Lúkas 24:26 - Uhokri Gahegbetawni Nukune akak Sawmus

²⁶ Amawka ku Cristo hiyap madikte ini mbeyne, ayteke nikwe Uhokri iki gikiytani givitit akiw aynte inurik.

Uhokri Gannasan

²⁶ Amawka ku Cristo hiyá madikte ini mbeyne ayteke nikwe Uhokri ikí gikiythani ta gipitit akiw ayhté inugik.

Lúkas 24:26 Iomraidhean Croise

Lúkas 24:44

Ayteke nikwe ig awna gitkis: — Kuhwekwa ku samah nah aynete yikak, nah ekke yit madikte ku pariye amekene Moís gikagtan kinetihwa numinuh, madikte ku pariye Uhokri gawnevevu pitatyevwi kinetihwa numinuh, madikte ku pariye kagta avatkekne Salmus kinetihwa numinuh. Nah awna yit ku inyewa in danuh nutuhnek. Kuri, kibeyne, metakwa in kuwis kahayak.

Lúkas 24:46

Ig awna gitkis: — Uhokri gannasan awna ku amawka nah hiyap mbeyne ka aynsima, amawka nah umehpika, heneme abet amamnampiye hawkri ariwntak numiremni nah kannikaw akiw.

Lúkas 24:7

Avim ini ig awna yit ku ig kamaykiswikanek ta gitkis hiyeg ku pariye mbeyevyenen gihiyekemnikis. Ig awna ku ig daddahkiswikanek, heneme Abet amamnampiye hawkri ariwntak gimiremni ig kannikawnek akiw.

Joawh 2:22

Ariwntak ini ku aysaw ig kuwis kannikaw ariw gimiremni, avim ini igkis gikannuhnivwi kiye inakni giwn. Inneki keh igkis iha madikte Uhokri gannasan amin gikankawni. Hawata avim ini igkis iha madikte Kiyavwiye Jesus giwn amin gikankawni.

Joawh 20:9

Mmanawa avit ini usuh kote pukuhpate ini Uhokri gannasan ku samah in awna ku amawka ig kannikaw ariw gimiremni.

Attus 17:3

Ig akkamnihne inakni Uhokri gannasan gitkis. Ig ekkene gitkis huwewe ku in awna ku amawka Cristo hiyap mbeyne ig miya ig kannikaw akiw. Pisenwa ig awna gitkis: — Ner Kiyavwiye Jesus ku kamin nah kinetihwene yit igyewa Cristo. Ig Uhokri gikanyan adahan ukumaduketniwiy.

Ebréws 12:2

Uyay iveg givitit Kiyavwiye Jesus. Giwntak ig Kiyavwiye Jesus wixwiy kavusa kamaxwa givitit Kiyavwiye Uhokri. Gitnewa wixwiy misakwa akiw. Ku aysaw ig Kiyavwiye Jesus aynete amadga inin ig ka tuguhkisti gihiyekemni. Ig mpiksew aharit ini batekka ku pariye kuwis ahegbet gidahan he ig umahkiswe amin giyakni. Ig ka aynsima marekepka heneme in ka sam git. Inneki keh kuri ig bat ay gihumwa Kiyavwiye Uhokri amun ini iwetrit ku pariye kane nikiytanisima kihehaptak.

1 Pedru 1:11

Igkis ivegminenes gihiyekemnikis adahan ku aysawneki ini hawkri danuh, hawata adahan ku samahpaki nidawnhan. Mmanawa avit in danuh, kuwis Cristo Gitip akkin gitkis huwewe. Ig awnene ay givitkis amin ku samah Cristo hiyap mbeynenek ayteke ig ikaka gikiytaninek.

1 Pedru 1:3

Kibeyne gidahan Kiyavwiye Uhokri ku pariye Ukivarawiy Jesus Cristo gig. Ig ka gamnihrasima ukakwiy. Ig keh uhiyekemniwiy wayvuka nukunewa akiw givitimpi Jesus Cristo ku samah ig kannikasevgi ariw gimiremni. Inneki keh wixwiy iveg givitit adahan ig utipkis wotwiy ini kabayka dehetniki