Lúkas 24:39 - Uhokri Gahegbetawni Nukune akak Sawmus

³⁹ Ivegnay nuwakurit akak nukugkavrikut adahan yis hiyak ku nahnewa ay in. Daxtanuy. Ayge nikwe yis ihpin. Mmanawa anmapti yuma gih yuma gavita kema nahma.

Uhokri Gannasan

³⁹ Ipegnay ta nuwakuit ta nukugkuprikut adahan yis hiyak ku nahnewa ay in. Daxtanuy. Ayge nikwe yis ihpin. Mmanawa anmapti yuma gih yuma gapita kema nahma.

Lúkas 24:39 Iomraidhean Croise

Lúkas 23:46

Nikwenewa ig Kiyavwiye Jesus kabiman akak gihawna. Ig awna: — Pa, nah iki nanmapuh ta piwakurit kuri. Pisenwa gawnan inakni, giyakek madike. Ig miyap.

Lúkas 24:38

Ig hiyapni hene, ig awna gitkis: — Mmahki yis ka aynsima wadisasew? Mmahki yis matekbeta yihiyekemni?

Lúkas 24:40

Ig awna inakni, ig ekke giwak gitkis akak gikugku adahan igkis hiyap pudubdu adukwen.

Joawh 20:20

Ig awna hene, ig ekke gitkis giwak akak gimuhri. Ayge usuh bateke unaktin ka aynsima ku samah usuh hiyap Ukivara akiw.

Joawh 20:25

Ayteke nikwe usuh atere ekke git. Usuh danuh atere, usuh awna git: — Usuh kuwis hiyap Ukivarawiy. Ig kuwis kannikew akiw. Igme kaytwa wown: — Nah ka iha inakni. Ku ka nahwatma hiyap akakwa nuwtyak ini pudubdu adukwen giwaku, ku ka nahwatma idis nuwakuh arikut ini pudubdu adukwen, ku ka nahwatma idis nuwaku gimuhrikut, nikwe nah ka iha inakni yiwn aynesnima ku ig kannikew.

Joawh 20:27

Ayge ig awna git Tome: — Iveg nuwakuwit. Hiyawa pis uduk piwak atere kuri. Hiyawa pis uduk piwak atan numuhrikut hawata akiw. Ka muwaka tuguhkis pikamaxwan. Kamaxwanaba nuvitit.

Attus 1:3

Kuwis nah ekke pit inakni madikte. Minikwak ku aysaw ig Kiyavwiye Jesus ay amadga inin, ig miyap, ig kannikew akiw. Ayteke ig hiyapkiswa gitkis giwatnivwi kiberevut. Avim ini ig ekkene ka aynsima gannu gitkis kahadbe igkis hiyak kabayntiwa ku ig inyewa iveg akiw. Ig hiyapkiswene gitkis adahan pahavwi kayg akak abusku. Akakwa giwtyakkis igkis hiyavgi. Avim ini ig kinetihwene gitkis amin Uhokri gikumadukan.

1 Tesalonisenses 5:23

Ig Kiyavwiye Uhokri ig atiwkekne kariswehwaki. Igwa keh yis barewvitnek pahavwite. Ig avuriwyinek pahavwite, yitip payak akak yihiyekemni yivit. Ig avuriwyi kahadbe yis yumahwa yitaraksan aynesnima giwtrik avim ini ku aysaw Ukivarawiy Jesus Cristo gidawnhan.

Ebréws 12:9

Hawata akiw wixwiy kiyatha wigwiy amedgenevwi inin ku aysaw igkis bukihnes utaraksanwiy wowiy. Igkata Wigwiy inurikyene akiw? Amawka wixwiy kumadukasawte git. Ayge nikwe wixwiy aymuhwa gimun adahan avanenekwa.

1 João 1:1

Minikwak avit hawkri humaw ner ku pariye “Uhokri giwn” ayipa ig ay kuwis. Ig kanumka Uhokri giwn mmanawa ignewa ekkene wotwiy ku samah Uhokri gihiyekemni. Ignewa ku pariye keh wixwiy aymuhwa gimun Kiyavwiye Uhokri adahan avanenekwa. Akakwa utaybi usuh timavgi. Akakwa wowtyak usuh hiyavgi. Usuhwa hiyepnenekwa gihivak. Usuh daxgi akakwa uwakuh.