Lúkas 5:10 - Uhokri Gahegbetawni Nukune akak Sawmus

¹⁰ Givemkuyavu amekene Tiyagumni gikak Joawh ku pariye Zebedew gikamkayuvwi, igkis hawata wakaymni. Ig Kiyavwiye Jesus hiyapni hene, ig awna git Simawh Pedru: — Ka muwaka avis. Ku samah pis uti im, han pitatit nah keh pis uti hiyeg nudahan.

Uhokri Gannasan

¹⁰ Gipemkiyapu amekene Tiyagumni gikak kiyapwiye João ku pariye amekene Zebedew gikamkayupwi, igkis hawwata wakaymni. Ig Kiyapwiye Jesus hiyapni henne, ig awna git kiyapwiye Simawh Pedru: ―Ka muwaka apis. Ku samah pis utí im, han pitatit nah keh pis utí hiyeg ndahan.

Lúkas 5:10 Iomraidhean Croise

Matews 13:47

Ayteke ig Kiyavwiye Jesus awna nawenyewa iwit patuwesbuhka akiw. Ig awna: — Nah akkite yit nawenyewa abektey akiw amin ku samah Uhokri gikumadukan. In kewa pahak tagamayhbe. Ku aysaw in subukka ahakwat mahakwa, in kamax arakembet im.

Matews 14:27

Igme kabiman wotuh: — Kibokahwanabay. Nahnewa ay. Ka yi muwaka avis.

Matews 20:20

Ayteke ig amekene Zebedew gihayo eg danukwa atere git Kiyavwiye Jesus. Eg ayta payak gikakkis gukamkayuvwi ig Tiyagu gikak Joawh. Eg paberetusew gikimpurit Kiyavwiye Jesus, eg awna git: — Kiyavwiye, uya amnihun keh ku samah numawkan pit.

Matews 4:19

Ig Kiyavwiye Jesus hiyavgikis ayge, ig awna gitkis: — Ba yi ayta wew nukakuh. Nah kannuhyi adahan yis humaw ivuhtyakevutne hiyeg nudahan. Ku samah yis uti im, nah keh yis uti hiyeg nudahannek hawata.

Matews 4:21

Ayteke ig waywe han pitatit akiw, ig hiyap piyana gikebikis akiw, Tiyagu gikak gisamwi Joawh, ku pariye Zebedew gikamkayuvwi. Igkis ayge amadga umuh gikak gigkis, kahevenekis gitagmayakis. Igme Kiyavwiye Jesus humekwigkis atere,

Markus 1:17

Ig Kiyavwiye Jesus hiyapni hene, ig awna ta gitkis: — Ba yi ayta wew nukakuh. Nah keh yis humaw ivuhtyakevutne hiyeg. Ku samah yis uti im, nah keh yis uti hiyeg nudahan.

Lúkas 5:7

Igkis hiyapni hene, igkis base givemkuyavukis ayta gimkatkis adahan ignesme gayavetnikis. Igkisme danuh atere, igkis kivunse mmuknamte umuh akak im. Egnes umuh kivunvevye akak im. Egkis kaba digise.

Lúkas 5:9

Ig ka aynsima wakaymni awaku ku samah igkis kamax ka aynsima im. Gihiyegavu hawata wakaymnibdi.

Lúkas 6:14

Ig kaniy: Simawh ku pariye ig kuwis sarayh giw Pedru, Simawh gisamwi Andre, amekene Tiyagumni, Joawh, Filip, Bartolomew,

Joawh 21:2

Igkis pahadguvu ayge. Ig Simawh Pedru ayge. Igme Tome Abes aygwata. Igme Natanael kanayene galileyene ig aygwata. Hawata piyana gikebikis amekene Zebedew gikamkayuvwi igkis aygwata gikakkis. Piyana gikebikis nawenyevwi gikannuhnivwi ayge hawata.

Attus 2:4

Ayge amun ini ig Kiyavwiye Uhokri Gitip kawihavevgikis madikte. Igkis kavusa awna ariku ka aynsima nawenyewa iwit ku samah ig Kiyavwiye Uhokri Gitip iki giwnkis mpuse gaytakis pahavwit.

2 Koríntyus 8:23

Nah awahkis kiyavwiye Titu yimin pitatye adahan nuwenyan, mmanawa ig nudahewekten hawata ig kannivwiye payak nukakuh adahan yayavetni. Igkisme neras ku pariye ateknevwi gihapti, igkis awahkiska giwenyankis Jesus gihiyegavu ku pariye hawata kakanhewnes gitkis ukebyuvwiy madiptavye. Igkis avanenekwa ikaw Uhokriyanbetnewa, hene igkis kiyathasa Cristo ka aynsima.

2 Timótyu 2:26

Ayge nikwe igkis hawkamnihawnek akiw, igkis diyuhnek ariw ini wavitye giteyni ku pariye gikamaxwitnikis. Igkis diyuh adahan igkis kehne Kiyavwiye Uhokri gibetki akiw.