Lúkas 3:22 - Uhokri Gahegbetawni Nukune akak Sawmus

²² Ayteke Uhokri Gitip muhuke givitit, gihivak ke pahavu tukwabe. Ayteke paha ikuvimnat awna aytontak inuriktak. In awna: — Pisnewa nukamkayh nubetki. Nah batek pikak ka aynsima.

Uhokri Gannasan

²² Ayteke Uhokri Gitip muhuke ta gipitit, gihipak ke pahapu tukwabe. Ayteke pahá ikupimnat awna aytontak inugiktak. In awna: ―Pisnewa nukamkayh nubetki. Nah batek pikak kaayhsima.

Lúkas 3:22 Iomraidhean Croise

Sawmus 2:7

Igme ner ikivarat awnanek gitkis: “Nah akkite yit ku pariye Kiyavwiye Uhokri Dehetniye giwn nutuh. Ig awna nutuh: “Pisnewa nukamkayh. Kuri avim inin nah akkap ku pis igyewa nukamkayh.

Matews 12:18

“Kiyavwiye Uhokri awna: ‘Ivegnay nubukuh nukanyan. Ignewa nah batek gikak. Ig keh nah batek ka aynsima. Nah kawihkis nutivuh givititnek. Ayge nikwe ig ekkene nuhiyekemni waditye ta gitkis madikte hiyeg.

Matews 17:5

Ku samah ig awnehpiye inakni iwit hene, pahaye adahan paha ukuhne kane amuwyisima biwhe givititkis. Ayteke paha ikuvimnat awna gitkis aytontak abetitak ini ukuhne. In awna: — Ner nukamkayh nubetki. Ig keh nah batek ka aynsima. Ataybiswanabay git.

Matews 27:43

Ig awna ku ig kamaxwa givitit Uhokri. Ig ikawvari Uhokri gikamkayh. Ku henewa Uhokri kavigsanig, uyay hiyap ba Uhokri amnihgi kuri! Henewatbaki igkis awna.

Matews 3:13

Abetnewa ini hawkri, ig Kiyavwiye Jesus pese avititak Galileyamnaw ig tivik avigkute warik Jordawh. Ig danuhe atere git Joawh Batista, ig awna git: — Uya kaywevun.

Matews 3:16

Ig kaywevgi. Igme Kiyavwiye Jesus iyakantenwa ahakwatak un, en woke. Ig hiyap Uhokri Gitip muhuke givitit, gihivak ke pahavu tukwabe.

Matews 3:17

Ayteke pahat ikuvimnat awnaka inuriktak. In awna: — Pisnewa nukamkayh nubetki. Nah batek pikak ka aynsima.

Markus 1:11

Ayteke pahat ikuvimnat awna aytontak inuriktak. In awna: — Pisnewa nukamkayh nubetki. Nah batek pikak ka aynsima.

Markus 1:9

Abetnewa ini hawkri ig Kiyavwiye Jesus pes avititak paytwempu Nazaré, aynte avit Galileyamnaw. Ig danuh atere git Joawh Batista. Igme Joawh Batista kaywevgi avigku egu warik Jordawh.

Markus 9:7

Pahaye adahan paha ukuhne biwhe givititkis. Ayteke paha ikuvimnat awna gitkis aytontak abetitak ini ukuhne. In awna: — Ner nukamkayh nubetki. Ataybiswanabay git.

Lúkas 2:14

— Kibeyne gidahan Uhokri ay inurik. Batekka ay gidahankis hiyeg ku pariye Uhokri gibetkivu ay amadga hawkri.

Lúkas 4:21

Ig awna ta gitkis hiyeg: — Ku avim inin inakni iwit Uhokri gannasan metakwa in kahayak amun ini ku aysaw yis timapni.

Joawh 1:32

Avim ini ig Joawh Batista akkamnihne ku samah ig hiyap Kiyavwiye Uhokri Gitip ayta inuriktak, gihivak ke pahavu tukwabe, ig misakwa givitit Kiyavwiye Jesus.

Joawh 12:28

Pa, Niguh, nah he muwaka pis kiyathasa piw. Ku samah ig awna inakni iwit, nikwenewa pahat ikuvimnat awna git ayta inuriktak. In awna: — Kuwis nah kiyathasa nuwhu. Aysawnemenek nah kiyathasin akiw.

Joawh 5:37

Hawata akiw igwa Niguh nawahkisten ignewa akkan ku pariyene nah. Ig kuwis awna inuriktak ku nah gikamkayh. Heneme yis ka timapti inakni giwn. Yis kawnata hiyap gihivak ku aysaw ig kahayaksaw.

Attus 10:38

Yis kuwis time gak Kiyavwiye Jesus Nazaréyene. Yis time gak ku samah Kiyavwiye Uhokri kawihkise Gitip givitit, ig ike gannu givitit. Ayteke nikwe ig Kiyavwiye Jesus tivik muwapuw kehne kabayka. Ig makniwe madikte ku pariye hiyepnevwi mbeyne giwntak wavitye gikivarakis. Ig makniwa madikte mmanawa ig Kiyavwiye Uhokri ay gikak.

Kolosénses 1:13

Kibeyne, ig keh wixwiy isahptaw ariw wavitye gikumadukan amisnavye. Ig manukse wixwiy abetit gikamkayh gibetki gikumadukan.

1 Pedru 2:4

Nukebyuvwi, uyay danukwa digiw gihumwat Kiyavwiye Jesus. Minikwak hiyeg tukuhpig heneme Kiyavwiye Uhokri kavigsig ig ka aynsima batek gikak. Ig Kiyavwiye Jesus ig kewa pohow tipbe. Ig tip dehetniku.