Lúkas 4:6 - Uhokri Gahegbetawni Nukune akak Sawmus

⁶ Ig awna git: — Nah iki madikte inin nukumadukan ta piwakurit. Hawata nah iki madikte igiska pit. In kuwis ikaka nuwakurit. In nudahan nah iki ku karit nah ikekere.

Uhokri Gannasan

⁶ Ig awna git: ―Nah ikí madikte ini nukumadukan ta piwakuit. Nah ikí pit igiska madikte. In kuwis ikaki nuwakuit. In ndahan nah ikí ku karit nah ikekere.

Lúkas 4:6 Iomraidhean Croise

Lúkas 4:7

Ku pis paberetusaw nutivut adahan pis kiyathan, nah iki madikte inin ta piwakurit.

Joawh 12:31

Kaba ahawkanavrik danuh adahan neras ku pariye kane Uhokriyanvuma gihiyekemnikis hiyekepka ku in ka waditnema. Kuri gikivarakis gihawkan me wanekbetepkamet.

Joawh 14:30

Nah ka kahawkan kinetihwa yikak kiyesradima akiw. Mmanawa ner ku pariye kane Uhokriyanvuma gikivarakis ig kennesa gidawnhan adahan kehne mbayka nukakuh. Ka sam. Ig ka kawetri ay nuvituh. Nikwe ig ka hiya igma wanekbeta nuhawkan.

Joawh 8:44

Mmanawa yig ig wavitye gikivarakis. Yis yibetki keh ner yig gibetki. Ku samah akavuska hawkri ig umehekevutne, ig kavetunsa hiyakemniki ku pariye inyewatnene. Mmanawa yuma aynesnima iwit inyewatnene ay abet gihiyekemni. Ig awna wasaymkanen mmanawa innewa wasaymaka ay abet gihiyekemni. Ig kinisekevutne. Ig wasaymaka ahawkri.

2 Koríntyus 11:14

Igkis ka wadisasan. In kahayak ku samah nah ivegminin. Mmanawa igwa Satanas ik adahan ig kahayaksaw ke wotbe ig pahavwi ahj kabutenebe.

Efésyus 2:2

Avim ini wixwiy wewne akak hiyakemniki amadgaya inin. Wixwiy wewne akak wavitye gikivarakis hawkrine ahiyekemni. Mmanawa ignewa wavitye gikivarakis ku pariye kumaduka hiyeg kane ihpenevwima Kiyavwiye Uhokri giwn.

1 Pedru 1:24

Henewa in ku samah Uhokri gannasan awna. In awna: “Hiyeg amedgenevwi inin igkis kewa pamatkabe. Gikiytanikis kewa ivuritibe akiytanibe. Pamatka kibehtenwa in huruhrup. Ivuriti kibehtenwa in kigise.

1 João 5:19

Wixwiy hiyakni kabayntiwa ku wixwiy Kiyavwiye Uhokri gikamkayuvwi. Ignesme ku pariye kane Uhokriyanvuma igkis ay giwanmaku ner wavityempu gikivarakis.

Apokalípsi 12:9

Ayteke nikwe ig ner kene waramwibe nopsadnene, ig padekwika inuriktak. Igi ner Kaybune ku pariye humaw minikwak. Ig kanumka giw Wavitye Gikivarakis. Ig kanumka giw Satanas, Uhokri Givetunya. Ig ku pariye kinis madikte hiyeg amedgenevwi inin. Ig ner padekwika inuriktak amadgat wayk payak gikakkis gihiyegavu ahj mbayavye.

Apokalípsi 13:2

Igi axtigi ku pariye nah hiyap gihivak kewa pahavwi kawokwinebe. Gikugku kewa wokibe gikugku. Gibiyme kewa kawokwinebe gibiy. Igme ner kene waramwibe ku pariye wavitye gikivarakis ig ike gidatni git ner axtigi. Ig ike gikumadukan git adahan ig kumadukene hiyeg hawata ig ike git ka aynsima gikiytani.

Apokalípsi 13:7

Hawata ig isaksepka adahan ig kerye gikakkis Uhokri gihiyegavu. He ig isaksepka adahan ig matekevgikis. Ig isaksepka kumaduka madikte hiyegiviyenevwi, pahabunenevwi, arakembetnene giwnavrikkis hawata arakembetnene gihivakkis.