Lúkas 4:25 - Uhokri Gahegbetawni Nukune akak Sawmus

²⁵ Henewa in ku samah minikwak ku kavim Uhokri gawneve amekene Eliyas ay amadga inin. Avim ini muwok ka wayk adahan mpanabu kamukri akak abusku. Nikwe mihetniki danuhe atere. Ka aynsima madankunovwi judeyanovwi ayge avit Judeyamnaw.

Uhokri Gannasan

²⁵ Hennewa in ku samah minikwak ku kapim Uhokri gawnepe amekene Eliyas ay amadga inin. Apim ini muwok ka wayk adahan mpanabu kamukri akak abusku. Nikwe mihetniki danuh atere. Kaayhsima madankunopwi judeyanopwi ayge apit Judeyamnaw.

Lúkas 4:25 Iomraidhean Croise

Matews 20:15

Nukakura eg nudahan adahan nah keh gukak ku samah numawkan. Ka muwaka dagawnhaw adahan ku samah nah kehne kabayka gikakkis.”

Lúkas 10:21

Ayteke Uhokri Gitip keh Kiyavwiye Jesus batek ginaktin mpiynevevye. Ig awna nikwe: — Kibeyne, Niguh. Pis en akivara. Pis waxri akivara. Nah kabayhap awaku ku samah pis ka akka pihiyekemni gitkis hiyeg hiyakemniyevwi. Gitkisme hiyeg ku pariye kene bakimnayhbe, yumanene gihiyekemnikis, giwntekneswa, pis akka pihiyekemni ta gitkis. Henewa Niguh, mmanawa innewa pimawkan.

Romanus 9:15

Mmanawa ig Uhokri awna ta git amekene Moís. Giwn: “Nah amnih ku pariye nah amnihkere. Nah bayahmina ku pariye nah bayahminekere.”

Romanus 9:20

Nukebyi, ka ba awna inakni hene. Pis he hiyeg amadgayanen inin. Pariyenekap adahan pis karatonaw gitivut Uhokri? Yuma pahavwinema waytakwiy kis adahan Uhokri amnihgi. Wixwiy ka ariknawnema gitivut. Wixwiy kewa parawkambe. Igme Uhokri ig kewa pahavwibe ku pariye batak ini parawkam. Pahavwi gibatkan ka hiya inma awna git: “Mmahka pis kehun hene?”

Efésyus 1:11

Avim ini wixwiy darih uwetriwiy abet ini gikumadukan awaku ku samah wixwiy pahavwiwa gikak. Hene ig Kiyavwiye Uhokri kuwis ikiswanaw udahanwiy akak madikte gibetki. Ku pariye Kiyavwiye Uhokri gibetki henewa ig keh in humaw.

Efésyus 1:9

Ku avim inin ig keh wixwiy hiyak gihiyekemni ku pariye minikwak hiyeg kotenene hiyakte. Henewa gibetki ig keh hene. Ig muwaka akki wotwiy ini kabayka ku pariye ig ikiswanaw udahanwiy awaku ku samah wixwiy pahavwiwa gikak Cristo.

Tiyagu 5:17

Nah kehte abektey gikak amekene Eliyas. Ig he hiyegnen amadgaya inin. Gidatni hawata ke wixwiybe. Heneme ig piriyepkaw avititakwa giyakni adahan mwok ka wayk. Ayge nikwe mwok ka wayk adahan mpanabu kamukri akak abusku.

Apokalípsi 11:6

Igkis gawnevevu kadahan gannukis adahan sabuk en kahadbe muwok ka wayk ku samah igkis ekkenete Uhokri ginetni. Hawata igkis kadahan gannukis adahan wages un humaw migat. Hawata akiw igkis kadahan gannukis adahan hiyapkis madikte mbeyne gitkis hiyeg amedgenevwi inin ku samah gimawkankis.