Lúkas 4:41 - Uhokri Gahegbetawni Nukune akak Sawmus

⁴¹ Hawata akiw wavitye pese givititakis ka aynsima hiyeg. Igkis kabiman. Igkis awna git: — Pis Uhokri gikamkayh. Igme himahgikis. Ig ka isaksigkis adahan igkis awna awaku igkis hiyaknig ku ig Cristo.

Uhokri Gannasan

⁴¹ Hawwata akiw wapitye pes gipititakkis kaayhsima hiyeg. Igkis kabiman. Igkis awna git: ―Pis Uhokri gikamkayh. Igme himahgikis. Ig ka isaksigkis adahan igkis awna awaku igkis hiyaknig ku ig Cristo.

Lúkas 4:41 Iomraidhean Croise

Matews 26:63

Igme Kiyavwiye Jesus tinwo. Igme muwvegviyene gikivarakis ig awna git akiw. Giwn: — Giwavrik Uhokri dehetniye nah aya pit. Ku pis Cristo, ku pis Uhokri gikanyan adahan ukumaduketni, ku pis Uhokri gikamkayh, akkaw wotuh.

Matews 4:3

Ig wavitye gikivarakis hiyapni hene, ig danuh atere git. Ig awna git: — Ku pis Uhokri gikamkayh, nikwe awna gut nor tip adahan eg wageswa bugut pidahan.

Matews 8:16

Ayteke misanpi, ka aynsima hiyeg danuh atere git Kiyavwiye Jesus. Igkis waxwe git hiyeg wavityewnavye. Igme pekkis wavitye givititakkis akak gibiynenwa. Avim ini ig makniwe madikte hiyeg ku pariye kakahribdavye.

Matews 8:29

Igkis danuh atere git Kiyavwiye Jesus, igkis kabiman git. Igkis awna: — Pis Uhokri gikamkayh. Pariye pikehni ukakuh ku avim inin? Mmah pis ayta womkat adahan hiyapkiswiye mbeyne wotuh? Kote uhawkanavrikma adahan usuh hiyapkiska mbeyne wotuh.

Matews 8:4

Ayteke ig Kiyavwiye Jesus awna git: — Ataybiswanaba nutuh. Ka ba kinetihwa arit hiyeg avigkuya ahin amin ku samah pis makniw. Su atak wade gimkanit muwveg. Akka pivit git kahadbe ig iwasap ig hiyap ku pis makniw. Ayteke pis kakanhaw git Uhokri ku samah amekene Moís aya wot minikwak, adahan areketni gitkis hiyeg ku pis inyewa makniw. Igme timapni hene, ig tivik.

Markus 1:25

Ig Kiyavwiye Jesus timapni hene, ig himehe ner wavitye. Ig awna git: — Tinwohaw. Asa pes ayteke givititak ner awayg.

Markus 1:32

Ayteke misanpi, wahanbuku kamuw, ka aynsima hiyeg danuh atere git Kiyavwiye Jesus. Igkis waxwe git ka aynsima hiyeg kakahribdavye gikakkis hiyeg wavityewnavye.

Markus 1:34

Igme makniwe ka aynsima hiyeg ku pariye kakahribdavye akak arakembetnene karayt. Hawata ig pekkise ka aynsima wavitye givititakis hiyeg. Ig ka isaksa ignes wavitye adahan igkis awna awaku igkis hiyaknig ku pariye ig.

Markus 3:11

Nerasme ku pariye wavityewnavye, ku aysaw igkis hiyavgi igkis tuguhkiswa mabuw gitivut. Igkis kabiman git: — Pisnewa Kiyavwiye Uhokri gikamkayh.

Lúkas 4:39

Ig Kiyavwiye Jesus hiyapni hene, ig atere tabir guhumwa. Ig himehe gunawan. Kibehtenwa mpiye guw. Aynewa eg kannikew eg kuwegwano gidahankis.

Joawh 20:31

Heneme nah anniri inakni iwit ku pariye nanhan ay kahadbe yis iha ku ig Kiyavwiye Jesus ignewa Cristo, ig Uhokri gikanyan adahan ukumaduketniwiy. Kahadbe yis iha ku ignewa Kiyavwiye Uhokri gikamkayh. Ku yis kamaxwa givitit, yis aymuhwanek gimun Kiyavwiye Uhokri adahan avanenekwa.

Tiyagu 2:19

Pisme awna: “Ka sam. Nah iha ku pahavwiwa Uhokri ay.” Kibeyne pis iha inakni. Heneme ka innema keh wis isahptaw. Igkiswa wavityempu ihapnata ku Kiyavwiye Uhokri ay. Igkis ihapni kabayntiwa he igkis sagka awaku gavisnikis gibohri. Heneme igkis ka isahptaw.