Lúkas 4:35 - Uhokri Gahegbetawni Nukune akak Sawmus

³⁵ Ig Kiyavwiye Jesus timapni hene, ig himehe ner wavitye. Ig awna git: — Tinwohaw. Asa pes ayteke givititak ner awayg. Aynewa ig wavitye nuwiswig. Ig keh ig tuguhe gibetkis hiyeg. Ayteke ig pese givititak. Ig ka keh mbaynema gikak aynesnima.

Uhokri Gannasan

³⁵ Ig Kiyapwiye Jesus timapni henne, ig himehe ner wapitye. Ig awna git: ―Tinwohaw. Asá pes ayteke gipititak ner awayg. Aynewa ig wapitye nuwiswig. Ig keh ig tuguhe gibetkis hiyeg. Ayteke ig pese gipititak. Ig ka keh mbaynama gikak aynesnima.

Lúkas 4:35 Iomraidhean Croise

Sawmus 50:16

Heneme ig Kiyavwiye Uhokri awna nawenyewa hiyakemniki gitkis hiyeg ku pariye kane wewnevwima gikak. Giwn: “Mmeneki yit yis kinetihwa amin nukumadukan waditnevyenen? Mmeneki yit yis ayap nutuh inin kabayka ku pariye nukaksan gitkis nuhiyegavu?

Matews 17:18

Igme ihe giwn. Ayteke nikwe ig Kiyavwiye Jesus himehe ner wavitye. Igme wavitye pese givititak. Aynewa ig bakimni makniw.

Matews 8:26

Igme kaytwa giwnkis: — Yis awaykemni avisatruvye! Mmahki yis ba yavisatrun? Uhokri ik adahan yis kamaxwa givitit. Ayteke ig kannikaw ig himehe mayg akak paraw. Aynewa madikte kariswehwe.

Markus 1:26

Aynewa ig wavitye nuwiswig. Ig kabiman kihaw. Ayteke ig pese givititak.

Markus 4:39

Igme wadise, ig himehe mayg, ig awna ta arit paraw. Giwn: — Asa misakwa. Tinwohaw. Aynewa mayg tinwohew. Paraw mavawanew.

Markus 9:26

Igme wavitye kabiman. Ig nuwise ner bakimni ka aynsima akiw. Pisenwa ig pese givititak. Igme bakimni misekwe harit kewa miyaviyebe. Neras hiyeg hiyapni hene, kaba madikte awna: — Ig kuwis miyap.

Lúkas 11:22

Henneme ku pahavwi pi datte patipteke gikak atere, igi wanekbete gihawkan, ig xuwehe giyakok giw ku kavitit ig iveg. Ayteke ig kidise gewkanbet ku pariye ay gimun, ig tivik nikak, ig ibekhepni ta givuwiwkis gidahewektenvu. Henewa nah wanekbete gihawkan ig wavitye gikivarakis. Inneki keh nah detye adahan nah pekkis gihiyegavu givititakkis hiyeg.

Lúkas 4:23

Ig hiyapni hene, ig awna gitkis: — Ay pahat iwit patuwesbuhka ku pariye wis inpawa awna ku aysaw wis pukuhpaw gibohri pahavwi. Wis awna: “Ku pis igyewa piyihekevutne, asa piyih pivitkite.” Ku avim inin yis awna inakninek iwit nutuh. Yis awna: “Usuh time pak ku pis keh ka aynsima annut aynte Kafarnawh ku pariye hiyeg amadgaya inin ka hiya nikehka. Ku inyewa pis keh annut ayge, uya akka wotuh pannu ay avit inin piwaxig ku kiney pis aymuhwa.”

Lúkas 4:39

Ig Kiyavwiye Jesus hiyapni hene, ig atere tabir guhumwa. Ig himehe gunawan. Kibehtenwa mpiye guw. Aynewa eg kannikew eg kuwegwano gidahankis.

Lúkas 4:41

Hawata akiw wavitye pese givititakis ka aynsima hiyeg. Igkis kabiman. Igkis awna git: — Pis Uhokri gikamkayh. Igme himahgikis. Ig ka isaksigkis adahan igkis awna awaku igkis hiyaknig ku ig Cristo.

Lúkas 8:24

Igkis gikannuhnivwi hiyapni hene, igkis atere wadise Kiyavwiye Jesus. Igkis awna git: — Kiyavwiye. Kiyavwiye. Wixwiy me biyukapmet! Ig timapni hene, ig kannikew ig himehe mayg akak paraw. Aynewa madikte kariswehwe. Paraw mavawanew.

Lúkas 9:39

Ig wavityewnivye. Ku samah wavitye parekwig ig kabiman, ig nuwiswig he ig kahawyu gibiy. Ig ka kiberema ig isahkisgi. Avit giveswen ig nuwiswig ka ahawnasima.

Lúkas 9:42

Ig bakimni kaba danuh atere, igme ner wavitye nuwiswig akiw. Igme bakimni tuguhe ta waykborit ka ahawnasima. Ayteke nikwe ig Kiyavwiye Jesus hiyapni hene, ig himehe ner wavitye. Ig pekkiswig. Ig makniwe ner bakimni. Pisenwa ig ekkevgi ta giwakurit gig.

Apokalípsi 12:12

Yis inurikyenevwi, hiyawa yis batek yinaktin kuri. Heneme ka aynsima mbayka danuh kuri arit waxri hawata arit parahwokwa. Mmanawa ig wavitye gikivarakis kuwis danuh atere yit. Ig ka aynsima dagawne, mmanawa ig hiyakni ku kaba danuh gihawkanavrik adahan gihawkan pisenwe. Henewatbaki ig pahavwi awna.