Lúkas 5:12 - Uhokri Gahegbetawni Nukune akak Sawmus

¹² Ariwnteke ini ku samah ig Kiyavwiye Jesus avitnenete paha paytwempu, pahavwi awayg ayge ig axpusakare avit busukne pahavwite. Ig hiyap Kiyavwiye Jesus. Ig danuh atere git. Ig mabukwa ta gitivut adahan ig amnihswene git. Ig awna git: — Kiyavwiye, uya amnihun. Ku pis muwaka piyihun, pis hiya numakniwka.

Uhokri Gannasan

¹² Ariwnteke ini ku samah ig Kiyapwiye Jesus apitnenete pahá paytwempu, pahapwi awayg ayge ig axpusakare apit busukne pahapwite. Ig hiyá Kiyapwiye Jesus. Ig danuh atere git. Ig mabukwa ta gitiput adahan ig amnihswene git. Ig awna git: ―Kiyapwiye, uyá amnihun. Ku pis muwaka piyihun, pis hiyá numakniwka.

Lúkas 5:12 Iomraidhean Croise

Sawmus 50:15

Hawata numawkan yis amnihswa nutuh avim ini ku aysaw yis abet kiyimwiki. Nahme mpithaynek niw. Nikwe yisme kabayhannek.”

Sawmus 91:15

Ku aysaw ig amnihswanek nutuh, nahme amnihginek. Ku aysaw ig abetnek mbeyne nahme wiwhginek ayteke. Nah kabayhignek adahan gikamaxwan nuvitit.

Matews 26:6

Igme Kiyavwiye Jesus kuwis avit paytwempu Betaniya ku pariye kennesa arimkat Jerusalem. Ig ayge givineku Simawh, ner ku pariye minikwak axpusakare gavit busukne.

Matews 9:28

Ayteke ig Kiyavwiye Jesus pareke paytrikut. Neras piyananene motavye hiyapni hene, igkis pareke atere git. Igme Kiyavwiye Jesus awna gitkis: — Ba yis kamaxwa nuvitit ku nah detye keh yis hiyap? Igkisme kaytwa giwn: — Ihi, Kiyavwiye. Usuh kamaxwa pivitit.

Markus 5:23

Ig awna git: — Kiyavwiye, uya amnihun. Nukamkayh mihenavyo pahayempi guyekwin. Ba ayta sarayh piwak ta guvitit kahadbe eg makniw eg ka miyó.

Lúkas 17:16

Ig danuh atere git Kiyavwiye Jesus, ig tuguhkiswe mabuw gitivut, ig kabayhig atere. Ner awayg ig ka judeyenema ig hiyeg samariyene.

Lúkas 5:13

Ig Kiyavwiye Jesus timapni hene, ig sarayh giwak givitit. Ig daxwig atere. Ig awna git: — Ihi. Nah muwaka. Pis makniw. Aynewa gibuskana miyvi.

Ebréws 7:25

Nikwe ik adahan ig parak abet uhawkanwiy takunipti avanenekwa adahan ig wawnamnihtenwiy wixwiy ku pariye danuhpiye git Kiyavwiye Uhokri givitimpi Kiyavwiye Jesus. Mmanawa ig ay adahan avanenekwa.