Lúkas 4:18 - Uhokri Gahegbetawni Nukune akak Sawmus

¹⁸ “Kiyavwiye Uhokri kuwis kawihkiswen gikak Gitip. Ig kaniyven adahan nah ekkene kabayka ta gitkis hiyeg ku pariye kane hiyak kabayka. Ig awahkisun adahan nah ikene gawaygikis ta gitkis hiyeg ku pariye yumanene gawaygikis. Ig awahkisun adahan nah watakminavevye neras ku pariye wanaminamnevye. Ig awahkisun adahan nah keh motavye hiyap. Ig awahkisun adahan nah woka kabayka gidahankis hiyeg ku pariye hiyepne mbeyne.

Uhokri Gannasan

¹⁸ “Uhokri kuwis kawihkiswen gikak Gitip. Ig kaniypen adahan nah ekkene kabayka ta gitkis hiyeg ku pariye kane hiyak kabayka. Ig awahkisun adahan nah ikene gawaygyikis ta gitkis hiyeg ku pariye yumanene gawaygyikis. Ig awahkisun adahan nah watakminapepye hiyeg ku pariye wanamnamnepye. Ig awahkisun adahan nah keh motapye hiyá. Ig awahkisun adahan nah woka kabayka gidahankis hiyeg ku pariye hiyepne mbeyne.

Lúkas 4:18 Iomraidhean Croise

Sawmus 102:20

adahan timepne gimigiswankis kamaxkarempu, hawata adahan ig giwiwhpitnikis neras ku pariye ikaksepka adahan miyaka.

Sawmus 147:3

Ig makniwa ku pariye kuwisnene mabimnebdi gihiyekemnikis. Hawata ig piyih gibuskanakis.

Sawmus 2:2

Madikte gikivarakis hiyeg amedgenevwi inin igkis ahegbete ginetnikis adahan suguhnekis Kiyavwiye Uhokri Dehetniye. Madikte igkis ikivaratviyene tuguhkis gihiyekemnikis hehpekuye adahan igkis kavetunsenekis nernewa ku pariye Kiyavwiye Uhokri gikanyan adahan ukumaduketniwiy.

Sawmus 2:6

Ig awnanek gitkis: “Kuwis nah kaniye pahavwi adahan yikumaduketni. Kuri avim inin nah keh ig humaw yikivara ay avit inin nuwaxig kewye Siyawh.”

Sawmus 34:18

Ig misakwa kennesa gihumwakis neras ku pariye wakaymniyevwi hawata ig amnih neras ku pariye biyuksevye gikamaxwankis.

Sawmus 45:7

Pis batek keh ku pariye wadit. Pis ka batek akak ku pariye kane wadit. Innebaki keh piwohkiga Kiyavwiye Uhokri kivunsap akak ka aynsima batekka mpiy madikte hiyeg.

Sawmus 51:17

Heneme kawki innema keh pis batek. Pis muwaka hiyavun nah ahegbet adahan ihpene piwn. Inineki amawka nukanuh pit. Pis ka hiya pisma tukuh pahavwinema ku pariye kayehne gitaraksan, ig aharitne ihpene piwn.

Matews 11:5

Yis hiyap motavye hiyap, miyavuvye wew. Yis hiyap axpusakare avit busukne miypit, mataybavye timap, miyaravye kannikaw. Yis hiyap neras ku pariye kane hiyak kabayka, ku avim inin igkis ekkepka kabayka gitkis.

Matews 12:18

“Kiyavwiye Uhokri awna: ‘Ivegnay nubukuh nukanyan. Ignewa nah batek gikak. Ig keh nah batek ka aynsima. Nah kawihkis nutivuh givititnek. Ayge nikwe ig ekkene nuhiyekemni waditye ta gitkis madikte hiyeg.

Matews 12:20

Ig amnih hiyeg yumanene gawaygi. Ig ka dunih gawaygi akiw. Ku ig hiyap pahavwi hiyeg kene abukribe igigihpisa ig ka awakig akiw. Aysawnemenek ig ayta matekbeta madikte givetunyavu gihawkankis awaku ku samah ig kibeyne hiyeg.

Matews 4:16

Ignes hiyeg ku pariye abetnene amisnavye igkis hiyapnek nopsad kabutniki! Inme kabutniki uguhwanek givititkis neras ku pariye avitnene waxri abet amisnavye adahan miyaka!”

Matews 5:3

— Ka aynsima kabaykanek gidahankis hiyeg ku pariye ikewnevwi yumanene gawaygikis giwntekneswatma. Mmanawa ayge nikwe igkis kawihnek Uhokri gikumadukan.

Lúkas 4:17

Ikaka ta git pahak kagta Uhokri gannasan ku pariye Uhokri gawneve amekene Izaíyas gikagtan. Ig wokepni ig ute ini iwetrit ku kiney in awna:

Lúkas 6:20

Ayteke ig Kiyavwiye Jesus sarayh givegi ta gimkatkis gikannuhnivwi. Ig awna gitkis: — Ka aynsima kabayka ay yidahanek yis ku pariye ikewnevwi yumanene yawaygi yiwnteknewatma. Ayge nikwe yis kawih Uhokri gikumadukanek.

Lúkas 7:22

Pisenwa ig kaytwa giwnkis: — Hiyawa yis diyuhe akka git Joawh Batista ini annut ku pariye yis timap ku pariye yis hiyap ku avim inin. Yis hiyap motavye hiyap, miyavuvye wew. Yis hiyap hiyeg axpusakare avit busukne ignes miyvit. Yis hiyap mataybavye timap. Yis hiyap miyaravye kannikaw. Yis hiyap hiyeg ku pariye kane hiyak kabayka, ku avim inin ignes ekkepka kabayka gitkis.

Joawh 1:41

Pisenwa ig tivik gimkanit gegni Simawh. Ig danuh atere, ig awna git: — Yey. Usuh kuwis patipteke gikak “Messiyas”. Inakni “Messiyas” wownavrik “Cristo”, inaknikok “Uhokri gikanyan adahan ukumaduketniwiy”.

Joawh 12:46

Nah kewa paha abukribe. Nah ayta amadgat inin uguhne hiyeg gihiyekemnikis kahadbe neras ku pariye kamaxwevyes nuvitit ignes ka misakwa ke wotbe abet amisnavyebe.

Joawh 3:34

Ig Kiyavwiye Jesus ig Kiyavwiye Uhokri gawahkisni uminwiy. Ig akki Kiyavwiye Uhokri giwn wotwiy akak madikte gikiytani giwntakwa Kiyavwiye Uhokri Gitip. Mmanawa ig Kiyavwiye Uhokri kivunsig akak Gitip yumanene awetu.

Attus 10:38

Yis kuwis time gak Kiyavwiye Jesus Nazaréyene. Yis time gak ku samah Kiyavwiye Uhokri kawihkise Gitip givitit, ig ike gannu givitit. Ayteke nikwe ig Kiyavwiye Jesus tivik muwapuw kehne kabayka. Ig makniwe madikte ku pariye hiyepnevwi mbeyne giwntak wavitye gikivarakis. Ig makniwa madikte mmanawa ig Kiyavwiye Uhokri ay gikak.

Attus 26:18

Nah awahkispi adahan pis woka gihiyekemnikis. Adahan pis wagesgikis ke wotbe ariw misanpiki arimkat kabutniki. Adahan pis wagesgikis ariw Satanas gikumadukan arimkat Uhokri gikumadukan. Ayge nikwe igkis bayahminaka ariw gitaraksankisnek, igkis darih giwetrikisnek ay gibetkis neras ku pariye nuhiyegavu awaku ku samah igkis kamaxwenevwi nuvitit.” Henewatbaki in ku samah ig Kiyavwiye Jesus awna nutuh.

Attus 4:26

Madikte gikivarakis hiyeg amedgenenevwi inin igkis ahegbete ginetnikis adahan igkis suguhnes Kiyavwiye Uhokri. Madehkis ikivarat tuguhkis gihiyekemnikis hehpekuye adahan igkis kavetunsenes Kiyavwiye Uhokri adahan igkis kavetunsenes Cristo, ku pahavwi Uhokri gikanyan adahan ukumaduketniwiy.”

Attus 4:27

Piwnapnawa, Kiyavwiye. Metakwa inakni piwn humaw ku avim inin. Ig kiyavwiye Erodis gikak kiyavwiye Ponsiyu Pilatus gikakkis ignes hiyeg ku pariye kane judeyenevwima gikakkis ignes hiyeg ku pariye izhaewyenevwi, igkis madehkis tuguhkis gihiyekemnikis hehpekuye adahan igkis kavetunsenes Kiyavwiye Jesus ku pariye pikamkayh barewvitye ku pariye pikanyan adahan ukumaduketni.

Kolosénses 1:13

Kibeyne, ig keh wixwiy isahptaw ariw wavitye gikumadukan amisnavye. Ig manukse wixwiy abetit gikamkayh gibetki gikumadukan.

Tiyagu 2:5

Ataybiswanabay nutuh, nukebyuvwi kibeynevwi. Kiyavwiye Uhokri kaniy hiyeg madiptavye amadga inin adahan ig keh igkis humaw igisavye abet gihiyekemnikis awaku gikamaxwankis givitit Kiyavwiye Uhokri. Aysawnemenek ig keh igkis kumadukanek payak gikak mmanawa ig kuwis ikaksin hene gitkis madikte hiyeg ku pariye batekyevwi gikak.

1 Pedru 2:9

Wixwiyme ka henema, nukebyuvwi. Wixwiynewa Uhokri gikanyanvu. Wixwiynewa Kiyavwiye Uhokri gimuwvegavu adahan wixwiy danukwa git Kiyavwiye Uhokri takunipti adahan kehne gibetki. Wixwiynewa gihiyegavu barewvityevwi, gihiyegavu gidahannen Kiyavwiye Uhokri. Wixwiy kaniyka adahanikwa hiyapkisne gabay ner ku pariye humekwewiy abetitak amisnavye tahan abetit gibutni kane abewisima.