Lúkas 24:32 - Uhokri Gahegbetawni Nukune akak Sawmus

³² Igkis hiyapni hene, igkis kinetihwa pawtak. Igkis awna: — Ignewa Kiyavwiye Jesus. Mmanawa ku samah ig kinetihwempiye ukak avigku ahin ig akkamnih Uhokri gannasan wot, giwn dax avit uyakni.

Uhokri Gannasan

³² Igkis hiyapni henne, igkis kinetihwa pawtak. Igkis awna: ―Ignewa Kiyapwiye Jesus. Mmanawa ku samah ig kinetihwempiye ukak ig akkamnihpiye Uhokri gannasan wot, giwn dax ta apit uyakni.

Lúkas 24:32 Iomraidhean Croise

Sawmus 104:34

Numawkan ig bateknek akak nuvanuh, mmanawa nubetki in ayta giwntak Kiyavwiye.

Sawmus 39:3

Avim ini nuyakni kiyimwih ka aynsima. Ku aysaw nah pi ivegminate nuhiyekemni nimin, nah pi kiyimwihwate akiw. Nah hiyapni hene, nah awna git Kiyavwiye Uhokri, nuwnuh:

Markus 4:34

Ig ka awnati ariknawnema ta gitkis huwewe. Ig he kinetihwa akak iwit patuwesbunkanen. Heneme ku aysaw igwo gikakkis gikannuhnivwi ig akkamnihni madikte gitkis.

Lúkas 24:45

Ayteke nikwe ig woke gihiyekemnikis adahan metakwa igkis pukuha Uhokri gannasan gidahan.

Joawh 6:63

Ku wis ax ihti, ka innema keh wis aymuhwa adahan avanenekwa. Ignewa Uhokri Gitip ay uvit, ignewa ku pariye keh wis aymuhwa gimun Uhokri adahan avanenekwa. Kaksa nah awna yit patuwesbunka iwit giwntak Uhokri Gitip. Ku yis iha inakni nuwnuh, in keh yis aymuhwa adahan avanenekwa.

Attus 28:23

Nikwe igkis kaniye pahay hawkri adahan igkis timepnes Pol giwn. Ayteke abet ini hawkri ka aynsima hiyeg danuh atere git. Igkis kabubuk ayge givinwa. Igme Pol kinetihwa gitkis amin Uhokri gikumadukan. Ig akkamnihni gitkis mataytak. Ig ekkene gitkis madikte ku pariye amekene Moís gikumadukan kinetihwa gidahan Uhokri gikanyan adahan ukumaduketniwiy. Ig ekkene gitkis madikte ku pariye Uhokri gawnevevu pitatyevwi kinetihwa gidahan. Ig awna gitkis: — Kiyavwiye Jesus ignewa Uhokri gikanyan adahan ukumaduketniwiy.

Ebréws 4:12

Mmanawa Kiyavwiye Uhokri giwn detye. In keh ka aynsima annut. In padukte ariw pahamku iwan pebkaknano guyaw. Egme pahamku iwan paduk tahan warikwit ku kiney ukisut avatiptakni. He eg parak tahan abetit uvirik. Inme Kiyavwiye Uhokri giwn in padukte akiw. In paduk ku kiney udehetni patiptak akak uhiyekemni. In ivega ku pariye abet uhiyekemni avit uyakni.