Lúkas 3:1 - Uhokri Gahegbetawni Nukune akak Sawmus

¹ Ayteke ariwnteke ini kibite kamukri akiw, Uhokri wasavanew gimin Joawh Batista, ig ku pariye amekene Zakariyas gikamkayh. Avim ini hawkri amekene Tiberiyu Sezar kumadukene madikte hiyeg romayenevwi. Ayipa ig kumadukigkis adahan kibite kamukri, madikawkubu akebi akak pohowkubu arawna (15). Igme amekene Pônsiyu Pilatus kumadukene hiyeg gidahan Sezar ay avit Judeyamnaw. Igme Erodis kumadukene hiyeg gidahanwata Sezar ay avit Galileyamnaw. Igme gegni amekene Filip kumadukene hiyeg gidahanwata akiw Sezar ay avit Itureyamnaw akak Tirakoniteyamnaw. Igme amekene Lisâniyas ig hawata kumadukene hiyeg gidahanwata Sezar ay avit Abileneyamnaw.

Uhokri Gannasan

¹ Ayteke ariwnteke ini kibite kamukri akiw, Uhokri wasapanaw gimin amekene João Batista, ig ku pariye amekene Zakaríyas gikamkayh. Apim ini hawkri amekene Tibériyu Sésar kumadukene madikte hiyeg romayenepwi. Ayipa ig kumadukigkis adahan kibite kamukri, madikawkubu akebyi akak pohowkubu arawna (15). Igme amekene Pônsiyu Pilatus kumadukene hiyeg ay apit Judeyamnaw. Igme amekene Erodis kumadukene hiyeg ay apit Galiléyamnaw. Igme gegni amekene Filip kumadukene hiyeg ay apit Ituréyamnaw akak Tirakoniteyamnaw. Igme amekene Lisâniyas ig kumadukene hiyeg ay apit Abileneyamnaw.

Lúkas 3:1 Iomraidhean Croise

Matews 14:1

Avim ini hawkri ner hiyaptigi Erodis ig time Kiyavwiye Jesus gak ku samah ig keh annut.

Matews 14:3

Ig awna inakni hene mmanawa ignewa kamaykistinene Joawh Batista. Ig wanakkisgwig, ig sarayhkiswig arikut parakseket. Ig keh hene guvatra amakano Erodiyas ku pariye gegni Filip gimaytwa.

Matews 14:6

Avim ini ig Erodis keh gifetra adahan ku samah ig amadga wayk. Ayge abet ini fet eg amakano Erodiyas gukamkayh himano eg kayno eg pahavo gidahankis gawnasanvu. Eg keh ig Erodis batek ginaktin mpiynevevye.

Matews 22:17

Ayge nikwe usuh muwaka hiyak pahat hiyakemniki. Uya akki wotuh. Ig Sezar neras romayenevwi gikivarakis ig mpiksaptih wixwiy judeyenevwi adahan wixwiy katiwnihgi. Ba wadit adahan wixwiy katiwnihgi? Ba ka wadit?

Matews 27:2

Ayteke nikwe igkis wanakminasevgi. Igkis waxwevgi ta gimkanit Pilatus, ner hiyaptigi romayene. Igkis danuh atere, igkis ikevgi ta giwakurit.

Markus 6:17

Ig awna inakni hene mmanawa ignewa kamaykistinene Joawh Batista. Ig wanakkiswig, ig sarayhkiswig arikut parakseket. Ig keh hene guvatra amakano Erodiyas, ku pariye gegni Filip gihayo mmanawa ig kamaxwig.

Markus 6:21

Egme amakano Erodiyas guhawkanavrik danuh adahan eg giwmasepten. In danuh ku aysaw ig Erodis keh gifetra adahan ku samah ig amadga wayk. Avim ini ig awnase ka aynsima hiyeg kiyatyevwi. Ig awnese gihiyegavu ku pariye avuriwnevwi gikumadukan payak gikak. Ig awnese gisuwtatavu gikivarakis. Hawata akiw ig awnese madikte neras Galileyenevwi ku pariye pi kiyatenene ayge.

Lúkas 13:31

Avimnewa ini hawkri gaytakkis neras farizewkis danuh atere git Kiyavwiye Jesus. Igkis awna git: — Su tivik. Pes aytaki. Mmanawa kiyavwiye Erodis pihavu piwmepten.

Lúkas 2:1

Avim ini hawkri minikwak amekene Sezar Awgustu wasavanaw giminkis madikte hiyeg adahan igkis tamakkiswiyes giwkis adahan pukuhpiye aysaw gikebikis.

Lúkas 23:24

Ig awna: — Henewa nikwe ku samah gimawkankis.

Lúkas 3:19

Hawata akiw ig awna gimin ner hiyaptigi Erodis avatra ku samah igme powkemnihwe gukak giwgun amakano Erodiyas, ig keh ka aynsima mbayka akiw.

Lúkas 9:7

Avim ini hawkri ner hiyaptigi Erodis time arak ini Kiyavwiye Jesus gannu. Ig ka aynsima kiyimwihwe awaku ig ka hiyak igi hiyeg. Ig kiyimwihwe awaku gaytakkis hiyeg iki ku ig Kiyavwiye Jesus ig Joawh Batista kannikew akiw ariw gimiremni.

Attus 23:26

— Kiyavwiye Felix, nah Kilawdiyu Lisyas awahkis kabayka pimin. Pis kibeyne hiyaptigi.

Attus 24:27

Ariwnteke ini pikana kamukri akiw, pahavwi awayg kewye Pórsyu Festu humaw hiyaptigi giwenyan Felix. Igme Felix tivikwiye, ig ikise Pol ariku parakseket awaku neras judeyenevwi giwewkistenkis ka muwaka ig isahkisgi.

Attus 26:30

Ayteke ig Agripa kannikew gikak Porsyu Festu gukak kiyavuno Berenisi. Madikte hiyeg kannikewbet.

Attus 4:27

Piwnapnawa, Kiyavwiye. Metakwa inakni piwn humaw ku avim inin. Ig kiyavwiye Erodis gikak kiyavwiye Ponsiyu Pilatus gikakkis ignes hiyeg ku pariye kane judeyenevwima gikakkis ignes hiyeg ku pariye izhaewyenevwi, igkis madehkis tuguhkis gihiyekemnikis hehpekuye adahan igkis kavetunsenes Kiyavwiye Jesus ku pariye pikamkayh barewvitye ku pariye pikanyan adahan ukumaduketni.