Lúkas 24:27 - Uhokri Gahegbetawni Nukune akak Sawmus

²⁷ Ayteke nikwe ig Kiyavwiye Jesus akkamnih madikte iwit amadgatak Uhokri gannasan ku pariye kinetihwa gimin. Ig kavusa ariwntak amekene Moís gikagtan, ig akkamnih madikte gannasankis Uhokri gawnevevu pitatyevwi ku samah in kinetinwa gimin.

Uhokri Gannasan

²⁷ Ayteke nikwe ig Kiyapwiye Jesus akkamnih madikte yuwit amadgatak Uhokri gannasan minikweknene ku pariye kinetihwa gimin. Ig kapusa ariwntak amekene Moís gikagtan, ig akkamnih madikte gannasankis Uhokri gawnepepu pitatyepwi ku samah in kinetihwa gimin.

Lúkas 24:27 Iomraidhean Croise

Sawmus 132:11

Inakni pikaksan git Davi, in inyewa. Pis ka diyuhkiswanek butte niw. Pis awna git: “Nah kehnek pahavwi gaytakkis pikamkayuvwi humawnek ikivarat. Ig kumadukanek butte piw.

Markus 4:34

Ig ka awnati ariknawnema ta gitkis huwewe. Ig he kinetihwa akak iwit patuwesbunkanen. Heneme ku aysaw igwo gikakkis gikannuhnivwi ig akkamnihni madikte gitkis.

Lúkas 24:25

Ig Kiyavwiye Jesus timapni hene, ig awna gitkis: — Mmahkay yis ka pukuhasaki? Mmahkay yis ka iha madikte ku pariye Uhokri gawnevevu pitatyevwi awna?

Lúkas 24:44

Ayteke nikwe ig awna gitkis: — Kuhwekwa ku samah nah aynete yikak, nah ekke yit madikte ku pariye amekene Moís gikagtan kinetihwa numinuh, madikte ku pariye Uhokri gawnevevu pitatyevwi kinetihwa numinuh, madikte ku pariye kagta avatkekne Salmus kinetihwa numinuh. Nah awna yit ku inyewa in danuh nutuhnek. Kuri, kibeyne, metakwa in kuwis kahayak.

Joawh 1:45

Ayteke ig Filip tivik iwasene pahavwi gikagmada kewye Natanael. Ig danuh atere, ig awna git: — Usuh kuwis patipteke gikak Uhokri gikanyan adahan ukumaduketniwiy, ner ku pariye amekene Moís kinetihwa gimin minikwak, ner ku pariye Uhokri gawnevevu pitatyevwi kinetihwa gimin. Igi Kiyavwiye Jesus Nazaréyene, ku pariye José gikamkayh.

Joawh 12:41

Ig amekene Izaíyas awna inakni hene awaku ig kuwis hiyap ku samah Kiyavwiye Jesus igyewa ka gikiytanisima. Inneki keh ig awna inakni hene gimin.

Joawh 5:37

Hawata akiw igwa Niguh nawahkisten ignewa akkan ku pariyene nah. Ig kuwis awna inuriktak ku nah gikamkayh. Heneme yis ka timapti inakni giwn. Yis kawnata hiyap gihivak ku aysaw ig kahayaksaw.

Joawh 5:39

Uhokri gannasan hawata akkan ku pariyene nah. Yis yibetki ivegboha inakni Uhokri gannasan mmanawa yivewkan ku yis ivegbohin kabayntiwa, nikwe yis aymuhwanek gimun Uhokri adahan avanenekwa. Ka ba yis hiyapk ku nahnewa ku pariye Uhokri gannasan kinetihwa numinuh?

Attus 10:43

Madikte Uhokri gawnevevu pitatyevwi kinetihwa gimin Kiyavwiye Jesus. Igkis kinetihwa amin ku samah ig keh Kiyavwiye Uhokri bayahmina ariw gitaraksankis madikte hiyeg ku pariye kamaxwanevwi givitit.

Attus 3:18

Henneme Kiyavwiye Uhokri isaksevyi adahan yis umahkiswig. Uhokri gawnevevu pitatyevwi igkis kinetihwa minikwak ku amawka Cristo hiyap mbeynenek. Metakwa ini humaw ku avim inin ku samah ig Uhokri gannasan.

Attus 3:22

Kiyeminahnabay amin amekene Moís giwn ku samah ig kinetihwa gimin Kiyavwiye Jesus gitkis amekenegben. Giwn: — Aysawnemenek Kiyavwiye Uhokri awahkisnek pahavwi gawneve kewa nahbe adahan ig ekkene Kiyavwiye Uhokri giwn yit. Ig waytakwiy ukebyiy. Amawka yis ihpa giwn madikte.

Attus 3:24

Henneki madikte Uhokri gawnevevu pitatyevwi kinetihwa amin ku pariye danuh wotwiy ku avim inin. Ner gawneve pitatye ig amekene Samwe ig kinetihwa nimin gikakkis madikte gawnevevu buttityevwi, igkis kinetihwe niminwata akiw.

Attus 7:37

Hawata akiw ig ner amekene Moís ku pariye tukuhpika gavitkis hiyeg, ignewa kinetihwa gimin Cristo gitkis amekenegben. Ig awna gitkis: — Aysawnemenek Kiyavwiye Uhokri awahkisnek pahavwi gawneve kewa nahbe, adahan ig ekkene Kiyavwiye Uhokri giwn yit. Ig waytakwiy ukebyiy.

Attus 8:35

Igme Filip kaytwa giwn: — Inakni iwit kinetihwene gimin Kiyavwiye Jesus. Ayteke ig akkamnih git inakni Uhokri gannasan. Ayteke ig tiviknene ekkene git madikte Kiyavwiye Uhokri ginetni gidahan Kiyavwiye Jesus.

Apokalípsi 19:10

Nah timapni hene, nah paberetusew gikimpurit adahan nuvewkan nah gikithenitni. Heneme ig awna nutuh: — Ka ba kehni hene. Nah Uhokriwata gibuk hawata ke pisbe hawata ke madikte pikebyuvwibe ku pariye ekkenevwi Kiyavwiye Jesus ginetni. Ka muwaka kiyathan hene. Kawohkigahaw git Kiyavwiye Uhokrinenwa. Mmanawa inakni Kiyavwiye Jesus ginetni, ini ku pariye uguhe Uhokri gawnevevu gihiyekemnikis adahan igkisme awna iwit ku pariye pes giwntakwa Uhokri.