Lúkas 24:30 - Uhokri Gahegbetawni Nukune akak Sawmus

³⁰ Ig batahkiswe atere adahan axne gikakkis. Ig kidis bugut. Ig kabayha Uhokri. Ayteke ig sikebdih ini bugut ig ibekhepni givuwiwkis.

Uhokri Gannasan

³⁰ Ig batahkiswe atere adahan axne gikakkis. Ig kidis bugut. Ig kabayha Uhokri. Ayteke ig sigkebdih ini bugut ig ibekhepni gipuriwkis.

Lúkas 24:30 Iomraidhean Croise

Matews 14:19

Igkis ewkwin git. Nikwe ig keh neras pahabunene hiyeg batahkiswebdi amadga ini amatap ayge. Ku aysaw kuwis igkis batebdebdihpikis, ig iwe ini pohowkubunene bugut akak piyananene im. Ig sarayh givegi ta inut, ig kabayha Kiyavwiye Uhokri adahan ini. Ayteke ig sigkabdihavepni. Ig ikepni ta gitkis gikannuhnivwi. Igkisme gikannuhnivwi ibekhepni givuwiwkis neras hiyeg.

Matews 15:36

Ku aysaw kuwis igkis batebdebdihpikis, ig iwe ini ntewnehkerbunene bugut akak ini im. Ig kabayha Kiyavwiye Uhokri adahan ini. Ayteke ig sigkabdihavepni. Ig ikepni ta gitkis gikannuhnivwi. Igkisme ibekhepni givuwiwkis neras hiyeg.

Matews 26:26

Ku samah igkis axnene ayge, ig Kiyavwiye Jesus iwe pahak bugut. Ig kabeyhe Uhokri. Ayteke ig sigkebdihe ini bugut, ig ibekhepni givuwiwkis giwatnivwi. Ig awna gitkis: — Ahah. Inin bugut in nihuh yidahan. Amavaniy, axnay niwntak.

Markus 14:22

Ku samah igkis axnes ayge, ig Kiyavwiye Jesus iwe pahak bugut. Ig kabayha Kiyavwiye Uhokri. Ayteke ig sigkebdihe ini bugut, ig ibekhepni givuwiwkis giwatnivwi. Ig awna gitkis: — Ahah. Inin bugut in nihuh yidahan. Amavanay inin bugut, axnay niwntak.

Markus 6:41

Ku aysaw igkis kuwis batebdebdihpikis, ig iwe ini pohowkubunene bugut akak piyananene im. Ig sarayh givegi ta inut, ig kabayha Kiyavwiye Uhokri adahan ini. Ayteke ig sigkebdihe ini bugut. Ig ikepni ta gitkis gikannuhnivwi kahadbe igkisme ibekhepni ta givuwiwkis neras hiyeg. Hawata ig ibakhase ini piyananene im ta givuwiwkis madikte hiyeg.

Markus 8:6

Ayteke nikwe ig Kiyavwiye Jesus keh neras hiyeg batahkiswa waygborit. Ku aysaw kuwis igkis batebdebdihpikis, ig iwe ini ntewnehkerbunene bugut, ig kabayha Kiyavwiye Uhokri adahan ini. Ayteke ig sigkabdihavepni, ig ikepni ta gitkis gikannuhnivwi. Igkisme ibekhepni givuwiwkis neras hiyeg.

Lúkas 22:19

Ayteke ig iwe pahak bugut. Ig kabayha Uhokri. Ig sigkebdih ini bugut ig ibekhepni ta givuwiwkis giwatnivwi. Ig awna gitkis: — Inin bugut in nihuh ku pariye nah sigkebdihkis yidahanek. Han pitatit yisme axnek bugut ke ininbe kiberevut adahan yis nukiyetninek.

Lúkas 24:29

Igkisme kinistevgi adahan ig misakwa ayge gikakkis. Igkis awna git: — Uya misakwanate ay ukakuh, mmanawa kuwis aygete, kaba misanpi. Ig timapni hene, ig pareke atere adahan ig misakwa gimunkis.

Lúkas 24:35

Neras piyananene gikebikis timapni hene, igkis ekke gitkis ku pariye kuhwekwa danuh gitkis ahinavrik. Igkis ekke ku samah igkis hiyekevgi amun ku samah ig sigkebdihne bugut gidahankis.

Lúkas 9:16

Ku aysaw kuwis igkis batebdebdihpikis, ig Kiyavwiye Jesus iwe ini pohowkubunene bugut akak piyananene im. Ig sarayh givegi ta inut, ig kabayha Uhokri adahan ini. Ayteke ig sigkabdihavepni, ig ikepni ta gitkis gikannuhnivwi. Igkisme ibekhepni givuwiwkis neras hiyeg.

Joawh 6:11

Ayteke nikwe ig Kiyavwiye Jesus iwe ini bakimni gibuguta. Ig kabayha Kiyavwiye Uhokri adahan ini bugut. Ayteke ig ibekhepni givuwiwkis gikannuhnivwi. Igkisme ibekhepni givuwiwkis neras batebdebdihpiye. Ku samah ig keh akak bugut ig keh hawata akak im. Ig ibakhasepni. Igkisme hiyeg kidis ku samah gimawkankis niwntak.

Attus 2:42

Ayteke mpuse hawkri igkis tiviknenes kannuhwene gitkis Kiyavwiye Jesus giwatnivwi. Igkis darihweknes pawtak takunipti. Igkis axnes payegbitak adahan igkis amniheknes pawtak, adahan igkis kiyenes ku samah Kiyavwiye Jesus umahkiswe udahanwiy. Igkis piriyepkewnes payegbitak.

Attus 2:46

Mpuse hawkri igkis lammesya ay ariku ini leglis kewye Uhokri Givin. Igkis ax payegbitak givinekukis adahan igkis kiyenes ku samah Kiyavwiye Jesus umahkiswe udahanwiy. Igkis ax kabubuk akak madikte batekka akak madikte tuwatka.

Attus 27:35

Ig awna inakni hene, ig iwe aynesa bugut ig kiye Kiyavwiye Uhokri giwtrikneswa madikte hiyeg. Ayteke ig kavusa ax.