Lúkas 23:8 - Uhokri Gahegbetawni Nukune akak Sawmus

⁸ Ayteke nikwe ig Kiyavwiye Jesus waxwepka atere git. Ig Erodis hiyapni hene, ig bateke gimin. Kibite hawkri kuwis ig hiyepkerevgi mmanawa ig kinetni gak ig givewkankam ig kehkis annut git adahan areketni gidatni.

Uhokri Gannasan

⁸ Ayteke nikwe ig Kiyapwiye Jesus waxepka atere git. Ig amekene Erodis hiyapni henne, ig bateke gimin. Kibite hawkri kuwis ig hiyepkerepri mmanawa ig kinetni gak ig gipewkankam ig kehkis annut git adahan arekhetni gidatni.

Lúkas 23:8 Iomraidhean Croise

Matews 14:1

Avim ini hawkri ner hiyaptigi Erodis ig time Kiyavwiye Jesus gak ku samah ig keh annut.

Markus 6:14

Avim ini hawkri ner hiyaptigi Erodis ig time gak Kiyavwiye Jesus, mmanawa giw Kiyavwiye Jesus hiyakkan muwapuw. Ig timap gaytakis hiyeg awna: — Ke wotuhbe ignewa Joawh Batistamni. Ig kannikew akiw ariw gimiremni. Inneki keh ig ka gannusima keh annut.

Markus 8:34

Ayteke ig Kiyavwiye Jesus pahadguhe ka aynsima hiyeg gikakkis gikannuhnivwi. Ig awna gitkis: — Ku pahavwi humewkerevye nuhiyega, amawka ku ig ikise gidahan gibetki. Amawka ku ig umahkise gihiyekemni amadgaya inin ke wotbe ig daddahkiswinbe ta aminat ah. Amawka ku ig ikaw hawata ke nahbe.

Lúkas 4:23

Ig hiyapni hene, ig awna gitkis: — Ay pahat iwit patuwesbuhka ku pariye wis inpawa awna ku aysaw wis pukuhpaw gibohri pahavwi. Wis awna: “Ku pis igyewa piyihekevutne, asa piyih pivitkite.” Ku avim inin yis awna inakninek iwit nutuh. Yis awna: “Usuh time pak ku pis keh ka aynsima annut aynte Kafarnawh ku pariye hiyeg amadgaya inin ka hiya nikehka. Ku inyewa pis keh annut ayge, uya akka wotuh pannu ay avit inin piwaxig ku kiney pis aymuhwa.”

Attus 8:19

Ig awna gitkis: — Uyay piyuk nutuh ini yannu kahadbe nah sarayh nuwakuh givititkis hiyeg, igme Kiyavwiye Uhokri Gitip ikepka givititkis.