Lúkas 24:36 - Uhokri Gahegbetawni Nukune akak Sawmus

³⁶ Ku samah igkis awnempiye inakni iwit, igwa Kiyavwiye Jesus hiyapkiswe tabir ayge gibetkis. Ig awna gitkis: — Uhokri gabay yikaknek!

Uhokri Gannasan

³⁶ Ku samah igkis awnempiye inakni yuwit, igwa Kiyapwiye Jesus hiyapkiswa tabir ayge gibetkis. Ig awna gitkis: ―Uhokri gabay yikaknek.

Lúkas 24:36 Iomraidhean Croise

Matews 10:13

Ku igkis hiyeg amavay kabayntiwa, henewa ig Uhokri gabay misakwa ayge gibetkisnek. Heneme ku igkis ka amavay nikwe Uhokri gabay ka misakwa ayge gibetkis.

Markus 16:14

Ariwnteke ini ig hiyapkiswe ta gitkis giwatnivwi madikawkunene gikebikis gikak pahavwi gawnakis (11). Igkis axnes, ig hiyapkiswe atere. Ig himehpigkis atere. Ig awna gitkis: — Yidaniskata yis ihpa giwnkis neras ku pariye nuhivetnivwi ku nah kuwis kannikew.

Lúkas 10:5

Ku aysaw yis danuhanten ta givinekut pahavwi hiyegnek, pitatye yis awna gitkis hiyeg aygnenevwi: “Uhokri gabay yikaknek.”

Joawh 14:27

— Nah ikisyi akak ini nukanuh yit kariswahwaki. Nah kariswehse yihiyekemni kahadbe yis misakwa hawata ke nahbe, yiyakni karisaw. Nah kariswehse yihiyekemni inyewa, ka kema hiyeg amedgenema inin. Ka yi muwaka barukiswa. Ka yi isaksa aviska parak abetit yihiyekemni.

Joawh 16:33

Nah ikene ini yinetni yit kahadbe yihiyekemni karisaw awaku ku samah yis kamaxwene nuvitit. Ay amadga inin yis hiyapkiska mbeyne ka aynsima yitnek. Ka sam. Ka ba yi barukiswa. Kuwis nah wanekbete yivetunyavu gihawkankis.

Joawh 20:26

Ayteke ariwnteke ini adahan pahay paka akiw, gikannuhnivwi pahadguvu ariku payt akiw. Ig Tome ayge gikakkis. Pahaye adahan, lapot sabutipnene, ig Kiyavwiye Jesus hiyapkiswe gitkis akiw. Ig tabir ayge ubetuh. Ig awna: — Uhokri gabay yikaknek.

Attus 1:3

Kuwis nah ekke pit inakni madikte. Minikwak ku aysaw ig Kiyavwiye Jesus ay amadga inin, ig miyap, ig kannikew akiw. Ayteke ig hiyapkiswa gitkis giwatnivwi kiberevut. Avim ini ig ekkene ka aynsima gannu gitkis kahadbe igkis hiyak kabayntiwa ku ig inyewa iveg akiw. Ig hiyapkiswene gitkis adahan pahavwi kayg akak abusku. Akakwa giwtyakkis igkis hiyavgi. Avim ini ig kinetihwene gitkis amin Uhokri gikumadukan.

1 Koríntyus 15:5

Ku samah ig kannikew ariw gimiremni, ig hiyapkiswe git kiyavwiye Pedru. Ayteke ig hiyapkiswe gitkis madikte giwatnivwi.

1 Koríntyus 15:7

Ayteke ariwnteke ini ig hiyapkiswe git kiyavwiye Tiyagu. Ayteke nikwe ig hiyapkiswe gitkis giwatnivwi akiw.

2 Tesalonisenses 3:16

Kiyavwiye Uhokri ig atiwkekne kariswehwaki. Ig kariswehse yiyakninek avanenekwa abet madikte ku pariye danuh yit. Ig misakwa yikaknek madikte.

Apokalípsi 1:4

Nah Joawh awahkis kabayka yimin yis Jesus gihiyegavu ku pariye lammesyavu ayge avit ini ntewnehkernene paytwempu ayge Asiyamnaw. Uhokri gabay yikaknek. Ig kariswehse yiyakninek. Ignewa ay kuri akak inin, igwata minikwak, igwata nehmnikuhpiye. Hawata Uhokri Gitip gabay yikaknek. Ignewa ke ntewnehkerbe akebi abukribe ku pariye ay avetun Uhokri gevwi kiyatyo.