Lúkas 3:16 - Uhokri Gahegbetawni Nukune akak Sawmus

¹⁶ Ig Joawh Batista hiyapni hene, ig awna gitkis: — Ku aysaw nah kaywevyi, nah kawihkis un ta yivitit, heneme pahavwi nehmnikuhpiye nuhavuh butte ku pariye kaywevyinek akak igyewa Uhokri Gitip adahan ig kawihkis gidahanwa gihiyekemni akak gannu ta yivitit. Yaytakme ig kawihkis tiket ta yivititnek. Ig ner ka aynsima gikiytani mpiyan. Nah yuma nukiytanisima gitivut adahan nah ayavig wiwh gikaswatni gikugkaptak.

Uhokri Gannasan

¹⁶ Ig amekene João Batista hiyapni henne, ig awna gitkis: ―Ku aysaw nah kaywepyi, nah kawihkis un ta yipitit. Henneme pahapwi nemnikumpiye nuhapuh butte ku pariye kaywepyi akak igyerwa Uhokri Gitip adahan ig kawihkis gidahanwa gihiyakemni akak gannu ta yipitit Yaytakme ig kawihkis tiket ta yipititnek. Ig ner kaayhsima pi kiyatte mpiyhan. Nah yuma nukiythanisima gitiput adahan nah ayapig wiwh gikasotni gikugkuptak.

Lúkas 3:16 Iomraidhean Croise

Matews 3:11

Ayteke ig Joawh Batista awna gitkis madikte hiyeg. Giwn: — Nah kawihkis un yivitit adahan areketni ku yis wagese yihiyekemni ariw yitaraksan. Heneme pahavwi nehmnikuhpiye nuhavu butte igi kaywaynek akak igyewa Uhokri Gitip adahan ig kawihkis gidahanwa gihiyekemni akak gannu yivitit. Yaytakme ig kawihkisnek tiket yivitit. Igi ka aynsima gikiytani mpiyan. Nah yumahwa nukiytani gitivut adahan nah ayavig hiyuh gikaswatni.

Matews 3:12

Aysawnemenek ig ibekhebdihnek hiyeg hawata ku samah wis ibekhebdihpiye amutri ayak ariw amar. Ig kuwis ahegbet ibekhevye hiyeg ke pahavwi awaygbe akak huw ay giwaku adahan ig mihikohbetene amutri ayak ariw amar. Ig ibakhanek ku pariye kibeynevwi akak ku pariye kane kibeynevwima. Ku samah wis bayah amutri ayak arikut payt, amarme wis bukehpin, hawata ner nehmnikuhpiye ig bayahnek hiyeg ku pariye kibeynevwi ariku givin. Ignesme ku pariye kane kibeynevwima ig bukahavenek ariwtrikut tiket ku pariye kane awakti.

Joawh 1:26

Igme kaytwa giwnkis: — Nahwa kadahan ini nukumadukan adahan nah kaywene hiyeg ahakwat un. Heneme ay pahavwi ubetwiy ku pariye ka aynsima gikytani mpiyan. Yis ka hiyakgi.

Joawh 1:27

Ig nehmnikuhpiye nuhavuh butte heneme ig ka aynsima gikiytani mpiyan. Nah yuma nukiytanisima gitivut adahan nah ayavig wiwh gikaswatni gikugkaptak.

Joawh 1:33

Giwn: — Avit nah hiyavgi, nah ka hiyakgi ba ig giwntakwatma Kiyavwiye Uhokri. Heneme ig Kiyavwiye Uhokri ku pariye nawahkisten adahan nah kaywene hiyeg ahakwat un, ignewa akkig nutuh. Ig awna nutuh: “Ku pis hiyap nutivuh muhuk misakwa givitit pahavwi, ignewatbaki ku pariye kaywa hiyeg gikak igyewa nutivuh barewvitye, adahan ig kawihkis nudahanwa nuhiyekemni givititkis.

Joawh 7:38

Yis ku pariye kamaxwenevwi nuvitit, yis hawata humawnek kewa un dehetniki ariwtyakbe gidahankis hiyeg. In ke wotbe ka aynsima un dehetniki pes yiwntaknek adahan ikene gidehetnikis ka aynsima hiyeg akiw. Henewatbaki Uhokri gannasan awna.

Attus 1:5

Minikwak ku aysaw Joawh Batista kayway, ig kawihkis un yivitit adahan ekkene ku yis wewkere akak Uhokri gihiyekemni. Heneme hawkavanek igyewa Kiyavwiye Uhokri Gitip kawihkiska yivititnek kahadbe gihiyekemniyewa misakwa ay abet yihiyekemni. Hennebaki ig kaywevyinek.

Attus 10:44

Pahaye adahan ku samah ig Pedru awnempiye inakni iwit hene, ig Kiyavwiye Uhokri Gitip kawihe neras ku pariye timepnevwi giwn.

Attus 2:33

Kuwis ig iwepka tahan inurikut adahan ig misakwa ayge gihumwa Kiyavwiye Uhokri amun ini iwetrit ku pariye kane nikiytanisima kihehaptak. Ayge ig Wigwiy ike Gitip giwakuwit Kiyavwiye Jesus ku samah gikaksan git minikwak. Igme kawihkise Gitip uvitituh ku avim inin. Inineki ku pariye yihiyvan. Inineki ku pariye yitimpan.

1 Koríntyus 12:13

Wixwiy ayvekuye givit Cristo. Ku pariye judeyenevwi gikakkis ku pariye kane judeyenevwima, ku pariye ibukti gikakkis ku pariye kane ibuktima, wixwiy madikte kawihkiska givitit Cristo gavit pahavwiwa Gitip. Igme Gitip kawihkiska uvititwiy.