Lúkas 4:23 - Uhokri Gahegbetawni Nukune akak Sawmus

²³ Ig hiyapni hene, ig awna gitkis: — Ay pahat iwit patuwesbuhka ku pariye wis inpawa awna ku aysaw wis pukuhpaw gibohri pahavwi. Wis awna: “Ku pis igyewa piyihekevutne, asa piyih pivitkite.” Ku avim inin yis awna inakninek iwit nutuh. Yis awna: “Usuh time pak ku pis keh ka aynsima annut aynte Kafarnawh ku pariye hiyeg amadgaya inin ka hiya nikehka. Ku inyewa pis keh annut ayge, uya akka wotuh pannu ay avit inin piwaxig ku kiney pis aymuhwa.”

Uhokri Gannasan

²³ Ig hiyapni henne, ig awna gitkis: ―Ay pahat yuwit patuwesbuhka ku pariye wis inpawa awna ku aysaw wis pukuhpaw gibohri pahapwi. Wis awna: “Ku pis igyerwa piyihekeputne, asá piyih pipit kite.” Ku apim inin yis awnanek inakni yuwit nuthu. Yis awna: “Usuh timé pak ku pis keh kaayhsima annut ayhté Kafarnawh ku pariye hiyeg amadgaya inin ka hiyá nikehka. Ku inyerwa pis keh annut ayge, uyá akki wothu pannu ay apit inin piwaxri ku kiney pis aymuhwa.”

Lúkas 4:23 Iomraidhean Croise

Matews 13:54

Ig diyuhe ta avitit paytwempu Nazaré, ku kiney pitatye ig misakwa. Ig danuh atere, ayge ig kannuhne hiyeg ariku judeyenevwi gileglisakis. Neras timepnevwi giwn ayge igkis wakaymnibdi gidahan. Igkis awna: — Kitak ig uti inin hiyakemniki? Kitak ig uti inin gannu?

Matews 4:13

Heneme ayteke ig pese avititak ini paytwempu, ig tivik misekwe avitit paytwempu Kafarnawh, ku pariye kennesa akigbimna mahakwa Galileya, aynte avit waxri Zebulomnaw akak Naftalimnaw.

Matews 4:23

Ayteke ariwnteke ini ig Kiyavwiye Jesus wew muwapuw ay Galileyamnaw. Ig kannuhekne arikuw judeyenevwi gileglisakis. Ig ekkene kibeyne inetit amin ku samah Uhokri kumaduka hiyeg. Hawata ig makniwene hiyeg ariw madikte karaytviyene ariw madikte mabimnakatru.

Markus 6:1

Pisenwa gawnan inakni iwit patuwesbunka, ig Kiyavwiye Jesus tivik ayteke. Ig diyuhe ta avitit giwaxig Galileyamnaw. Gikannuhnivwi igkis tivik gihapti.

Lúkas 2:39

Egme ginag Mahi gikak gaymuhten José egkis pisenwa akak madikte ku pariye Uhokri gimawkan ta gutkis, egkis tivik. Egkis diyuhe ta avitit guwaxigkis Galileyamnaw ta avitit ini paytwempu Nazaré.

Lúkas 2:51

Ayteke ig tivik guhaptikis ta avitit paytwempu Nazaré. Ayge ig kumadukasewne ta gutkis. Egme kiyavuno Mahi darihe inakni giwn ay gutiwrik. Eg takunipti ivegminano guhiyekemni nimin.

Lúkas 4:16

Ayteke ig danuh ta avitit paytwempu Nazaré ku kiney ig aymuhwa. Samdi abet ig lammesya ariku leglis ayge ku samah inpawa ig keh. Ayge ig kannikew ig tabire givetunkis hiyeg adahan ig ivegbohene Uhokri gannasan ta gitkis.

Lúkas 4:31

Ig danuh ta avitit paytwempu Kafarnawh aynte Galileynamnaw. Ayge ig kannuhne hiyeg abet samdi, abet ini hawkri ku pariye hiyeg judeyenevwi kiyatha.

Lúkas 4:35

Ig Kiyavwiye Jesus timapni hene, ig himehe ner wavitye. Ig awna git: — Tinwohaw. Asa pes ayteke givititak ner awayg. Aynewa ig wavitye nuwiswig. Ig keh ig tuguhe gibetkis hiyeg. Ayteke ig pese givititak. Ig ka keh mbaynema gikak aynesnima.

Lúkas 6:42

Ku aysaw pis ka hiyaknima ba ini ahadma ay piwtrik, pis ka hiya pisma awna ta git pikebyi: “Nukebyi, isaksanate nah wiwh ini iget piwtriktak.” Amun ini pis ikawvari ke wotbe pis kibeynebe hiyeg bawa pis mbayte giw pikebyi. Asa hiyak akak pidahankit pihiyekemni traksevye. Ayge nikwe ik adahan pis hiyak akak pikebyi gitaraksan.

Joawh 4:28

Ayteke eg tino ikise gunratiy ayge, eg sigise ta paytwempuwit. Eg danuh atere, eg awna gitkis hiyeg aygnenevwi:

2 Koríntyus 5:16

Kuri nikwe uhiyekemniwiy nukunewa akiw. Han pitatit wixwiy ka iki hiyeg henenwatma akiw awakunenwatma ku pariye uhiyvanwiy ay amadga inin. Minikwak nah iki Kiyavwiye Cristo henenwa, heneme kuri nah ka ikigi hene akiw.