tivik.

Uhokri Gannasan

¹⁴ Ayteke ig Kiyapwiye Jesus awna git: ―Ka ba kinetihwa ta arit hiyeg apigkuya ahin amin ku samah pis makniw. Su atak wadé gimkanit muwpeg. Akkanaba pipit ta git kahadbe ig iwasap ig hiyá ku pis makniw. Ayteke pis keh ofan gidahan Uhokri adahan ig wiwhpiye pipathawni ku samah amekene Moís awna minikwak adahan arekhetni ta gitkis hiyeg ku pis inyerwa makniw. Igme timapni inakni henne, ig tipik.

Lúkas 5:14 Iomraidhean Croise

Matews 10:18

Avim ini yis kamiyepkanek ta gitkis hiyaptigi ta gitkis yikivaravu. Yis waxwepka ta givetunatkis avatra ku samah yis nuhiyegavu. Ka sam. Ini humaw yihawkanavriknek adahan yis awnene nudahan ay givetunkis. Ayge yis awnene nudahan givetunkis hiyeg judeyenevwi hawata givetunkis hiyeg kane judeyenevwima.

Matews 12:16

Heneme ig awna ta gitkis: — Ka yi muwaka keh yiwanti nukakuh.

Matews 8:4

Ayteke ig Kiyavwiye Jesus awna git: — Ataybiswanaba nutuh. Ka ba kinetihwa arit hiyeg avigkuya ahin amin ku samah pis makniw. Su atak wade gimkanit muwveg. Akka pivit git kahadbe ig iwasap ig hiyap ku pis makniw. Ayteke pis kakanhaw git Uhokri ku samah amekene Moís aya wot minikwak, adahan areketni gitkis hiyeg ku pis inyewa makniw. Igme timapni hene, ig tivik.

Matews 9:30

Aynewa giwtyakkis hiyap. Ig Kiyavwiye Jesus hiyapni hene, ig awna gitkis: — Ka ba yi kinetihwa amin inin nannuh ta gitkis hiyeg.

Markus 1:44

— Ataybiswanaba nutuh. Ka ba kinetihwa ta arit hiyeg avigkuya ahin amin ku samah pis makniw. Su atak wade gimkanit muwveg. Akkanaba pivit ta git kahadbe ig iwasap ig hiyap ku pis makniw. Ayteke pis kakanhaw git Uhokri adahan igme barewvithap ariw pivathawni ku samah amekene Moís aya wot minikwak, adahan areketni ta gitkis hiyeg ku pis inyewa makniw. Pisenwa ig awahkiswig tivik.

Markus 6:11

Henneme ku ignes hiyeg aygnenevwi ku ignes ka amavay aynesnima, ku ignes ka timepkere yiwn, nikwe ku aysaw yis pes ayteke, yis sassah yikugku ariw avathawni. Ini arakak ku samah gitaraksankis.

Lúkas 17:14

Ig timapni hene, ig kaytwa giwnkis: — Nah amnihyi. Su yi akka yivit tahan gitkis muwvegviyene kahadbe igkis iwasavyi, igkis hiyap ku yis kuwis makniw. Igkis timapni hene, igkis tivikwiyes tahan gitkis muwvegviyene. Ayge amun ini gitepkemnikis, pahaye adahan igkis makniwbet.

Lúkas 5:13

Ig Kiyavwiye Jesus timapni hene, ig sarayh giwak givitit. Ig daxwig atere. Ig awna git: — Ihi. Nah muwaka. Pis makniw. Aynewa gibuskana miyvi.

Lúkas 9:5

Ku kit yis danuh, ku hiyeg aygnenevwi ka amavay aynesnima, nikwe ku aysaw yis pes ayteke avititak ini paytwempu, yis sassah yikugku ariw avathawni. Ini areketni ku samah gitaraksankis.