Lúkas 3:23 - Uhokri Gahegbetawni Nukune akak Sawmus

²³ Ariwnteke ini ig Kiyavwiye Jesus kavusa gannivwi gidahan Uhokri. Avim ini ig kadahan mpanabu madikwa kamukri (30) gaw. Gitkis hiyeg ig José gikamkayh. Gihawkri giw Eli.

Uhokri Gannasan

²³ Ariwnteke ini ig Kiyapwiye Jesus kapusa gannipwi gidahan Uhokri. Apim ini ig kadahan mpanabu madikwa kamukri (30) gaw. Gitkis hiyeg ig amekene José gikamkayh. Gahawkri giw amekene Elí.

Lúkas 3:23 Iomraidhean Croise

Matews 1:1

Ay giwkis Kiyavwiye Jesus Cristo gihawkrivwi. Ig Kiyavwiye Jesus ig amekene Davi gihiwhi, igme amekene Davi ig amekene Abraawh gihiwhi.

Matews 1:16

Igme amekene Jakó gikamkayh José, ku pariye kiyavuno Mahi gugihgi. Egme Kiyavwiye Jesus ginag. Igme Kiyavwiye Jesus igi Cristo, ig Uhokri gikanyan adahan ukumaduketniwiy.

Matews 1:6

Igme amekene Jessé gikamkayh ikivarat amekene Davi. Igme amekene Davi gikamkayh amekene Salomão ku pariye gukak gixiwhan amekene Uriyas gihayo.

Matews 13:55

Ka ba ig he ahevutnenen gikamkayh? Ka ba nernema kinagniyo kiyavuno Mahi? Ka ba Tiyagu gikak José, Simawh, Judas, ka ba igkisnema gisamwivwi?

Matews 4:17

Ayteke ig Kiyavwiye Jesus kavusa akka Uhokri giwn gitkis hiyeg. Ig awna: — Wagesnabay yihiyekemni ariw yitaraksan mmanawa ahawkanavrik Uhokri gikumadukan kuwis danuh!

Markus 6:3

Ka ba pis hiyap ku ner he ahevutnenen gikamkayh? Ka ba nernema kinagniyo kiyavuno Mahi? Ka ba Tiyagu gikak José, Judas, Simawh, ka ba igkisnema gisamwivwi? Ba gisamuvwi ka ba egkisnema misakwa ay ubetwiy? Ayge nikwe igkis kiyimwih gikak Kiyavwiye Jesus, igkis tukuhwevwa giw.

Lúkas 2:48

Eg ginag gikak gaymuhten José egkis hiyavgi ayge, egkis wakaymni. Eg ginag awna git: — Bakimni, mmahka pis arehwa ukakuh hene? Nah gikak pig usuh ka aynsima kiyimwih unaktin pikak adahan pivegepten muwapuw.

Lúkas 3:31

Igme Eliyakih kigniye Melea. Igme Melea kigniye Mena. Igme Mena kigniye Matata. Igme Matata kigniye Natah. Igme Natah kigniye Davi.

Lúkas 4:22

Igkis hiyeg timapni hene, igkis wakaymnibdi gimin. Igkis awna: — Inakni kibeyne iwit. Mmahki ig awna inakni iwit hene? Ka ba yis hiyap ku ner he Josenen gikamkayh?

Joawh 1:45

Ayteke ig Filip tivik iwasene pahavwi gikagmada kewye Natanael. Ig danuh atere, ig awna git: — Usuh kuwis patipteke gikak Uhokri gikanyan adahan ukumaduketniwiy, ner ku pariye amekene Moís kinetihwa gimin minikwak, ner ku pariye Uhokri gawnevevu pitatyevwi kinetihwa gimin. Igi Kiyavwiye Jesus Nazaréyene, ku pariye José gikamkayh.

Joawh 6:42

Igkis awna: — Mmahki ig awna inakni iwit hene? Ig ikawvari ku ig inurikyene. Ka ba pis hiyap ku ner he amekene Josenen gikamkayh? Usuh hiyak gig gukak ginag. Ig ka inurikyenema.

Attus 1:1

Kiyavwiye Teófilu, nah Luwkas awahkis kabayka pimin. Amakohnokwa nah awahkise pahak kagta pimin. Amadga inere pitatye kagta nah ekke pit madikte ku pariye Kiyavwiye Jesus gikehnitnene, madikte ginetni ku samah ig aynete amadga inin