Lúkas 4:5 - Uhokri Gahegbetawni Nukune akak Sawmus

⁵ Ayteke ig wavitye gikivarakis ig waxwe Kiyavwiye Jesus ta avitit paha iwetrit imuwadnene. Ayge ig ekke git madikte gikumadukan amedgene inin. Ig akkin git pahatya amin.

Uhokri Gannasan

⁵ Ayteke ig wapitye gikiparadkis ig waxe Kiyapwiye Jesus ta apitit pahá iwetrit imuwadnene. Ayge ig ekke git madikte gikumadukan amedgene inin. Ig akkin git pahatyamin.

Lúkas 4:5 Iomraidhean Croise

Sawmus 73:19

Pahaye adahan igkis pisenwepkanek gihawkankis akak mbeyevye mbeyne.

Matews 24:14

Aysawnemenek inin kibeyne inetit amin Uhokri gikumadukan in ekkepkanek givuwiwkis madikte hiyegviyenvwi amadga inin, kahadbe madikte hiyegviyenevwi timapni. Ayteke ariwnteke ini amaksemni hawkri danuhnek.

Matews 4:8

Ayteke ig wavitye gikivarakis gihikekten akiw. Ig waxwevgi ta avitit paha waxri imuwadnene. Ayge ig ekke git madikte gikumadukan amedgene inin akak madikte igiskaviyene.

1 Koríntyus 15:52

Uvitwiy wageswanek nukunewa akiw, pahaye adahan kewa manansawkabe, avim ini ku aysaw tohompet gumaksemniyewa agighakanek. Eg agighakanek adahan gihiyegavu ku pariye kuwisnene miyarap, igkis kannikaw akak givitkis nukunewa akiw ku pariye kane hiyap miyaka akiw. Igkisme gihiyegavu ku pariye kotenene miyate igkis hawata wageswanek nukunewa givitkis akiw.

1 Koríntyus 7:31

Pahavwime ku pariye kannivwiye akak arikna amadgaya inin hawkri amawka ku ig ka ikatuswa arit ini arikna mpiynevevyema. Mmanawa inin hawkri in ka dehwevyema.

2 Koríntyus 4:17

Mmanawa ini ku pariye mbeyne wixwiy hiyap ay amadga inin, kuwewanek ka ayivwadima in mpiyenek. In ka ariknawnema. Heneme in utipkis wotwiy ka aynsima kabayka ku pariye dahwanek adahan avanenekwa ku pariye kibeynewatnene kabayka. Ini kabayka ka aynsima kiyeste ariw ini mbayka.

Efésyus 2:2

Avim ini wixwiy wewne akak hiyakemniki amadgaya inin. Wixwiy wewne akak wavitye gikivarakis hawkrine ahiyekemni. Mmanawa ignewa wavitye gikivarakis ku pariye kumaduka hiyeg kane ihpenevwima Kiyavwiye Uhokri giwn.

Efésyus 6:12

Mmanawa wixwiy kavetunyanata adahan wixwiy mpithigkis. Heneme ignes uvetunyavuwiy igkis ka hiyegma amadgayama inin. Igkis inurikyenevwi gikivarakis. Igkis yumanene givitkis. Igkis maygekwenevwi. Igkis mbeyevye gihiyekemnikis. Igkis detyevwi. Igkis kumadukenevwi inin hawkri ku pariye ke wotbe in abetnene amisnavyebe.