Lúkas 3:11 - Uhokri Gahegbetawni Nukune akak Sawmus

¹¹ Igme kaytwa giwnkis: — Amnihaknay pawtak. Ku pahavwi yaytak kasimsa pikana akebi, amawka ku ig iki pahak ta git pahavwi ku pariye yumanene gisimsa. Ku pahavwi yaytak kamana, amawka ku ig iki git pahavwi ku pariye yumanene gimana. Henewatbaki ig Joawh Batista awna.

Uhokri Gannasan

¹¹ Igme kaytwa giwnkis: ―Amnihaknay pawtak. Ku pahapwi yaytak kasimsa pikana akebyi, amawka ku ig ikí pahak ta git pahapwi ku pariye yumanene gisimsa. Ku pahapwi yaytak kamana, amawka ku ig ikí git pahapwi ku pariye yumanene gimana. Hennewatbaki ig amekene João Batista awna.

Lúkas 3:11 Iomraidhean Croise

Matews 25:40

Nahme yikivara kaytwa giwnkisnek: “Minikwak ku aysaw yis amnihe pahavwi nukebyi ku pariye yumahwatnene gikiytani, amun ini nikwe yis kuwis amnihpen.”

Lúkas 11:41

Wake yis ikibe yihiyekemni ta git Uhokri, wake yis amnihbe hiyeg yis kakanhawbe gitkis amadgatak yimewkan, nikwekam madikte yewkanbet barewarikapnekam giwtrik Uhokri.

Lúkas 18:22

Igme Kiyavwiye Jesus timapni hene, ig awna git: — Pehete muwak pit ku pariye pis kote ihpate. Amawka pis batek gikak Uhokri mpiy madikte pewkanbet. Ataknaba piyuk pewkanbet madikte. Ayteke nikwe pis iki akakuravig gitkis madiptavye. Ayge nikwe pis uti ka aynsima igiska aynte inuriknek. Ayteke pisenwa paviykan pewkanbet pis ayta wew nukakuh.

Lúkas 19:8

Ayteke Zakew kannikew ayge giwtrikkis hiyeg, ig awna git Kiyavwiye Jesus: — Kiyavwiye, nah kakanhawte ta gitkis madiptavye abusku newkanbet. Hawata akiw ku nah katiwnihkise git pahavwi mpiynevevye, nah diyuhkiste gikakura awenyan mpiy akiw paxkavut avitmin akiw.

Joawh 13:29

Gaytakis givewkankis adahan ig isimne im adahan fet. Gaytakisme givewkankis adahan ig ikene karukri gitkis madiptavye. Igkis kiyemina hene mmanawa ig Judas Iskariyotismin avuriwne ukakura.

Attus 10:2

Ig batekye gikak Kiyavwiye Uhokri. Ig kiyathig payak gikakkis madikte givinekuya. Ig amnihne ka aynsima judeyenevwi madiptavye. Takunipti ig piriyepkewne.

Attus 10:31

Ig awna nutuh: “Kiyavwiye Kornelyu. Kiyavwiye Uhokri kuwis timap piviryepkawni. Ig kiye ku samah pis amnih madiptavye.

Attus 10:4

— Kiyavwiye Kornelyu. Igme Kornelyu wadisasew. Ig iveg gimkat. Ig kaytwa giwn: — Kiyavwiye, pariye pimawkan nutuh? Igme ahj awna git: — Kiyavwiye Uhokri timap piviryepkawni. Ig hiyap ku samah pis amnih madiptavye. Inneki keh ig kiyepi.

Efésyus 4:28

Ku pahavwi ba gamevwi, amawka ig ka amevwi akiw. Kawki inenewatma ig ka amevwima akiw, heneme kuri amawka ig mpiksaw kannivwi kibeyne annivwit kahadbe ig kadahan arikna adahan amnihne pahavwi ku pariye madiptivye.

1 Timótyu 6:17

Ikinaba gihiyekemnikis hiyeg ku pariye igisavye akak gewkanbetkis amedgene inin adahan igkis ka ikaw kabaytema giwkis nawenyevwi hiyeg. Awnanaba gitkis adahan igkis ka iveg avitit gikakurakis, ku pariye kane ik adahan wis iveg nivitit. Awnanaba gitkis adahan igkis iveg givititnen Kiyavwiye Uhokri. Ig Kiyavwiye Uhokri ka mavukwiyema, ig iki wotwiy madikte kabayka akak madikte gibetki kahadbe wixwiy batek.

1 Timótyu 6:18

Ikinaba gihiyekemnikis adahan igkis keh ka aynsima kabayka gikakkis hiyeg, adahan igkis igisye akak gikehnikis kabayka, adahan igkis ka mavukwiyema, adahan igkis ahegbet adahan amnihne hiyeg.

Ebréws 6:10

Ig Kiyavwiye Uhokri ig waditye. Ig ka miyeh yannivwi ku samah yis kannivanene gidahan. Ig ka miyeh ku samah minikwak yis amnih gihiyegavu, kuviknene yis amnihgikis, awaku ku samah yis batekye gikak Kiyavwiye Uhokri.

Tiyagu 1:27

Nah akkite yit ku pariye igyewa Kiyavwiye Uhokri gihiyega yumanene gitaraksan giwtrik Kiyavwiye Uhokri. Ig pahavwi ku pariye avuriw migenavye gukakkis madankunovwi ku aysaw egkis abet mbeyne. Hawata akiw ig avuriw gihiyekemni ariw patahwaki amadgaya inin.

Tiyagu 2:14

Nukebyuvwi, ku pahavwi awna: “Nah kamaxwa givitit Kiyavwiye Jesus”, heneme ku ig ka wew akak Kiyavwiye Jesus gihiyekemni, ayge nikwe ini gikamaxwan givitit in waditnevyenenwa. Akebi ini kamaxwaki ka hiya inma keh ig isahptaw ariw gitaraksan adahan ig danuhne git Kiyavwiye Uhokri.

1 João 3:17

Ku pahavwi awayg igisye ku ig hiyap gikebyi abet mbeyne, heneme ku ig pidik giwak gidahan, ba Kiyavwiye Uhokri gamnihra ay givit? Yuma.

1 João 4:20

Heneme ku pahavwi awna: “Nah batek gikak Kiyavwiye Uhokri”, giyakime hiyeg ig ka batek gikak, nikwe inakni giwn wasaymaka akiw. Ku yis hiyap ig ka batek gikak giyaki hiyeg ku pariye ig hiyapnigwatnene, mmahpaki ik adahan ig batek gikak Kiyavwiye Uhokri ku pariye ig kane hiyavgiwatnene?