Lúkas 24:51 - Uhokri Gahegbetawni Nukune akak Sawmus

⁵¹ Henewa ig tivik giwkis ig iwepka ta inurikut.

Uhokri Gannasan

⁵¹ Hennewa ig tipik giwkis ig iwepka ta inugikut.

Lúkas 24:51 Iomraidhean Croise

Markus 16:19

Pisenwa inakni gawnan, ig Kiyavwiye Jesus iwepka ta inurikut. Ayge ig batahkiswe adahan ig kumadukene gihumwa Kiyavwiye Uhokri ay amun ini iwetrit ku pariye kane nikiytanisima kihehaptak.

Lúkas 24:50

Ayteke pisenwa inakni gawnan, igkis pese. Ig Kiyavwiye Jesus waxwevgikis kennesa arimkanit paytwempu Betaniya. Ayge ig awokasew gimkanitkis. Ig sarayh kabayka givititkis.

Lúkas 24:52

Igkis hiyapni hene, igkis kabayhig. Ayteke igkis diyuhe ta avitit Jerusalém akak madikte gibetkikis.

Joawh 20:17

Igme awna gut: — Ka ba daxtan, mmanawa nah kote wagahte git Niguh. Su atak gitkis nukebyuvwi. Uya akki gitkis ku nah me wagehemet git Niguh gitwata Yig, git nuwohkiga, gitwata yiwohkiga.

Attus 1:9

Ayteke pisenwa inakni gawnan, ig Kiyavwiye Jesus iwepka inurikute giwtrikneswa gikannuhnivwi. Ayteke ig uguhe abet paha ukuhne.

Ebréws 1:3

Ig gikamkayh kivun akak Uhokri gihiyekemni ku pariye kane nikiytanisima. Ignewa kahayaksa wotwiy igyewa Kiyavwiye Uhokri amadga inin. Ig wewkis inin hawkri he akak giwnnenwa. Giwn ka nidatnisima. Minikwak ig sagahptewiy ariw utaraksanwiy. Pisenwa ig batahkiswe adahan ig kumadukene gihumwa Ukivarawiy detye aynte inurik, ay amun ini iwetrit ku pariye kane nikiytanisima kihehaptak.

Ebréws 4:14

Kibeynekata wixwiy kadahan pahavwi wawnamnihtenwiy ku pariye kibeynewatnene. Ig pahavwi kuwis danuh atere git Kiyavwiye Uhokri inurikut. Ig awnamnihkevutne ku pariye kabaytenene giwkis madikte. Ig Kiyavwiye Jesus, Kiyavwiye Uhokri gikamkayh. Ku wixwiy hiyap ku ignewa wawnamnihtenwiy, uyay kamaxwa givitit kabayntiwa.