Lúkas 23:54 - Uhokri Gahegbetawni Nukune akak Sawmus

⁵⁴ Ig keh hene abet ini hawkri adahan ahegbetewvye adahan mayekne abet samdi.

Uhokri Gannasan

⁵⁴ Ig keh henne abet ini hawkri ku kabet hiyeg ahegbetaw adahan mayekne abet samdi.

Lúkas 23:54 Iomraidhean Croise

Matews 27:62

Ayteke amavya ini hawkri ku kabet judeyenevwi ahegbetaw adahan kiyathene samdi, neras muwveg kiyatyevwi gikakkis neras farizewkis igkis tivik ta git Pilatus. Hiyawa avim inin samdi, heneme igkisnewa atak atere.

Markus 15:42

Aygete pahavwi awayg kewye José arimateyene danuh atere. Ig pahavwi gaytakis neras judeyenevwi giwewkistenkis. Ig kiyatye hiyeg. Ig wahepnenekwa Uhokri gikumadukan ku aysaw in danuh.

Lúkas 23:53

Ig José timapni hene, ig tivik. Ig danuh atere, ig wiwhe Kiyavwiye Jesus givit aminatak giyakni. Ayteke ig wanakminevgi akak pahak dagam seyne barewbetye. Pisenwa ig sarayhe givit arikut pahayku imewti ariku tip amiyokni ku pariye kote kawihkante.

Joawh 19:14

Ayteke nikwe ig awna gitkis neras muwveg kiyatyevwi. Ig awna: — Nobaki kuri yikivara!

Joawh 19:31

Ayge nikwe samdi kaba kavusaw. Neras judeyenevwi giwewkistenkis hiyapni hene, igkis tivik git Pilatus. Igkis danuh atere, igkis awna git: — Kiyavwiye, dunihkiswinaba gibagwankis neras awaykemni aminene giyaknikis adahan iwawha gimiremnikis kahadbe igkis wiwhpika aminatak giyaknikis avit samdi kavusaw. Igkis awna inakni hene awaku igkis ka muwaka givitkis misakwa ay amin giyaknikis abet samdi. Mmanawa ini samdi avitmin madikte hawkri adahan gifetrakis. Igme Pilatus ihe giwnkis.

Joawh 19:42

Igkis hiyapni hene, igkis awna: — Inin imewti kennesa. Uyay iwawhaw sarayh givit atere, mmanawa amawka ku wis barewvithaw avit samdi danuh. Atere igkis sarayhe Kiyavwiye Jesus givit.