Lúkas 4:1 - Uhokri Gahegbetawni Nukune akak Sawmus

¹ Ig Kiyavwiye Jesus tivik ariwntak egu warik Jordawh ig gitiphewne Uhokri. Ig danuh ta amadgat amatap. Ayge ig Uhokri Gitip gihwitenten.

Uhokri Gannasan

¹ Ig Kiyapwiye Jesus tipik ariwntak eggu warik Jordawh ig gitiphewne Uhokri. Ig danuh ta amadgat amatap. Ayge ig Uhokri Gitip gihuwtenten.

Lúkas 4:1 Iomraidhean Croise

Matews 3:16

Ig kaywevgi. Igme Kiyavwiye Jesus iyakantenwa ahakwatak un, en woke. Ig hiyap Uhokri Gitip muhuke givitit, gihivak ke pahavu tukwabe.

Lúkas 2:27

Avim ini hawkri ig Uhokri Gitip awahkiswig parak ta arikut ini leglis kewye Uhokri Givin. Ig danuh atere. Ayteke Jesus ginag gikak José egkis hawata danuh atere. Egkis waxwe Jesus atere adahan egkis gekkepten ta git Uhokri ku samah gikumadukan awna.

Lúkas 3:3

Ig timapni hene, ig tivik. Ig ekkene giwsavan Uhokri muwapuw aranwa warik Jordawh. Ig awna gitkis hiyeg: — Wagesnabay yihiyekemni ariw yitaraksan. Kewvinabay ta ahakwat un adahan yis amevene ini ku Uhokri bayahminay ariw yitaraksan. Henewatbaki ig Joawh Batista awna.

Lúkas 3:38

Igme Kaynah kigniye Enos. Igme Enos kigniye Seti. Igme Seti kigniye Adão. Igme Adão kigniye Kiyavwiye Uhokri.

Lúkas 4:14

Pisenwa ig Kiyavwiye Jesus tivik ig diyuhe ta avitit Galileymnaw akak Uhokri Gitip gannu ay givit. Inetit gidahan ibekhewvi muwapuw ayge.

Lúkas 4:18

“Kiyavwiye Uhokri kuwis kawihkiswen gikak Gitip. Ig kaniyven adahan nah ekkene kabayka ta gitkis hiyeg ku pariye kane hiyak kabayka. Ig awahkisun adahan nah ikene gawaygikis ta gitkis hiyeg ku pariye yumanene gawaygikis. Ig awahkisun adahan nah watakminavevye neras ku pariye wanaminamnevye. Ig awahkisun adahan nah keh motavye hiyap. Ig awahkisun adahan nah woka kabayka gidahankis hiyeg ku pariye hiyepne mbeyne.

Joawh 1:32

Avim ini ig Joawh Batista akkamnihne ku samah ig hiyap Kiyavwiye Uhokri Gitip ayta inuriktak, gihivak ke pahavu tukwabe, ig misakwa givitit Kiyavwiye Jesus.

Joawh 3:34

Ig Kiyavwiye Jesus ig Kiyavwiye Uhokri gawahkisni uminwiy. Ig akki Kiyavwiye Uhokri giwn wotwiy akak madikte gikiytani giwntakwa Kiyavwiye Uhokri Gitip. Mmanawa ig Kiyavwiye Uhokri kivunsig akak Gitip yumanene awetu.

Attus 1:2

he ku aysaw ig iwepka inurikut. Nah kuwis ekke pit ku samah avit giwegepni ig ike gannivwi giwakuritkis giwatnivwi gikanyanvu. Ig ayge ikene gihiyekemnikis akak Kiyavwiye Uhokri Gitip gannu ay givit. Pisenwa ig iwepka inurikut.

Attus 10:38

Yis kuwis time gak Kiyavwiye Jesus Nazaréyene. Yis time gak ku samah Kiyavwiye Uhokri kawihkise Gitip givitit, ig ike gannu givitit. Ayteke nikwe ig Kiyavwiye Jesus tivik muwapuw kehne kabayka. Ig makniwe madikte ku pariye hiyepnevwi mbeyne giwntak wavitye gikivarakis. Ig makniwa madikte mmanawa ig Kiyavwiye Uhokri ay gikak.

Attus 8:39

Pisenwa igkis wagehe ahakwatak un. Aynewa ig Kiyavwiye Uhokri Gitip iwe Filip. Igme ner awayg ka hiyavgi akiw. Heneme ig tivik akak batekka.